Isaiah 38:5 - Hawaii Pidgin Bible

⁵ “Go tell Hezekiah, ‘Dis one spesho message from Da One In Charge, da God fo yoa ancesta David: I wen hear wat you wen pray an I see you cry. Cuz a dat, I goin give you fifteen mo year fo live.

Isaiah 38:5 ပူးပေါင်းရင်းမြစ်များ

1 Kings 15:4

But cuz God Da One In Charge get plenny respeck fo David, God give da David ohana somebody fo lead da Jerusalem peopo. He give King Abijam one boy fo lead um, jalike one oil lamp dat stay burn long time. Dat mean, Da One In Charge give da peopo one guy dat get David fo his ancesta, fo make da Jerusalem govmen stay strong.

1 Kings 8:25

An cuz you Da One In Charge, da God fo da Israel peopo, An cuz you wen make dat kine promise, I like you fo do bumbye Jalike you wen make one promise fo do to my faddah David. You wen tell David, ‘I like yoa kids watch out how dey ack in front me Da same way you, David, wen live in front me. If dey do all dat, Den da kings from yoa blood line Goin get da right fo sit in front me On top da throne fo da Israel peopo foeva.’

2 Kings 18:13

Wen Hezekiah stay king fo fourteen year, da Assyria king Sennakerib attack all da big towns wea da Judah peopo make strong wall, an take ova dem.

2 Kings 18:2

Hezekiah twenny-five year ol wen he come king, an he stay king Jerusalem side fo twenny-nine year. His muddah Abi, she Zekariah girl.

2 Kings 19:20

Den Isaiah, Amoz boy, sen one message fo Hezekiah. He tell: “Dis wat Da One In Charge, da God fo da Israel peopo, tell: I hear wat you tell me wen you pray, bout Sennakerib da Assyria king.

2 Records 34:3

Wen he stay king eight year, an he still young, he start fo try stay tight wit da God dat his ancesta David wen pray to. Wen he stay king twelve year, he start fo throw out from Judah an Jerusalem da sacrifice places on top da hills, da tiki poses fo da wahine god Asherah, an da idol kine gods dey carve an da gods dey make wit da metal dey melt.

Job 14:5

God, you make up yoa mind awready, How long us goin stay on top da earth. You figga how many month one guy get. You make up yoa mind how long, An us no can stay mo time den dat.

Songs 116:15

Wen da peopo mahke Dat stay tight wit Da One In Charge, He goin feel plenny sore inside Cuz a dat.

Songs 147:3

Wen dey stay real sore inside, He make um come good one mo time. Jalike he put one bandage On top da place dat stay hurt.

Songs 39:12

Eh! You Da One In Charge! Try lissen wen I pray! Lissen wen I yell to you fo help me! Wen you hear me stay cry, No hold back! Cuz I ony one guy Dat stay hea wit you short time, Jalike all my ancesta guys.

Songs 56:8

Awready you wen count all da times I gotta run away. Put my tears inside yoa watta bag Fo you no foget how plenny I wen cry. Fo shua all dis stay Inside yoa book.

Songs 6:9

Da One In Charge, wen I aks him Fo be good to me, he lissen. Wen I pray to him, he tell, “Okay.”

Teacha 3:3

One time fo kill peopo An one time fo make peopo come good. One time fo bus up An one time fo build.

Isaiah 37:21

Den Isaiah, Amoz boy, sen dis letta to Hezekiah: “Dis da ting Da One In Charge, da God fo da Israel peopo, tell me: Cuz you wen pray to me bout Sennakerib, da Assyria king,

Isaiah 38:4

Da One In Charge give Isaiah dis message:

Sad Song 3:56

You wen hear wat I yell, “No make deaf ear! Let me breave some moa, wen I yell to you fo help me!”

Matthew 22:32

God tell, ‘I da God fo Abraham, an fo Isaac, an fo Jacob.’ So I tell you guys, he not da God fo da mahke guys dat no mo spirit inside dem. He da God fo Abraham an Isaac an Jacob, dat get one spirit inside dem dat stay alive, no matta dea body mahke.”

Luke 1:13

But da angel guy tell, “No sked, Zekariah! God wen hear wat you tell, an yoa wife Elizabet goin born one boy. You goin name um John.

Jesus Guys 27:24

He tell, ‘No sked, Paul. You gotta stan in front da Big King Cesar. God stay do plenny good kine stuff fo you, an now he goin let all da guys dat ride boat wit you come outa dis okay. Dey no goin mahke.’

2 Corint 7:6

But God, he da One dat kokua da peopo dat feel sad inside, an he wen kokua us wen he sen Titus fo come by us.

Jesus Show 7:17

Cuz da Bebe Sheep Guy Dat sit in da middo a da throne, He goin take kea dem Jalike one sheep farma dat take kea his sheeps. He goin bring dem by da puka Fo da watta dat make peopo get life fo real kine. An God goin wipe away all dea tears from dea eyes.”