Isaiah 40:15 - Hawaii Pidgin Bible

¹⁵ “Da way Da One In Charge tink bout da peopo Inside all da countries, Dey jalike one drop watta from inside one bucket, Jalike litto bit dirt Dat fall down on top one scale, An no change notting. He even weigh da islans Jalike dey small kine dus, Da kine dat come outa da air.

Isaiah 40:15 ပူးပေါင်းရင်းမြစ်များ

Start 10:5

Some a da Javan ohana peopos, dey da ones dat live nowdays nea da Mediterranean Sea an on top da islans. Ery ohana get dea land, dea language, an dea blood line.

Songs 62:10

No tink you goin come rich Wen you presha out peopo Fo give you money, O wen you bus um up Cuz dey no give you money, O wen you rip off dea stuffs. An if bumbye you get plenny money, No tink dass da mos importan ting.

Songs 62:9

Da peopo dat not importan, Dey jalike da air. Da importan peopo, No can trus wat dey tell you. Wen dey breave, dat air mo heavy Den all dose peopo togedda.

Isaiah 11:11

Anodda ting goin happen dat time: Da One In Charge a me goin go bring back all his peopo dat still yet stay alive, from Assyria, Egypt, South Egypt, Sudan, West Iran, Babylonia, North Syria, an da islans.

Isaiah 17:13

All da army guys from diffren countries make big noise, Jalike da big watta stay running. But God tell um, “No do dat!” An dey run away one far place, Jalike da junk kine stuff from da wheat An jalike da dry weeds in front one storm Dat blow in da wind in da hills.

Isaiah 2:22

No trus da peopo! Da ones dat stay breave da air an stay alive, But wat you can trus dem fo do fo you, aah?! Notting!

Isaiah 29:5

Goin get real plenny guys from anodda place Dat stay agains you guys, But dey goin come jalike da dirt on top da groun. All da peopo dat like hurt you guys, Dey goin come jalike da junk kine stuffs from da wheat Dat stay blow way. Goin come real fas,

Isaiah 40:22

God, da One stay live above da earth an da sky! Unda him, look jalike one big circle, An da peopo dat live dea, Fo him dey look jalike small grasshoppas. He da One stretch da sky jalike one big curtain, Jalike wen you spread out da cloth Fo set up da kine tent you goin live inside.

Isaiah 41:5

“Da islan peopo wen see wat I do, An cuz a dat, dey come sked. Da peopo inside da mos far places on top da earth, Dey stay sked an shaking too. Dem an da odda peopos wit dem, Dey stay come.

Isaiah 59:18

He goin pay um back Same same jalike dey wen do: I like bad tings happen to da guys dat hate him, An pay back da guys dat stay agains him, Even da peopo on top da far islans!

Isaiah 66:19

“I goin do one awesome ting wea my peopo stay. Den I goin sen some a da peopo dat still yet stay alive to da odda countries: to Spain, an Libya, an Lydia (wea get plenny guys dat know how fo use da bow an arrow), an Tubal, an Greece. Dey even goin go to islans dat stay far away, wea get peopo dea dat neva hear bout me, an neva see how awesome I stay. Dey goin tell da diffren peopos ova dea, how awesome I stay.

Jeremiah 10:10

But Da One In Charge, he da ony god dass fo real. He da God dat stay alive an stay da king foeva. Wen he come huhu, da earth shake. Da diffren peopos no can handle Wen he no like wat dey do.

Daniel 11:18

“Laytas, da Syria king goin attack da peopos dat live by da ocean an on top da islans. He goin make plenny a dem prisonas. “But goin get one army leada guy from anodda place dat goin make da Syria king change his plan, no matta he no mo respeck fo nobody. Cuz a dat, da Syria king goin come da guy dat nobody get respeck fo!

Daniel 4:32

Da peopo goin make you go way from dem an make you stay wit da wild animals. You goin eat grass jalike da cows. Afta seven year pass, you goin know dat da God Dass Mo Importan Den All Da Odda Gods get da right fo tell all da govmens in da world wat dey gotta do. He can make whoeva he like come da king fo dem.”

Daniel 4:35

All da peopo inside da world, God see um, jalike dey notting. He do wateva he like do Wit da armies from inside da sky, An da peopo inside da world. No mo nobody can hold him back O aks him how come he do dat.

Zefaniah 2:11

Da One In Charge goin make awesome an unreal kine to dem, Wen he make all da gods all ova da world come weak. Den even da peopos dat live on top da far islans, Goin show Da One In Charge love an respeck inside dea land.