Isaiah 39:1 - Hawaii Pidgin Bible

¹ Dat time, Merodak-Beladan, Baladan boy, come da Babylon king. He sen guys by King Hezekiah wit lettas an one present, cuz he hear dat Hezekiah wen stay sick, but come good one mo time.

Isaiah 39:1 ပူးပေါင်းရင်းမြစ်များ

2 Samuel 10:2

David tink, “I goin stay tight wit Nahash boy Hanun, jalike his faddah wen stay tight wit me.” So David sen messenja guys fo give aloha an tell dat he stay sorry dat Nahash wen mahke. Wen David guys come inside da Ammon land,

2 Records 32:23

Plenny peopo bring presents fo Da One In Charge inside Jerusalem. Dey bring presents dat cost plenny fo Hezekiah, da Judah king, too. From dat time erybody inside all da lands get plenny respeck fo him.

2 Records 32:25

But laytas, Hezekiah come high nose, da way he tink. So he no tink bout Da One In Charge, dat wen make nice to him. Az why Da One In Charge come real huhu wit him an da peopo inside Judah an Jerusalem.

2 Records 32:31

But layta, get messenja guys come from da Babylon leada guys. Dey come inside da land fo aks Hezekiah bout da awesome sign he wen get dat he goin come good. Dat time, God go way from Hezekiah fo tes him, fo find out eryting Hezekiah tink bout fo real kine.

Isaiah 13:1

Me, Isaiah, Amoz boy, I get heavy kine stuff fo tell bout wat I see goin happen to Babylon:

Isaiah 13:19

From all da diffren countries, Babylon, dass da mos awesome looking one. All da peopo dea feel real good Cuz Babylon stay da leada. But God goin wipe dem out Jalike he wen wipe out Sodom an Gomorrah.

Isaiah 14:4

Den you guys goin sing one song fo draw picha bout da Babylon king guys cuz you guys win awready: Look da ones wen give us hard time, Dey pau awready! Befo time, dey amp out jalike dey da winna, But now, dey no tell notting!

Isaiah 23:13

Look! da Babylon land! Da peopo dat live dea, Befo time, nobody know who dem. Da Assyria guys wen use da Babylon land Fo da wild animals dat stay inside da boonies. But layta, az da Babylon peopo from da boonies Build towas fo fight Tyre town. Dey rip off eryting inside da palaces inside da town, An leave all da rubbish wea had house.