Isaiah 33:3 - Hawaii Pidgin Bible

³ Wen da diffren peopos hear you make big noise like da thunda, Erybody run away. Wen you stan up fo fight, Da peopo inside da diffren countries, Dey run all ova da place.

Isaiah 33:3 ပူးပေါင်းရင်းမြစ်များ

Songs 46:6

Wen God tell someting, Soun jalike thunda. Da diffren peopos, Dey make plenny noise, cuz dey sked! Dea govmen guys, Dey no can stan up strait! Jalike da groun stay melt unda dem!

Songs 59:11

I no like fo you kill da bad kine peopo, Cuz if you jus kill um, My peopo goin foget wat wen happen. Mo betta you use yoa powa Fo make dose guys homeless, An den bring um down. You my Boss, an you da one Dat no let us guys get hurt Jalike you one shield fo us.

Songs 68:2

I like fo God make da peopo Dat do bad tings run away, Jalike da wind make da smoke go way, Jalike da wax melt in front one fire! I like fo da peopo dat do bad tings Come all wipe out Wen dey stan in front God!

Isaiah 21:15

Dey wen run away From da guys dat stay chase um wit swords, An from da guys wit bow an arrow dat stay ready fo shoot um, From all da bad kine stuff dat happen wen get war.”

Isaiah 33:4

Da Judah peopo goin grab All da stuffs dat you Assyria guys Wen rip off from odda peopo, Jalike wen da locust kine grasshoppa Come real quick an grab All da food from one field. Az how da peopo goin run All ova da place fo grab stuff, Jalike da locust kine grasshoppa inside da field.

Jeremiah 25:30

“You, Jeremiah, go talk fo me to all da diffren peopos. Tell all dis stuff agains dem, an tell dem: “ ‘Jalike one lion dat stay ready fo hunt, Da One In Charge goin make big noise from da sky. He goin make thunda From da place dat stay spesho fo him. He goin make one big noise fo make da sheeps come sked his peopo. An he goin yell plenny, Jalike da guys dat step grapes fo make wine. He goin yell agains all da peopo dat live on top da earth.

Jeremiah 25:31

Da big noise goin go to da mos far places on top da earth. Cuz Da One In Charge goin poin finga da peopos. He goin go agains erybody dat stay alive. He goin go afta da guys dat do wass wrong wit his sword.’ ” Az wat Da One In Charge tell.