Isaiah 37:4 - Hawaii Pidgin Bible

⁴ Maybe yoa God, Da One In Charge, wen hear wat da territorial govna guy tell, an goin do someting. Cuz da govna guy boss, da Assyria king, wen sen da govna ova hea fo make fun a Da One In Charge, da God dat stay alive fo real kine. Da tings dat yoa God, Da One In Charge, wen hear dat guy tell, maybe God goin punish him fo dat. Az why you gotta pray fo da peopo dat still yet goin stay alive afta da Assyria guys do wateva dey goin do.’ ”

Isaiah 37:4 ပူးပေါင်းရင်းမြစ်များ

2 Samuel 16:12

Maybe Da One In Charge goin see dat I stay suffa plenny awready, an dat goin do good fo me, fo pay me back wit someting good afta dis guy put kahuna on top me today.”

2 Kings 17:18

So Da One In Charge come real huhu wit da Israel peopo, an cut dem off from him. Ony da Judah ohana he wen keep!

2 Kings 19:4

Maybe yoa God, Da One In Charge, hear eryting da territorial govna guy from Assyria wen tell. His boss, da Assyria king, wen sen him ova hea fo make fun a Da God Dat Stay Alive, an he stay talk bad bout him. Maybe Da One In Charge goin punish him cuz a wat he wen tell. Az why I aks you, Isaiah, fo pray fo all us guys dat still stay alive.”

2 Records 28:19

Dass how Da One In Charge wen make da Judah peopo lose face cuz a King Ahaz, da Judah king. Cuz Ahaz no hold back da Judah peopo from do bad kine stuff. Da way Ahaz ack, Da One In Charge no can trus um.

2 Records 34:21

“Go find out from Da One In Charge wassup, fo me an fo all da peopo dat still stay inside Israel an Judah! Aks um bout wat da book tell, da one dey wen find. Cuz fo shua, Da One In Charge awready come real huhu wit us guys! Oua ancesta guys neva do wat Da One In Charge tell um fo do. Dey neva make how Da One In Charge tell inside dis book!”

Songs 106:23

So God tell, “I goin wipe out All da peopo!” But Moses, da guy God wen pick, He go stan in da middo Wit God on one side An da peopo on da odda side. He try fo make God no kill da peopo, No matta God wen had it Wit da kine stuff da peopo stay do.

Songs 50:21

Wen you do all dat kine stuff, You tink I no goin say notting?! No way! You tink I stay jalike you?! Not even! I stay tell you right now, Dat you stay do wass bad, An I goin be in yoa face Bout all da bad tings you wen do.

Isaiah 1:8

My big town dea Jalike one shack in da middo a one grape field, An jalike fo guard one cucumba field, Jalike one big town wit army guys all aroun, Get ready fo bus up da town.

Isaiah 1:9

Da One In Charge, Da God Ova All Da Armies, If he neva leave us guys some peopo ova dea still yet, Us guys goin come jalike da Sodom peopo, An da Gomorrah peopo—no mo nobody dea.

Isaiah 10:20

Dat time goin come, An some a da Israel peopo dat still stay alive Da ones from da Jacob ohana dat get away, Dey no goin trus da Assyria king no moa, Da one dat wen wack um. But dey goin trus Da One In Charge fo real kine, Da One dat stay good an spesho fo da Israel peopo.

Isaiah 10:22

No matta you Israel peopo Get plenny, jalike da sand by da ocean, Ony some a dem goin come back. God tell all da oddas goin come wipe out, Jalike wen da big watta carry um away, Cuz az da right ting fo him do.

Isaiah 11:11

Anodda ting goin happen dat time: Da One In Charge a me goin go bring back all his peopo dat still yet stay alive, from Assyria, Egypt, South Egypt, Sudan, West Iran, Babylonia, North Syria, an da islans.

Isaiah 36:13

Den da territorial govna guy stan up an yell real loud wit da Hebrew language, to da peopo on top da wall, “Lissen up, wat da big king fo Assyria tell!

Isaiah 36:18

“No let Hezekiah bulai you guys an tell, ‘Da One In Charge goin get us guys outa trouble.’ You tink da gods fo da odda countries wen get dea peopo outa trouble wen da Assyria king wen take ova dem?! No way!

Isaiah 36:20

You tink dat get even one god from all dose countries dat wen get dea peopo outa trouble wen I go agains dem?! No way! So, how you figga yoa God, Da One In Charge, goin get you guys outa trouble wen I go take ova Jerusalem town?! No can!”

Isaiah 37:17

Lissen real good, Da One In Charge! Open yoa eyes an look! Hear all da stuff Sennakerib wen tell fo talk bad bout you, da God Dat Stay Alive Fo Real Kine!

Isaiah 37:31

One mo time, goin get some a da Judah peopo Dat da Assyria guys wen leave dea. Dey goin be jalike one plant Dat da root go down an da fruit come up.

Isaiah 37:32

Cuz da res a da peopo from Jerusalem goin come. Goin get peopo dat da Assyria guys leave behind wea da Temple stay. Da One In Charge, Da God Ova All Da Armies, He goin do um, cuz az wat he fo real kine like do.

Isaiah 37:5

Afta King Hezekiah helpa guys come by Isaiah,

Isaiah 41:14

“No sked, you Jacob guys, No matta you no mo powa, jalike one worm. No sked, you Israel guys! I da One goin help you!” Az da spesho message from Da One In Charge, Da Good An Spesho God fo da Israel peopo, Da One dat pay da price Fo get you guys outa trouble.

Isaiah 46:3

Lissen to me, you Jacob peopo, An all you Israel peopo Dat still stay on top da land. I wen carry you guys from da start, An wen lif up you guys from da time you wen born.

Jeremiah 26:19

You tink Hezekiah da Judah king an his peopo wen kill Micah cuz he talk lidat?! No ways! Dey no do bad kine stuff. Dey show choke respeck fo Da One In Charge. Dey beg Da One In Charge fo give chance. Cuz a dis, Da One In Charge no do wat he was goin do befo time. He no put da bad kine stuff on top dem dat he wen tell befo time he goin do. But wat goin happen to us guys if we kill dis guy Jeremiah!”

Jeremiah 42:2

dey go by Jeremiah, da guy dat talk fo God. Dey tell um, “Us guys get one real importan ting we like aks you fo do! We like you fo pray to yoa God, Da One In Charge, fo us guys, fo help all us an oua peopo dat stay still yet inside da land. Cuz how stay fo us, we ony litto bit peopo now. Befo time, we wen come plenny peopo, but dass not how stay now.

Daniel 2:18

Daniel tell dem fo pray to God Inside Da Sky fo give dem chance an show dem da secret a da dream, fo Daniel an his frenz no get wipe out wit da odda smart guys inside Babylon.

Joel 2:17

Let da pries guys dat work in front Da One In Charge Cry wen dey go from da temple lanai to da altar. Let dem tell, “Da One In Charge, try show pity fo yoa peopo. No let da odda peopos talk bad bout yoa property! No good da odda peopos tell each odda, ‘Wea dea God stay?’ ”

Amos 5:15

Go all out fo hate da bad kine stuff An get love an aloha fo da good kine stuff. Make shua you pick da judges dat goin tell wass right. Den, maybe Da One In Charge, da God Ova All Da Armies, Bumbye give chance to da litto bit peopo Dat stay alive still yet From yoa Israel ohana.”

Amos 7:2

I figga, ‘Wat goin happen wen dem grasshoppas eat up da green plants all ova da land?’ “Den I tell God, ‘Bummahs, God! Yeah, you da Boss! But I tell you, try hemo oua shame fo da bad kine stuff we wen do, an let us go. Cuz if you no like let us go, no way us Israel peopo goin stay alive. Oua Jacob ohana, no mo powa, you know!’

Rome 9:27

Befo time, Isaiah talk fo God inside da Bible. He tell, “Get choke plenny peopo dat get Israel fo dea ancesta guy. Da ohana big, jalike da sand on top da beach, No matta God goin take ony litto bit peopo Outa da bad kine stuff dey do.

James 5:16

So den, if you wen do someting bad, go tell each odda wat kine tings you wen do. Pray fo each odda, fo you come good. Da guy dat get um right wit Da One In Charge an do wass right, wen he pray he get da powa an can do plenny.

Joshua 14:12

So now, give me dis hill country dat Da One In Charge wen make one promise fo give me dat time. You wen hear dat time dat da Anak peopo stay ova dea, an dey get big towns dat get strong wall. But maybe Da One In Charge goin help me, an I goin push out da peopo, jalike Da One In Charge wen tell.”

1 Samuel 12:19

All da peopo tell Samuel, “Pray to yoa God, Da One In Charge, fo us guys, cuz you da boss fo us guys. Pray fo us no mahke. Cuz now, we wen do even mo bad kine stuff den befo time cuz we wen aks fo one king.”

1 Samuel 12:23

An me, if I wen no pray fo you guys, fo shua az one bad kine ting I wen do agains Da One In Charge. Az why fo shua I goin stay pray fo you guys! An I goin teach you guys da way dat stay good an right.

1 Samuel 14:6

Jonathan tell da young guy dat carry his stuff fo fight, “Go come, we go ova da pass by wea dose guys stay dat neva cut skin jalike God peopo. Maybe Da One In Charge go do someting fo help me an you. Da One In Charge goin win, no matta he get plenny guys o litto bit guys.”

1 Samuel 17:26

David aks some odda guys dat stan nea him da same ting, “Eh! Wat dey goin do fo da guy dat kill dis Filisha guy an hemo da shame fo da Israel peopo? Us guys, da army fo da God dat stay alive fo real kine! Who dis Filisha guy tink him?! He no mo God cut skin mark! He ony ack big fo try make us Israel guys come shame, aah?!”

1 Samuel 17:36

Eh, Boss! I wen kill da lion an da bear too. Dis Filisha guy dat no mo da cut skin mark fo show he God guy, he goin be jalike da lion an da bear, cuz he talk big agains oua army dat fight fo da God dat stay alive fo real kine.

1 Samuel 7:8

Dey tell Samuel, “Yell fo help to oua God, dass Da One In Charge a us, an no stop yell fo him get us guys outa da Filisha guys powa!”