Isaiah 38:17 - Hawaii Pidgin Bible

¹⁷ Fo shua, if I neva suffa plenny, Notting come good fo me afta. You get plenny love an aloha fo me. Az why you neva let me go Inside da Deep Dark Hole, an mahke. You wen take all da bad kine stuff I wen do, An put um behind yoa back.

Isaiah 38:17 ပူးပေါင်းရင်းမြစ်များ

Job 29:18

“I wen tink, ‘Fo shua I goin mahke inside my house. I goin live plenny year, jalike da plenny sand on da beach.

Job 33:24

Da messenja stay dea fo give chance to da sick guy, an tell God, ‘Okay fo let um go! No need fo him go down inside da Deep Dark Hole! I wen find da way fo get him outa trouble.’

Songs 10:2

Da guys dat do wass wrong, An get big head bout dat, Dey go afta da peopo Dat stay pooa. I like fo da bad tings dey plan fo do, Happen to dem!

Songs 103:12

You know how far Da place da sun come up To da place da sun go down? Dass how far God Wen awready take away da shame Fo da tings us guys wen do agains him!

Songs 103:3

He da One dat let you go An hemo da shame fo da bad tings you wen do. He da One dat make you come good, Erytime you stay sick.

Songs 103:4

He da One dat buy back yoa life Fo you stay inside his ohana An no mahke an go Inside da Deep Dark Hole. He da One dat stay tight wit you Cuz you stay his guy, Jalike he put one crown on top yoa head Wit love an aloha.

Songs 30:3

Eh! You Da One In Charge! Wen I litto mo mahke, You wen bring me back alive. You wen make me live, Fo me no go down inside da grave Wea da mahke peopo go.

Songs 40:2

He wen pull me up Jalike he pull me outa one big hole Wea I litto mo mahke. He pull me outa dea, Jalike outa da sticky mud Fo make me stan on top one big rock Fo me walk an no fall down.

Songs 55:23

But God, you goin throw down Da bad kine peopo Inside da deep hole fo mahke. Da kine guys dat like make peopo Bleed an mahke, An dat like bulai peopo, Dey goin live ony half dea life. But me, I stay trus you!

Songs 85:2

Da bad tings us Israel peopo wen do, No was right. But you wen hemo oua shame fo dat. You wen take kea a all da bad tings Dat us guys wen do. (Time out fo da music.)

Songs 86:13

Cuz you stay real tight wit me. You even make um Fo me no gotta go da mos deep part A da Mahke Peopo Place!

Isaiah 38:15

“But wat I goin tell? Cuz God wen make one promise to me, An he da One wen do Wat he tell he goin do. I goin watch out plenny how I live All da years I still get fo live, Cuz befo time, I wen stay plenny bum out inside.

Isaiah 43:25

“Me, Da One In Charge. I da One dat let you go Fo show wat kine god me, No matta you go agains me. I no tink no mo bout all da bad tings you wen do.

Jeremiah 31:34

One guy no need teach his fren O his braddah no moa, an tell um, ‘Know Da One In Charge.’ Cuz dey all goin know me, Da One In Charge, From da kine guys dass not importan, to da kine guys dass importan.” Az wat Da One In Charge tell. “Cuz I goin let um go fo da stuffs dey wen do wrong, An hemo dea shame fo all dat. I no goin even rememba da bad kine stuffs dey wen do.”

Jonah 2:6

I go down to wea da mountains stan, On top da ocean bottom. Jalike I go down to da Mahke Peopo Place, Dat get one lock fo keep me inside, An I no can go outside, eva! But you, you da God I pray to, Da One In Charge! You wen bring me up outa da grave, An I alive still yet!

Jonah 2:7

“Wen I feel jalike I goin stay alive ony litto bit moa, I tink plenny bout you cuz you Da One In Charge. I wen pray hard fo you help me Ova dea wea you stay Inside da Temple dass spesho fo you.