Isaiah 33:9 - Hawaii Pidgin Bible

⁹ Even da Judah land look jalike stay sad inside An plenny tired. Lebanon side, da trees look jalike dey come shame, An da leaf look jalike stay dry. Sharon side, no mo rain, Stay jalike da dry Arabah valley. Bashan an Carmel side, Da plants leaf, all stay fall down.

Isaiah 33:9 ပူးပေါင်းရင်းမြစ်များ

Job 15:33

Dey goin be jalike da kine grape plant Dat shake off da grapes befo dey come ripe. Dey goin be jalike one olive tree dat throw down da flowas So dey no goin get fruits.

Love Song 2:1

Me, I jalike da kine flowa Dat grow in da Sharon plain. An da kine lily plant flowa Dat grow in da valleys.

Isaiah 10:34

He goin chop down da Assyria guys, Jalike wen somebody cut inside da fores wit one ax, Jalike wen da awesome big trees inside Lebanon fall down.

Isaiah 14:8

Even jalike da pine trees An da cedar trees on top da Lebanon mountain, Dey feel good inside cuz you king guys no mo powa. Da trees stay sing bout you lidis: “Now dat you no mo powa, Nobody come up hea fo chop us down.”

Isaiah 2:13

No matta da peopo tink dey importan Jalike da tall cedar trees inside Lebanon An da oak trees inside Bashan, Dey goin fall down.

Isaiah 24:1

Da One In Charge, he stay ready fo wipe out da whole world An make um come empty! He goin change da mountains an valleys An all da peopo goin go all ova da place.

Isaiah 29:2

Still yet, I goin make hard Fo da peopo inside Ariel town. Dey goin stay sad an sore inside. Bumbye Ariel town goin be fo me, Jalike da kine town I like um fo be.

Isaiah 3:26

Inside da gates a Jerusalem town, Da wahines goin sit down on top da groun, An cry an stay sad inside cuz no mo dea guys.”

Isaiah 35:2

Goin get flowas all ova da place dea. Da peopo inside da boonies goin dance an sing, An yell cuz dey feel good inside. Goin come awesome dea inside da boonies, Jalike da Lebanon mountain, An jalike Mount Carmel an da Sharon plain. Da peopo dea goin see dat Da One In Charge stay real awesome Dey goin see dat he da king.

Isaiah 37:24

You wen sen guys dat work fo you, Dat wen try make me, da Boss, shame. You wen tell, “Me, Sennakerib, I get plenny war wagon! I can go on top a da high mountains, To da mos far part a da Lebanon mountains, Fo cut down da mos tall cedar trees An da bestes pine trees! Me, I da kine guy can go all da way to da end A da mos high places, Da fores wea da bestes tree grow!

Isaiah 65:10

Fo my peopo dat come fo aks me someting, Da Sharon plain goin come one place Wea da sheeps an goats goin get plenny grass. Da Akor Valley, wea get big trouble befo time, Goin come one place wea plenny cows goin res.

Jeremiah 50:19

But I goin bring back da Israel peopo Jalike dey sheeps dat get dea place fo eat grass. An dey goin eat grass on top Mount Carmel An up country Bashan side. Dey goin eat plenny On top da hills Efraim side an Gilead side, Till dey come full.”

Hosea 4:3

Cuz a dat, all da peopo stay sad inside. Eryting dat live inside da land goin come dry up— Da wild animals inside da boonies, Da birds inside da sky, An da fish inside da watta, dey all goin mahke.

Amos 1:2

Dis wat Amos tell: “Da One In Charge Up Dea Inside Da Sky, He make one big noise from Zion Hill! He talk strong from Jerusalem town, jalike thunda! Wen he do dat, da places wea da sheep guys go fo find grass, No mo grass, notting! An da trees on top Mount Carmel all dry up too.”

Micah 7:14

Den da peopo tell: “You Da One In Charge! Carry yoa club an come Jalike one sheep guy proteck his sheeps. Lead yoa peopo jalike dey yoa sheeps, Dey da peopo I wen give you jalike dey yoa property. Some a dem live wit nobody inside da fores, But now, give um fields wit green grass fo eat all aroun. I like dem make jalike sheeps Dat eat da green grass Bashan an Gilead side, Jalike befo time.”

Nahum 1:4

He can talk strong to da ocean, an make um come dry. He make all da rivas come dry. Da green grass all ova Bashan an Carmel come no good too. Da flowas inside Lebanon come no good an mahke.

Jesus Guys 9:35

All da peopo dat stay Lydda side an Sharon side see um, an dey all trus Da One In Charge right den an dea.

Rules Secon Time 3:4

Dat time, we take ova all his big towns. From da sixty towns Argob side, all ova wea Og stay king inside Bashan, neva have one town dat us guy no take ova.