Isaiah 32:19 - Hawaii Pidgin Bible

¹⁹ No matta get hail Dat make all da trees fall down, An all da buildings inside da big town fall down,

Isaiah 32:19 ပူးပေါင်းရင်းမြစ်များ

Isaiah 10:18

Da Assyria king get any kine awesome fores An plenny place fo grow fruit tree. Da One In Charge goin make all dat no goin be no moa, Inside an outside, Jalike wen one sick guy come wipe out.

Isaiah 10:19

Ony litto bit trees goin stay Inside da Assyria king fores. Not too much, even one young boy can count um.

Isaiah 10:33

But you know, Da Boss, dass Da One In Charge, Da God Ova All Da Armies, He goin wipe out da Assyria army an dea mo bigga leadas, Jalike he chop down one big tree wit one ax!

Isaiah 24:10

Da big town stay all bus up, No mo notting inside dea. All da door fo ery house stay shut Fo nobody come inside.

Isaiah 24:12

Inside da big town, eryting stay bus up An ony get rubbish dea. Even da town gate stay all smash.

Isaiah 25:2

I goin tell dat you da greates, Cuz get big towns dat you bus up An make um come one pile a rubbish. Get strong towns wea da army guys no can come inside, You make um all fall down. Da place inside odda countries Wea da peopo build palace, No even get one mo town dea now. No way dey goin build um up one mo time.

Isaiah 25:4

I goin tell dat you da greates, Da One In Charge, Cuz you give place Fo da peopo dat no mo notting, fo hide. You, one place fo da peopo Dat need res an help wen dey get trouble. One place fo go inside From da big rain an da hot sun, Cuz wen da mean guys go afta peopo, Feel jalike wen da hard, cold rain Hit agains one wall,

Isaiah 26:5

He make da guys wit big head come las. He bus up da big town. He goin make da towns come notting Dat sit on top da hills Fo da army guys no come dea. He make dea wall fall down to da groun, On top da dirt.

Isaiah 27:10

Da big town dat get strong wall Wea nobody can come inside, Nobody stay dea. Jalike da boonies, ony da cows stay dea. Da peopo, all gone awready. Get small cows stay eat grass dea. Dey eat all da stuff from da tree branches. Den dey lay down ova dea.

Isaiah 28:17

Fo tes you Jerusalem peopo, I goin look fo see if you stay judge da right way An if you do wass pono erytime, Jalike da builda guys use one strong string Fo measure tings, An dey pull anodda string Fo check out if da building stay strait. You guys tink you can bulai da Assyria army guys Fo dem no hurt you. You tink you get one place fo hide Wen da army guys come Jalike da big watta. But no way you can bulai dem! No mo no place you can hide!

Isaiah 28:2

But you know wat?! My boss get da Assyria army, Dat stay real strong wit plenny powa. Dey stay jalike one rain storm dat fall down wit ice, One real strong wind dat wipe out all da plants, One storm dat make da watta come up all ova da place, Wit plenny powa fo throw down da big town.

Isaiah 29:4

Yoa peopo goin come notting. Wen you guys go try fo talk, goin soun Jalike you stay bury unda da groun. Wateva you like tell, Goin stay down inside da dirt. You guys goin soun jalike one mahke guy Talking from da groun an no can hear, O jalike one small bird on top da dirt.

Isaiah 30:30

Da One In Charge Goin make peopo hear his awesome voice, An show his strong arm come down Wit plenny powa. Cuz he stay huhu, Jalike da fire dat stay burn up eryting, An da strong wind, rain, An hail dat fall down From da sky jalike rocks.

Isaiah 37:24

You wen sen guys dat work fo you, Dat wen try make me, da Boss, shame. You wen tell, “Me, Sennakerib, I get plenny war wagon! I can go on top a da high mountains, To da mos far part a da Lebanon mountains, Fo cut down da mos tall cedar trees An da bestes pine trees! Me, I da kine guy can go all da way to da end A da mos high places, Da fores wea da bestes tree grow!

Nahum 1:1

Da One In Charge show Nahum from Elkosh town someting jalike one dream, bout wat goin happen to da Assyria peopo dat live Nineveh town.

Nahum 1:8

But he goin wipe out da Nineveh peopo, Jalike wen one big flood come. He goin chase da peopo dat stay agains him, An make dem run inside one dark place.

Zekariah 11:2

Cry loud, you cypress trees, Cuz da cedar trees wen fall down! Da tall an awesome trees stay all bus up. Cry loud, you oak trees inside Bashan, Cuz all da fores stay cut down!

Matthew 7:25

Da rain come, da riva flood, da wind come from all ova da place, an poun da house hard. But da house no fall down cuz he build um on top solid rock.

Jesus Show 18:21

Den one strong angel guy pick up one mangus stone, dass big jalike one millstone. He throw um inside da ocean. Den he tell, “Dass how Babylon, da big town, goin come wipe out real fas! An nobody goin eva see um no moa!

Jesus Show 8:7

Da firs angel guy blow his trumpet. An get hail an fire dat stay mix wit blood, come down real hard on top da earth. An thirty percent a da earth an da trees, an all da grass burn up!