Isaiah 32:17 - Hawaii Pidgin Bible

¹⁷ An cuz peopo stay do wass right, Dat goin make tings come good fo erybody. An wen dey stay do wass right Dey goin stay quiet an trus God all da time.

Isaiah 32:17 ပူးပေါင်းရင်းမြစ်များ

Esther 9:30

An had odda lettas dat peopo sen to all da Jews inside da 127 districks wea Xerxes stay king. Da lettas give dem aloha an tell dem fo trus wat da queen wen tell.

Songs 119:165

Fo da peopo dat get love an aloha Fo da Rules you teach, Eryting go real good fo dem. No mo notting goin jam um up!

Songs 85:10

God, he erytime stay tight wit his peopo, An same time, His peopo erytime like do Wat he trus dem fo do! God, he erytime judge da right way, An same time, eryting come pono Fo his peopo!

Songs 85:8

I goin lissen real good To wat God, Da One In Charge, tell. He tell da peopo dat stay tight wit him He goin make eryting go good fo dem. But no good dey go do dumb tings One mo time, you know!

Smart Guys 1:33

But da peopo dat lissen me, Dey goin stay good an notting goin hurt dem, An dey no need come all sked inside an shake all ova Cuz dey tink maybe someting bad goin happen.” Dass wat da wahine tell dat erytime know wat fo do.

Smart Guys 14:26

Wen you get awesome respeck fo Da One In Charge, You know notting bad goin happen to you, An yoa kids goin stay wea nobody can hurt um.

Isaiah 11:10

Dat time, dis wat goin happen: Goin get one new king stay come. He goin get King David blood, jalike David faddah ohana da root fo him, an him da new branch. Dat king, goin be dea jalike one flag, so all da diffren peopos goin know he dea, fo all da diffren peopos know fo go by him. Peopo inside all da countries goin aks him wat fo do. An da place he goin live goin be awesome.

Isaiah 11:13

Den da Efraim ohana guys no goin get jealous A da Judah guys no moa. An da Judah ohana guys No goin give da Efraim guys hard time no moa.

Isaiah 26:3

Da One In Charge, you take kea Whoevas stay shua bout wat dey tink. Az why dey no mo worries Cuz dey trus you.

Isaiah 28:12

Jalike he wen tell um befo time, “Dis da place fo res. Da guys dat tired can res ova hea. Dis wea you guys can sleep.” But dey no like lissen.

Isaiah 30:15

But dis message come from Da One In Charge a me, Da One dat stay good an spesho fo da Israel peopo: “Fo you guys get outa trouble, You gotta come back my side, Fo come so notting bodda you. Fo you guys come strong inside, You gotta stay quiet an trus me.” But you guys still no like lissen!

Isaiah 33:6

All da time you stay alive, Da One In Charge goin be jalike one solid foundation fo you. He goin do plenny good tings fo you— Get you outa trouble, Help you know wat fo do erytime, Help you know how fo do stuff. Wen you Jerusalem peopo get respeck Fo Da One In Charge fo real kine, Goin be jalike az rich kine stuff he give you.

Isaiah 48:18

I wen like fo you guys lissen Wat I tell you guys fo do befo time, But you no like lissen! I wen like fo eryting go okay fo you guys, Jalike one riva dat no make noise An stay full all da time, But you not okay! I wen like fo you guys get um right wit me, Jalike da wave dat come in from da ocean all da time, But you no get um right!

Isaiah 55:12

Bumbye, wen you guys leave fo come back ova hea, You guys goin dance an sing. God goin lead you guys out, An eryting goin come good fo you. Jalike da mountains an hills Goin sing loud in front you guys, An all da trees in da fields goin clap dea hands.

Isaiah 57:19

I goin make da peopo talk diffren den befo time. Dey goin tell, ‘Da peopo far an nea, Dey goin come so notting bodda dem!’ ” An Da One In Charge tell, “Jalike my peopo stay sick, An I goin make dem come good.”

Isaiah 66:12

Dis wat Da One In Charge tell, “You know wat?! I goin make eryting come out good fo da Jerusalem peopo, Jalike one big riva Wit watta all da time! I goin bring plenny rich kine stuff from plenny countries, Jalike wen da watta fill up one stream An den go all ova da place! An da Jerusalem peopo goin be Jalike da muddah fo all you guys, An you guys goin be jalike one bebe dat stay breas feed, An da muddah carry um all ova in her arm, An bounce um on top her knee.

Isaiah 9:7

He goin come da leada Fo da govmen, An he goin make eryting come So notting bodda nobody, An fo shua he goin do dat. He goin be da king on top da throne Jalike King David, his ancesta guy. He goin judge erybody da right way, An he goin do da right ting erytime. From da time he come da king, He goin make shua he stay king foeva. All dis goin happen Cuz Da One In Charge, Da Boss Ova All Da Armies, Goin make shua dis goin happen.

Ezekiel 37:25

Dey goin live on top da land I wen give my worka guy Jacob, da land wea yoa ancesta guys wen live befo time. Dem an dea kids, an dea kids kids goin live ova dea foeva, an my worka guy David goin be da leada guy fo dem foeva.

Ezekiel 39:29

I no goin hide from dem no mo cuz I goin give da Israel ohana peopo my Spirit, jalike I pour watta on top dem. Az wat me Da One In Charge, da Boss, tell.”

Rome 14:17

Eh lissen! God stay da King, but you no stay da king guy jus cuz you like eat o drink wateva you like. You stay da king guy, so you do da right ting, an notting bodda you, an you stay good inside. Cuz dass wat happen wen you stay tight wit da Good An Spesho Spirit.

2 Corint 1:12

Dis how come we talk big. Fo shua us guys know we do wat God like us fo do. Us do um jus cuz we like do um, fo erybody see dat God make us guys do wass fo real. Us no do um wit da kine smarts da peopo get, but wit da kine smarts dat God give us cuz he get one good heart. Az how us wen live in dis world, an even mo plenny how us guys wen make fo help you guys.

Hebrews 12:11

Erytime we get presha fo make us guys learn stuff, us guys come all sore inside, an we no like dat kine presha. But bumbye all dat presha goin make us come mo strong fo do da right ting, an den notting goin bodda us guys.

Hebrews 6:11

Same ting, now we like all you guys fo show dat you guys go all out jalike befo time. Den you guys goin hang in dea fo shua, an know fo shua dat God goin do eryting he wen promise fo do.

1 John 4:17

Dis wat I mean: wen da same kine love an aloha dat God get stay to da max inside all us guys, den us no need come sked wen we stan in front God da Judge, cuz da way us guys live inside dis world, az da same way Christ wen live hea.