Isaiah 40:22 - Hawaii Pidgin Bible

²² God, da One stay live above da earth an da sky! Unda him, look jalike one big circle, An da peopo dat live dea, Fo him dey look jalike small grasshoppas. He da One stretch da sky jalike one big curtain, Jalike wen you spread out da cloth Fo set up da kine tent you goin live inside.

Isaiah 40:22 ပူးပေါင်းရင်းမြစ်များ

Start 1:6

Den God tell, “I like get someting inside da middo fo no let da watta up dea an da watta undaneat come togedda!”

Job 22:14

Da tick kine clouds hide him, Fo him no see us guys, Wen he walk inside da mos high place in da sky.’

Job 26:7

God spread out da north sky ova one place wea no mo notting. He hang da earth wea no mo notting fo hold um.

Job 36:29

No mo nobody undastan how da clouds spread out, O how da noise from da storm come from wea he stay!

Job 37:18

Kay den: You tink you can help God fo spread out da clouds, Wen da sky hard jalike one metal mirror, o wat?

Job 9:8

He da One dat stretch out da sky, An no need nobody fo help him. He walk all ova da waves inside da ocean Fo show he stay in charge dea too.

Songs 104:2

Da One In Charge Get light all aroun him, Jalike dass wat he wea. He set up da whole sky Jalike one guy set up one tent cova.

Songs 18:11

He make eryting aroun him dark fo cova him, He put clouds all aroun jalike one tent. He make da black rain clouds Jalike one straina fo da watta come thru.

Songs 19:4

Da tings da sky tell, Peopo all ova da world awready know bout um. Ery place on top da earth, Da peopo awready hear wat da sky tell. Da sun, he stay inside da sky. Dass wea God wen put up one tent fo him.

Songs 2:4

Da One In Charge, dat sit on top his throne inside da sky, He ony laugh! Da Boss Up Dea, he make fun a dem!

Songs 29:10

Da One In Charge, he get his throne ova da big flood, Da One In Charge, he stay king foeva.

Songs 68:33

Lissen to da One dat stay ride Inside da sky From da time he make da world Till now! Get powa, his voice!

Smart Guys 8:27

Wen Da One In Charge put da sky up dea An cut out one circle on top da deep ocean wea da sky stay, Dass wea I was.

Isaiah 19:1

Me, Isaiah, I get heavy kine stuff fo tell bout wat I see goin happen to da Egypt peopo: Da One In Charge stay come Egypt side, Jalike he stay ride on top one cloud. Da idol kine gods da Egypt peopo pray to Stay shake in front him. Da Egypt peopo stay plenny sked An no can tink good.

Isaiah 37:16

“Eh! You, Da One In Charge! You, da God Ova All Da Armies. You da God fo us Israel peopo. You get yoa spesho place right hea inside dis Temple, inside da spesho room wit da awesome angel watcha guys on top da Box. You da ony One dass God fo real kine, cuz you da God ova all da kings an dea peopos all ova da world. Was you, da One dat wen make da sky an da earth.

Isaiah 40:15

“Da way Da One In Charge tink bout da peopo Inside all da countries, Dey jalike one drop watta from inside one bucket, Jalike litto bit dirt Dat fall down on top one scale, An no change notting. He even weigh da islans Jalike dey small kine dus, Da kine dat come outa da air.

Isaiah 40:17

“Wen Da One In Charge look da peopo in all da diffren countries, Jalike dey notting! Da way he tink bout dem, He know dey no worth notting, Jalike dey notting to him.

Isaiah 42:4

He no goin hold back o lose fight, Cuz he goin make shua da peopo all ova da world Goin judge da right way erytime. Da peopo dat live on top da islans goin wait Fo hear da rules he goin teach um.”

Isaiah 42:5

Dis wat God, Da One In Charge, tell, Da One wen make da sky an stretch um out. Da One stay spread out da world an eryting dat come out from da groun. He make da peopo on top da earth breave. He make erybody dat walk on top da earth stay alive. He tell da spesho guy dat work fo him,

Isaiah 44:24

Dis one spesho message from Da One In Charge, Da One wen pay da price Fo get you guys outa trouble. He da One wen make you guys Inside yoa muddah. Dis wat he tell: “Me, Da One In Charge. I wen make eryting. I stretch out da sky An no mo nobody wit me dat time. Was ony me, wen I spread out da world.

Isaiah 51:13

How come you guys foget Dat me, Da One In Charge, I da One wen make you?! I spread out da sky An put down da foundation fo da earth. So, how come you guys stay real sked ery day, Cuz you tink bout da peopo dat stay mad An give you guys hard time, Cuz dey huhu wit you guys, An dey stay ready fo wipe out you guys. But wat dey goin do cuz dey mad? Notting!

Isaiah 66:1

Dis wat Da One In Charge tell: “Da sky, jalike one throne wea I sit down. Da earth, jalike one stool wea I put my feets on top. Wea da house you guys goin build fo me? Wea I goin res?

Jeremiah 10:12

Da One wen make da earth, was Da One In Charge, Cuz he get powa. He da One make da world stay how stay Cuz he know wat fo do erytime. Jalike he spread out da sky Cuz he know da bestes way fo make um lidat.

Zekariah 12:1

Dis wat me Da One In Charge tell bout da Israel peopo. Da One In Charge, da One dat spread out da sky, Dat put down da foundation fo da earth, An make da spirit inside peopo. I tell dis:

Census 13:33

We see da Nefil peopo ova dea. (Da Anak peopo come from da Nefil peopo, you know.) Wen we look at dem guys, us guys look small, jalike grasshoppas. An az how us guys wen look to dem too.”