Isaiah 32:6 - Hawaii Pidgin Bible

⁶ Cuz da stupid kine guys Dat ack jalike God no matta, Dey talk stupid kine stuff. Dey tink plenny bout how fo make trouble. Az why, wateva God like, dey no like um. Az why dey teach Da wrong kine stuff bout Da One In Charge. Az why dey make shua Da hungry guy no get notting fo eat, An dey no let da guy dat stay thirsty Get notting fo drink.

Isaiah 32:6 ပူးပေါင်းရင်းမြစ်များ

Songs 141:4

No let da way I stay inside Make me do da kine tings dat stay bad O do horraz kine stuff. Wen odda peopo no do wat stay right, No let me even eat Dea onolicious kine grinds.

Smart Guys 19:3

If you go all out fo do stupid kine stuff, You goin jam up yoa whole life. An den you goin come huhu An tell dat Da One In Charge get da blame.

Smart Guys 24:7

Da peopo dat do bad kine stuff An dat no bodda dem, No way dey goin undastan Wat da guys dat know wat fo do erytime, tell. Az why, wen dey go by da importan peopo, Dey no mo notting fo tell.

Isaiah 10:2

Dey make da peopo dat no mo notting Fo no get help from da judge. Dey take away da rights From my peopo wen dey get hard time. Dey steal stuffs from da widows An da kids dat no mo faddah o muddah.

Isaiah 10:6

I goin sen da Assyria army guys agains my peopo Dat ack jalike I no matta. I no can take awready Da bad kine stuff da Israel peopo stay do. Dass why I tell da Assyria peopo Fo come take da Israel peopo rich stuff An take um all away. Jalike dey goin walk on top da Israel peopo An push um down jalike dey mud on top da streets.

Isaiah 26:10

But even if God hold back from punish da bad guys, Dey no goin learn fo do da right ting. Even inside one land Wea all da odda peopo stay do da right ting, Da bad kine peopo still goin do bad kine stuff. Dey no goin see Dat Da One In Charge stay awesome fo real kine.

Isaiah 3:15

Wat you guys tink Wen you go smash my peopo, aah?! Da peopo dat no mo notting, How come you go rub dea face inside da dirt, aah?!” Da One In Charge, Da God Ova All Da Armies, Dass wat he tell.

Isaiah 31:2

But no matta wat dose guys tink, Da One In Charge know wat fo do erytime, An he can make bad tings happen too. Wen Da One In Charge tell someting, He no need change his mind bumbye. He goin go agains da ohanas dat do bad kine stuff. An agains da peopo dat help dem.

Isaiah 59:13

Us go agains Da One In Charge, An show he no can trus us guys. Us no follow oua God. Us tell “Laytas” to him. Us tell peopo az okay Fo make any kine to odda peopo An go agains odda peopo. Us tink how fo bulai peopo, An teach odda peopo how fo do da same ting.

Isaiah 59:7

Dey run fas fo do bad kine stuff. Dey real quick fo kill peopo Dat neva do notting bad. Dey ony tink bout How fo do bad kine stuff. Ery place dey go, Dey broke up eryting.

Isaiah 9:17

Dass why my Boss No goin feel good bout da young guys, He no goin show pity notting Fo dea widows o dea kids dat no mo faddah o muddah. Cuz all dem peopo ack jalike God no matta to dem, An still stay do bad kine stuff. All dem get pilau mout. An Da One In Charge stay huhu wit da Israel peopo still yet, An he stay ready fo bus um up.

Jeremiah 13:23

You tink da Sudan guys can change dea skin color?! No can! You tink da leopards can change dea spots? Not even! Same ting fo you guys. No way you can change an do good kine stuff! You ony know how fo do bad kine stuff!

Ezekiel 34:18

No enuff fo you guys eat da good grass, o wat?! How come you guys gotta walk all ova da res a da grass wit yoa feets? No enuff fo you guys drink da watta dat no mo mud inside, o wat?! How come you guys gotta muddy all da odda watta wit yoa feets?

Daniel 12:10

“Plenny peopo goin clean up All da bad kine stuff dey get inside, So no mo notting bad goin stay inside dem. All dat goin be jalike one tes Fo make shua dey stay clean inside. But da bad kine guys goin still stay do bad kine stuff. No goin get nobody from da bad kine guys Dat goin undastan. But da leada guys dat know how come all dis stay happen, Dey goin undastan.

Amos 8:6

We even pick up da junks from da wheat An sell dat too. Den we goin use dat money Fo go find peopo dat no mo notting, An odda guys dat owe somebody money fo one pair slippa, An we buy dose guys cheap Fo come slaves fo us guys.’ ”

Matthew 15:19

Any kine bad kine stuff come out from inside. Dass how erybody tink how fo do bad kine stuff. Dass why dey kill peopo, o dey married an go fool aroun, o dey not married an dey still yet go fool aroun, dey rip off da odda guy, dey bulai bout da odda guy, o dey talk bad bout da odda guy.

Matthew 23:13

Den Jesus tell, “Wassamatta you guys?! You teacha guys dat teach da Rules From God an you Pharisee guys, you guys goin get it! You guys tell one ting an do anodda. You guys shut da door so da peopo no can get God in da sky fo dea King. But you guys no like get him fo yoa King too. An you guys no let da peopo dat like get God fo dea king, get um.

James 1:27

God oua Faddah, he figga lidis: Da guy dat stay religious fo real kine, an no do notting pilau, he da one goin kokua da peopo dat get hard time—da kids dat no mo faddah o muddah, an da wahines dat no mo husban fo take kea dem. Dat kine guy, he no goin let da peopo inside da world make him do bad kine stuff.

1 Samuel 24:13

Jalike da smart peopo wen tell long time befo time, ‘From bad kine peopo come bad kine stuff!’ But I not one bad guy, an no way I goin do someting bad to you.