Isaiah 33:4 - Hawaii Pidgin Bible

⁴ Da Judah peopo goin grab All da stuffs dat you Assyria guys Wen rip off from odda peopo, Jalike wen da locust kine grasshoppa Come real quick an grab All da food from one field. Az how da peopo goin run All ova da place fo grab stuff, Jalike da locust kine grasshoppa inside da field.

Isaiah 33:4 ပူးပေါင်းရင်းမြစ်များ

2 Records 14:13

Asa an his army guys chase dem all da way to Gerar town. Plenny Sudan guys mahke, az why dey no come back fo fight some moa. Dey come all bus up in front Da One In Charge an his army guys. Da Judah guys carry back plenny stuffs dey rip off from da Sudan guys.

2 Records 20:25

Az why Jehoshafat an his army guys go fo rip off da mahke guys stuffs, an dey find plenny tings ova dea dat dey use fo fight, an clotheses, an tings dat cost plenny. Get plenny mo stuffs fo carry away den dey can handle. Take dem three days fo pick up all da stuffs.

Isaiah 33:23

You Assyria army guys, You jalike one boat dat da rope stay hang down An no can make da mast stan up strong An no can make da sail catch da wind. You guys get plenny stuffs, But da Jerusalem peopo, Dey goin take um all away from you guys An half half um wit da odda Jerusalem peopo. Even da guys dat no can walk good, Dey goin take away yoa stuff too.

Isaiah 33:3

Wen da diffren peopos hear you make big noise like da thunda, Erybody run away. Wen you stan up fo fight, Da peopo inside da diffren countries, Dey run all ova da place.

Isaiah 33:5

Da One In Charge, he da greates! He live high on top da mos importan place! All ova Jerusalem town He goin make shua da judge guys judge da right way An da peopo do right kine tings.

Ezekiel 25:7

Cuz you guys do dat, I goin go agains you wit all my powa. I goin give you guys to da odda peopos fo come dea slaves. I goin cut you guys off from da nations an wipe out you guys from da diffren lands. Den you guys goin know dass me, Da One In Charge, do all dat!”

Joel 1:4

Ova an ova, da locust kine grasshoppas come, An eat up eryting!

Joel 2:25

I goin pay you guys fo all da years Wen da locust kine grasshoppa wen eat up eryting. Da young grasshoppas, da worm grasshoppas, An da caterpilla grasshoppas, I wen sen um jalike one big army agains you guys.

Joel 2:3

In front dem, da fire burn up eryting. Behind dem, da fire burn too. In front dem, da land stay jalike da place God wen plant, Eden side. Behind dem, da land stay wasted jalike da boonies. No mo notting get away from dem.

Joel 2:9

Dey run fas inside da big town. Dey run on top da wall. Dey climb inside da houses. Dey go inside da windows jalike da steala guys.