Isaiah 34:2 - Hawaii Pidgin Bible

² Cuz Da One In Charge, he stay huhu Wit all da peopo inside da diffren countries. He no like wat all dea army guys do. He give up wit dem awready. He goin let odda guys kill dem An wipe all dem out.

Isaiah 34:2 ပူးပေါင်းရင်းမြစ်များ

Songs 2:5

But den, he talk to dem, Cuz he huhu. He goin get real mad, An make dem real sked. Dis wat he goin tell:

Outa Egypt 8:14

All ova da place da peopo make plenny pile frog. Da whole land come haunas.

Isaiah 10:5

God tell: “Bummahs fo you guys! I goin use da Assyria peopo jalike one club fo punish you, Cuz I stay huhu wit you Israel peopo, An I goin make da Assyria guys wack you!

Isaiah 13:5

His army guys all stay come from one far place, From unda da mos far part a da sky. Az Da One In Charge stay coming wit dem, An he goin use dat army Fo punish da peopo he stay huhu wit. Da One In Charge goin wipe out da whole land!

Isaiah 13:6

“You Babylon peopo, Cry an yell cuz you feel sore inside, Cuz Da One In Charge, his day stay come nea! Da God Dat Get All Da Powa, He goin wipe out da bad guys.

Isaiah 26:20

My peopo, go inside yoa room An shut da door. Hide inside dea fo litto bit Till Da One In Charge pau come huhu.

Isaiah 30:25

But befo dat happen, Plenny peopo goin mahke, An da high towas goin fall down! Laytas goin get plenny watta fall down From da high mountains an hills. An fill da stream an da watta ditch.

Isaiah 61:2

Fo tell, “Dis, da year Da One In Charge goin make good to his peopo, An dis da time oua God goin pay back da bad guys.” He sen me fo give good kine words To erybody dat stay sad inside.

Isaiah 63:6

I walk all ova da diffren peopos fo punish dem Jalike dey da grapes, cuz I stay huhu. I make da peopos stagga jalike dey piloot, Cuz I stay huhu still yet, An I make dea blood pour out all ova da groun.’ ”

Isaiah 65:12

I tell you guys wass goin happen bumbye! All you guys goin go down on yoa knees, An da army guys dat kill da prisonas wit dea swords Goin kill you guys da same way! Cuz I wen yell to you guys, but you neva ansa. I wen talk, but you guys neva lissen. You guys wen do wass bad, Da way I see um. An you guys wen pick da kine stuff Dat I no like fo you do, an you still do um.”

Isaiah 66:14

“Wen you guys see all dis, Yoa heart goin feel jalike stay jump Cuz you stay real good inside! An yoa body goin feel real good Jalike wen da new grass come up. Da peopo dat work fo Da One In Charge, Dey goin know wat kine powa he get. But da peopo dat stay agains Da One In Charge, Dey goin find out how feel Wen he had it wit wat dey do.

Isaiah 66:16

Da One In Charge goin use da fire an his sword Fo punish all da peopo jalike one judge. Da One In Charge goin wipe out plenny peopo.

Jeremiah 25:31

Da big noise goin go to da mos far places on top da earth. Cuz Da One In Charge goin poin finga da peopos. He goin go agains erybody dat stay alive. He goin go afta da guys dat do wass wrong wit his sword.’ ” Az wat Da One In Charge tell.

Jeremiah 25:32

Dis wat Da One In Charge, da God Ova All Da Armies, tell: “Dis wat I goin do. Bad kine stuff goin happen to one peopo An go from dem to anodda peopo. Jalike one strong storm stay coming From da mos far side a da earth.

Jeremiah 25:33

“Dat time, da peopo Da One In Charge goin kill, you goin see dea bodies all ova da place, from one side a da earth to da odda side. No mo nobody goin cry fo dem. No mo nobody goin take away da bodies. No mo nobody goin bury dem. Dea mahke bodies goin stay ova dea jalike rubbish all ova da groun.

Ezekiel 36:5

Me, Da One In Charge, da Boss, tell dis: I stay real huhu jalike one hot fire! I stay huhu wit da odda nations an wit all da Edom peopo cuz dey get bad attitude, an make jalike dey get good fun wen dey take ova my property. Az cuz dey like rip off da grass land fo dea sheeps eat ova dea.

Zefaniah 3:8

Da One In Charge tell: “Az why wait fo me, Fo da day I goin stan up fo poin finga da Jerusalem peopo. Cuz I make up my mind awready Fo bring togedda all da peopos an dea kings. An I goin make dem know dat I stay real huhu wit dem. I goin burn up all da peopo inside da world, Cuz I go all out fo no let um go down in front odda gods!

Zekariah 14:3

Den Da One In Charge goin go out fight dose peopos jalike he wen fight befo time.

Rome 1:18

One mo ting God show us guys: Get peopo ack jalike God no matta, an dey do da kine tings dey not suppose to do. But God had it wit wat dey do. Az why he goin judge um from up dea in da sky. Inside, dey know wass true, but dey stay do da kine tings dey not suppose to do. Az why dey no let odda peopo know wass true.

Joshua 11:20

Da One In Charge da One wen make da odda peopos come hard head fo dem like fight da Israel peopo. Az how Da One In Charge wipe dem all out jalike dey one sacrifice, an no give dem chance. Az wat Da One In Charge wen tell Moses fo do.

Jesus Show 20:15

Erybody dat no mo dea name inside Da Book Dat Tell Who Get God Kine Life, God throw dem inside da lava lake dat stay burn.

Jesus Show 20:9

Dey march da odda side a da earth, an make one big circle aroun da peopo dat stay spesho fo God inside dea town. Dass da peopo God get love an aloha fo. But God sen one big fire from da sky on top da odda peopo, an dey get wipe out.