Isaiah 39:4 - Hawaii Pidgin Bible

⁴ Isaiah aks him, “Wat dey wen see inside yoa palace?” Hezekiah tell, “Dey see eryting inside my palace. No mo notting from all my rich stuffs dat I neva show dem.”

Isaiah 39:4 ပူးပေါင်းရင်းမြစ်များ

Job 31:33

If I cova ova da bad kine stuff dat I do, Jalike plenny peopo hide um— But I no do dat kine stuff! An if I wen know dat I get da blame, An still hide um inside— But I no mo blame!

Smart Guys 23:5

You look litto bit at rich kine stuffs An dey disappea, Da rich kine stuff, jalike one eagle dat get wing An fly away to da sky.

Smart Guys 28:13

Whoeva do stuff agains God, An den try fo cova up wat dey wen do, Garans stuff no goin come out good fo dem. Whoeva do stuff agains God, But den dey tell God dey wen do wass wrong, An no make lidat no moa, God give dem chance.

Isaiah 39:3

Den Isaiah, da guy dat talk fo God, go by King Hezekiah an aks him, “Wat dose guys tell? Wea dey come from?” Hezekiah tell, “Dey come by me from one far place, from Babylon.”

Isaiah 39:5

Den Isaiah tell Hezekiah, “Lissen wat Da One In Charge, Da God Ova All Da Armies, tell:

Jeremiah 17:3

I goin let da army dat goin come take ova da hill dat stay spesho fo me. An all da rich kine stuffs you guys stash, An all yoa sacrifice places on top da hills— I goin let da army guys rip um all off. Dass how you guys goin pay Fo all da real bad kine stuff you guys do All ova yoa country.

Joshua 7:19

Den Joshua tell Akan, “My boy, show respeck fo Da One In Charge, da God fo da Israel peopo! Tell dat he good! Den tell me wat you wen do! No hide notting from me!”

1 John 1:9

But if us tell God we sorry fo all da bad tings we wen do, we can trus God. An he goin do wat he tell he goin do: da right ting. God goin hemo oua shame, an wash us clean inside from all da stuff we do dass not right.