Isaiah 38:12 - Hawaii Pidgin Bible

¹² God take my body away from me Jalike one sheep guy broke down his tent. I stay roll up my whole life, Jalike one guy dat stay weave someting, Wen he pau, he roll um up, An jalike God cut me off da frame fo weave. God, morning time I stay okay, But befo nite time you make my life pau.

Isaiah 38:12 ပူးပေါင်းရင်းမြစ်များ

Job 14:2

Us grow jalike one flowa, an den quick, us come all dry up. Us jalike one shadow dat disappea right den an dea, An no stay.

Job 17:1

“Inside I no stay strong. My time fo live stay pau awready. Da grave stay wait fo me.

Job 4:20

Dey live ony from da time da sun come up till go down. An dey come all broke up befo dey pau. Dey come all wipe out foeva, an nobody know dat.

Job 6:9

I like fo God tink az good fo smash me, Fo wack me wit his fis an cut off my life.

Songs 102:11

Real fas now, da time I stay alive Almos pau! I goin be jalike da shadows evening time. I stay come all dry up, jalike dry grass.

Songs 119:23

No matta da importan guys Come togedda An talk real stink bout me, Dat no matta, cuz me, I yoa worka guy, I tink plenny bout how fo do Wat I suppose to do fo you.

Songs 31:22

Me, I wen come sked, an right den an dea I wen yell, “Eh! I stay cut off from you, Da One In Charge!” But you wen hear me Yell to you fo help me An you wen help me.

Songs 73:14

Cuz all da time, I feel presha out. Ery morning, God punish me Some moa!”

Songs 90:5

You knock out peopo Fo make dem mahke, So dey donno wass happening. Da peopo, dey jalike da grass Dat come up morning time.

Isaiah 1:8

My big town dea Jalike one shack in da middo a one grape field, An jalike fo guard one cucumba field, Jalike one big town wit army guys all aroun, Get ready fo bus up da town.

Isaiah 13:20

Peopo no goin live ova dea no moa. Not even dea kids o grankids goin make house dea. No mo no guys from Arabia goin come dea Fo put up dea tent no moa. No mo no sheep guys goin bring dea sheeps Fo res ova dea no moa.

2 Corint 5:1

Eh, us guys know dat oua body, da one us stay inside now on top da earth, az jalike one tent dat ony goin stay up short time. No matta oua body goin come wipe out, us no need worry. Cuz God get one good place fo us stay inside da sky. Peopo neva make dat place. God wen make um an dat place stay foeva!

2 Corint 5:4

Us stay ova hea inside dis world, an us moan an come bum out, cuz us get hard time. Us guys no like be naked, but us like put on new kine clotheses—not importan get rid a da boros kine. Not importan us goin mahke. Main ting, us guys goin come alive fo real kine!

Hebrews 1:12

You goin throw out da earth an da sky, Jalike puka kine clotheses. An you goin change um, Jalike wen peopo put on da odda kine clotheses. My Boy, you still stay da same jalike befo time. You no goin mahke eva!”

James 4:14

Eh, you guys! You guys donno wat goin happen tomorra, o how yoa life goin be! You jalike da morning kine cloud dat come way down. You spock um one short time ony, an den, dey go way.