Isaiah 4:5 - Hawaii Pidgin Bible

⁵ Da One In Charge goin make one cloud Ova da Temple on top Mount Zion An ova erybody dat stay come togedda dea Fo show him respeck wen he tell um fo come by him. Day time, goin get one cloud wit smoke ova dem, Nite time, goin get one real bright fire ova dem. Ova all dis awesome stuff goin get one cova, Jalike one tent ova erybody.

Isaiah 4:5 ပူးပေါင်းရင်းမြစ်များ

Nehemiah 9:12

Day time, had one cloud dat go from da groun to da sky, Fo show da peopo wea fo go. Nite time, had fire dat go from da groun to da sky, Fo give um light fo see dea way, wea dey stay go.”

Songs 105:39

God wen spread out one cloud Fo cova dem, day time, An he give um one fire fo shine light, Nite time.

Songs 111:1

Eh you guys! Tell good tings Bout Da One In Charge! Weneva da peopo dat stay do wass right Come togedda, I goin go all out fo tell How awesome Da One In Charge stay.

Songs 78:14

Day time, God wen use one cloud Fo show da peopo wea fo go, Nite time, he wen use da light From one fire dat go up to da sky Fo show um da way.

Songs 85:9

Fo shua, da peopo Dat show God plenny respeck, He goin get dem outa trouble real quick kine. Den, all ova oua land, Goin come awesome.

Songs 89:7

Eh God, wen da ones dat stay spesho Fo you come togedda, You so awesome, dat dey all come sked! You mo skery den all da ones Dat stay aroun you!

Outa Egypt 14:24

Early morning time, befo get light, Da One In Charge look down outa da fire an da cloud dat go up inside da sky. He check out da Egypt army guys camp. He make all da Egypt army guys come so dey donno wat dey stay do o wea dey stay go.

Outa Egypt 24:16

Da One In Charge stay on top Mount Sinai. He awesome to da max. Fo six day, da cloud cova da mountain. Da Israel peopo, dey no can see da awesome One In Charge up dea. Dey ony see one fire on top a da mountain dat look jalike stay burn eryting. Da day numba seven, Da One In Charge talk to Moses from inside da cloud.

Outa Egypt 26:1

“Now, bout da Place Fo Me Live. Make ten long piece fancy kine linen cloth. Weave um wit blue an purple an red wool string wit da cloth fo make picha dat look jalike da awesome angel watcha guys all ova da cloth.

Outa Egypt 26:7

“Fo da tent cova dat go ova da Place Fo Me Stay, make cloth outa goat hair, 11 long piece.

Isaiah 32:18

My peopo goin stay inside places Wea eryting come good fo dem. Dey goin live inside places Wea dey can stay shua notting bad goin happen, Places wea dey goin res An no need worry bout notting.

Isaiah 33:20

Check out Mount Zion! Dass da place we goin make Da spesho religious kine ceremony. You goin see Jerusalem town Goin come one place Wea you can res an no need worry. Goin be jalike one tent dat nobody goin move um Fo take um anodda place. No mo nobody goin pull up da stakes. Nobody goin broke da ropes.

Isaiah 37:35

I goin do all dat fo me, An fo da promise I wen make to King David, my worka guy. I goin get da peopo hea outa trouble!”

Isaiah 46:13

I stay do wass right erytime, An I goin come nea you! I no stay far. I no goin wait long time Fo get my peopo outa trouble. On top Mount Zion I goin get da Israel peopo outa trouble, An dey goin tell peopo how awesome I stay.

Isaiah 60:1

Da One In Charge tell: “You Jerusalem peopo, Stan up! Shine jalike one light! Cuz now, you get awesome light from me, Da One In Charge. I stay awesome, An I jalike da bright light Dat make you peopo come awesome too, Jalike wen da sun come up an shine light fo you.

Isaiah 60:2

Look! All ova da world stay dark, Jalike da dark cloud stay cova all da diffren peopos. But Me, Da One In Charge, I da One stay bring da light fo you guys. Wen peopo see how awesome you guys stay, Dey goin know az me, God, make you awesome lidat.

Matthew 18:20

Cuz wea evas two o three guys come togedda cuz dey my guys, I stay right ova dea wit dem.”

Matthew 28:20

Teach um how fo do eryting I wen tell you guys fo do. An you know wat? I goin stay tight wit you guys ery day, till da world come pau.”