Isaiah 40:2 - Hawaii Pidgin Bible

² You guys, talk to da Jerusalem peopo An tell all dem Fo dem feel good inside. Tell dem dat da hard work dey wen do Cuz dey owe me plenny, all pau awready. Da bad tings dey wen do, Dey awready get punish fo all dat. Me, Da One In Charge, I wen awready pay dem back double Fo all da bad kine stuff dey wen do.”

Isaiah 40:2 ပူးပေါင်းရင်းမြစ်များ

Start 34:3

Den he start fo feel plenny love fo Dinah, Jacob daughtah. So he make nice to her.

2 Records 30:22

Hezekiah give good kine words to all da Levi guys, cuz dey undastan good, how fo work fo Da One In Charge. Fo seven days dey eat da food dey suppose to eat fo dat religious kine ceremony, an make da sacrifices dat show dat da peopo an God stay good wit each odda. An dey tell Da One In Charge, da God fo dea ancestas, “Mahalo plenny!”

Songs 32:1

You goin stay good inside If God hemo yoa shame Fo da stuff you wen do agains him, An if God no hold agains you, Da bad kine stuff you wen do.

Songs 85:3

Now you no stay huhu Wit us guys no moa. You pau go afta us Jalike you still mad.

Outa Egypt 22:3

But if dey catch da steala guy day time afta da sun come up, an dey kill um, den da peopo dat kill um gotta mahke too. Da steala guy gotta pay back da owna. But if he no can pay, tell um fo sell da steala guy fo come one slave, an use dat money fo pay back da owna a da field.

Teacha 3:4

One time fo cry An one time fo laugh, One time fo stay sad inside An one time fo dance.

Isaiah 12:1

Dat time, you goin tell, “I goin sing fo tell Da One In Charge he da greates! I goin tell erybody dat you good, Da One In Charge. No matta you was huhu wit me, Now you no stay huhu wit me no moa, An you take away da sore from inside me.

Isaiah 14:3

Bumbye, Da One In Charge goin let you res. Den you no goin feel sore no moa, an you no goin come sked an shake cuz you worry, an no goin be no mo da hard slave kine work dey make you do.

Isaiah 27:9

Dass wat God goin do fo pay da price, Fo hemo da shame fo da Jacob ohana. Dass wat goin happen Wen God throw out all da bad kine stuff dey wen do. Den, God goin make all da stones Inside da altars fo da odda gods Come jalike chalk wen somebody smash um. Da poses wea dey pray to da wahine god Asherah An da altars wea dey burn da incense fo da odda gods, Dey no goin stan dea no moa.

Isaiah 33:24

Dat time, nobody dat live Jerusalem town Goin tell, “I stay sick!” God goin take away da shame Fo da bad kine tings dey wen do From erybody dat live dea, An let um go.

Isaiah 35:4

Tell da peopo dat feel sked, “Come strong! An no sked! Fo shua, yoa God goin show up Wen da time come fo pay back Da ones dat stay agains him! He da One goin come, An get you guys outa trouble!”

Isaiah 43:25

“Me, Da One In Charge. I da One dat let you go Fo show wat kine god me, No matta you go agains me. I no tink no mo bout all da bad tings you wen do.

Isaiah 44:22

You guys go agains me plenny. Wat you wen do, was jalike one black cloud. But I wen wipe all dat out! You wen do plenny bad kine stuff, An dat was jalike get cloud all ova da place. But I wen hemo da shame fo all dat! Go come back by me! Cuz I wen pay da price Fo let you guys go awready.”

Isaiah 49:25

But dis, da message from Da One In Charge: “Fo shua, I goin let da prisona guys go From da strong army guys dat wen catch um! Da stuff dat da leada guys steal, I goin get um back! I da One goin fight da guys dat fight you guys. I da One goin get yoa kids outa trouble.

Isaiah 51:17

Wake up! Wake up! Stan up, you Jerusalem peopo! Befo time, Da One In Charge wen stay huhu wit you guys, An he make you guys suffa plenny! Jalike he make you guys drink wine From inside one wine bowl he give you, An you drink da whole ting, An you, you no can walk strait cuz a dat.

Isaiah 53:5

But da guy dat work fo Da One In Charge, Him, da one peopo poke wit one spear Cuz us guys go agains God. Him, da one dey smash Cuz us guys do wrong. Him, da one dey punish An dat make eryting come good fo us. Him, da one dey whip An cuz a dat, he make us come good!

Isaiah 53:6

We all go all ova da place jalike da sheeps. All us guys, we go wea we like go. But Da One In Charge, he let da guy dat work fo him Take da blame fo da bad stuff all us guys do.

Isaiah 54:15

Bumbye, if somebody attack you guys, Dat no goin be cuz a me. Whoeva attack you guys Dey goin get wipe out in front you.

Isaiah 54:17

But no matta wat kine tings peopo make Fo fight you guys wit um, Dey no goin win. No matta wat peopo tell in front da judge Wen dey poin finga you guys, You guys goin show proof dey wrong. All dis I goin do fo you guys Cuz me Da One In Charge an you guys work fo me. Dass how I goin show Dat my peopo get um right wit me.” Dass wat Da One In Charge tell.

Isaiah 55:7

Fo da bad kine peopo, Da ones dat stay make trouble, Az good dey bag from da stuff Dey do befo time, An no tink bad kine stuff no moa. Mo betta dey turn back to Da One In Charge, Cuz he goin show pity fo dem. Wen dey turn back to oua God, He goin do plenny fo let dem go Fo wat dey wen do befo time, An hemo dea shame.

Isaiah 6:7

He touch da hot charcoal on top my mout an tell, “Now dis charcoal touch yoa mout, All da bad tings you wen do stay gone awready. God wen pay da price Fo hemo from you all dat bad kine stuff.”

Isaiah 61:7

Befo time, you guys had shame. Bumbye, you goin get double da stuffs you get befo time. Befo time, nobody respeck you guys. Bumbye, yoa peopo goin yell cuz dey feel good inside. So, yoa peopo goin own double da land, An dey goin dance an sing all da time Cuz dey feel good inside.

Isaiah 66:13

Jalike one muddah help her bebe calm down, Even afta he grow up an come big, I goin do da same ting fo help you guys come so notting bodda you. Wen you guys stay Jerusalem town, I goin let you come so notting bodda you!

Jeremiah 16:18

Befo I bring back my peopo, I goin pay dem back double fo all da wrong kine tings an da bad kine stuff dey do. Cuz dey wen make my land come pilau wit dea bad kine idol kine gods dat I hate—gods dat no stay alive. Dey make da land dat I own come full wit uku pile a idol kine gods.”

Jeremiah 17:18

“Da guys dat stay come afta me, I like you make dem come shame, But no make me come shame. Bum dem out, but no bum me out. Make bad kine stuff happen to dem, An bus um up, ova an ova!”

Jeremiah 29:11

Cuz me, I know da plans dat I stay make fo you guys. I goin make eryting come good fo you guys, an not bad. I goin make good kine stuff happen to you guys bumbye, da good kine stuff you stay wait fo.” Dass da message from Da One In Charge!

Jeremiah 51:10

Da One In Charge wen make erybody see Dat us Israel an Judah guys get um right wit him. Go come, we go tell da Israel an Judah Guys story Jerusalem side, Wat oua God, dass Da One In Charge a us, wen do.”

Sad Song 4:22

You Jerusalem peopo, God goin pau punish you guys. He no goin make you stay far away long time. But you Edom peopo, he goin punish you guys fo da bad tings you do, He goin show erybody da real bad kine stuff you guys do!

Ezekiel 16:42

Den I goin pau stay huhu wit you. I no goin stay jealous no moa. I goin stay quiet an no stay huhu no moa.

Daniel 11:35

Some a da leada guys dat undastan how come all dis stay happen, dey goin suffa. Az goin be jalike one tes fo da peopo fo make um come clean inside, an no mo notting bad goin stay wit dem. Goin stay lidis till jus da right time.

Daniel 12:4

But you, Daniel, put seal on top da roll up sheep skin, fo eryting inside stay secret till da world pau. Plenny peopo goin run aroun dis side an dat side fo try find out mo plenny bout all dis stuff.”

Daniel 12:9

He tell, “Daniel, dass not yoa kuleana. Go awready. No aks mo question. Cuz all dis stuff stay secret till da world pau.

Daniel 9:12

You make happen da stuff you wen tell you goin do fo punish us an oua govmen guys wen you make happen all dis bad kine stuff to us. All ova da world, no mo nobody eva do notting lidis befo, jalike you wen do to Jerusalem.

Daniel 9:2

Da firs year he stay king, me, Daniel, I stay study my books bout God dat year. I try fo figga out wat Da One In Charge mean, wen he tell Jeremiah, da guy dat talk fo him, dat afta Jerusalem come bus up an erybody bag, den Jerusalem goin stay all bus up fo seventy year.

Hosea 2:14

“Az why bumbye I goin make her like fo go wit me. I goin lead her back inside da boonies, An talk nice to her.

Hosea 2:16

Da One In Charge tell, “Dat time, you goin call me, ‘my husban.’ You no goin call me, ‘my boss’ no moa.

Habakkuk 2:3

Wat I goin show you, Gotta wait fo da right time. Az da trut bout da end. No matta how slow, wait fo um. Goin happen fo shua, but not late. Goin come wen come.

Zefaniah 3:15

Cuz Da One In Charge no goin punish you guys. He wen make da peopo dat stay agains you go way. Da One In Charge, da king fo us Israel peopo, he stay wit you guys! No sked dat one bad ting goin happen one mo time!

Zekariah 1:13

Da One In Charge give good kine words to da angel guy dat stay talk wit me. God tell him stuff fo make da angel feel good inside.

Zekariah 1:15

But I stay real huhu wit da odda peopos dat tink notting bad goin happen to dem. Befo time I stay ony litto bit huhu, but dose guys wen make mo worse tings happen to my peopo.’

Zekariah 9:12

Go come back by yoa strong wall, you prisona guys, Da ones dat stay wait fo me do someting. Even now I tell you guys Dat I goin give you guys back Two good tings fo ery bad ting Dat wen happen to you.

Jesus Guys 1:7

He tell dem, “Not yoa kuleana fo know da time o da day da Faddah pick. He da One goin do dat.

Galatia 4:4

But wen da right time come, God sen his Boy. One wahine born him, an he gotta do wat da Rules tell um fo do.

Jesus Show 18:6

“Pay um back double! Dass jalike you make dem one drink inside dea cup, two times mo strong!