Isaiah 32:9 - Hawaii Pidgin Bible

⁹ Eh, you wahines dat no stay worry bout notting! Stan up an lissen wat I stay tell you! You daughtahs stay shua notting goin hurt you, Lissen wat I get fo tell you.

Isaiah 32:9 ပူးပေါင်းရင်းမြစ်များ

Songs 123:4

Us stay had it awready, Cuz da peopo dat ack high makamaka An no mo notting fo do, Talk stink bout us an laugh. An da proud peopo dat put Plenny presha on us, Dey stay make jalike us guys notting.

Isaiah 28:23

Lissen good wat I stay tell you. Hear wat I stay tell.

Isaiah 3:16

Anodda time, Da One In Charge tell dis: “Cuz da wahines inside Jerusalem, Dey ack high makamaka, Dey walk an hold up dea neck sexy kine. Dey check out guys wit dea eye. Dey walk jalike dey fashion models. Dey wear jangly kine jewel on top dea feets an ankles.

Jeremiah 9:19

Can hear da crying come from inside Jerusalem, Da peopo tell, ‘Us guys all bus up! Us guys stay shame! Us gotta give up oua land, Cuz da peopo dat stay agains us Wen bus up oua houses!’ ”

Jeremiah 9:20

Now, you wahines, lissen up wat Da One In Charge tell! Open yoa ears fo hear! Teach yoa girls how fo cry. Teach each odda da funeral songs.

Sad Song 4:5

Da peopo dat wen eat fancy kine food befo time, Now dey stay live on da streets an no mo notting fo eat. Da ones dat wen grow up in fancy kine clotheses befo time, Now dey lay on top da rubbish piles.

Zefaniah 2:15

Dis da big town wea da peopo wen stay amp out. Dey figga dey safe dea. Dey tell each odda, “Us guys, Numba One! No mo nobody stay jalike us!” But bummahs! Dea big town wen come all bus up. Ony get wild animals live ova dea! Erybody dat walk by um Ack sked an feel good cuz da town gone awready!

Matthew 13:9

Jesus tell, “If you guys hear dis, den lissen up real good!”

Rules Secon Time 28:56

Tink bout da mos easy an nice wahine dat stay wit you guys. Her da one dat get plenny aloha, an she no even let da bottom a her feets touch da groun. Even dat one goin go agains her husban dat she love, o her boys an girls.

Local Leadas 9:7

Somebody tell Jotam bout dat. So den he go up on top Mount Gerazim an yell to dem, “Lissen me, you Shekem men guys! Fo God lissen you guys bumbye!