Isaiah 32:13 - Hawaii Pidgin Bible

¹³ Cry fo my peopo land Dat ony get thorns an thorn bush stay growing! Cry fo all da house wea erybody Wen dance an sing An fo da town wea dey get plenny party befo time!

Isaiah 32:13 ပူးပေါင်းရင်းမြစ်များ

Songs 107:34

God make da kine land dat grow plenny fruits Come all mud, Cuz da peopo dat live dea do bad kine stuff.

Isaiah 22:2

All ova Jerusalem town Some a you guys stay yell an moan, An odda guys make party! Same time get mahke guys bodies all ova da place. Nobody wen kill dem wit swords. Dey neva fight in da war, But still yet, dey mahke.

Isaiah 23:7

Fo shua, dis not da same big town Dat erytime stay make party befo time! Dis not da same ol town dat stay from long time befo time. Cuz now, all da Tyre peopo go far away awready. Dey no stay dea no moa. Dey go live wea dey no mo land.

Isaiah 23:9

Was Da One In Charge, Da God Ova All Da Armies! He da One plan um Fo shame all da awesome peopo dat get big head, An make erybody in da world lose face Dat wen get respeck befo time.

Isaiah 24:11

Da peopo stay yell on da street, Cuz no mo notting fo drink. Befo time dey dance an sing plenny, But all dat pau, Jalike wen da sun go down an eryting come dark. Eryting dat wen make da peopo dance an sing, Da army guys wen take um to dea country.

Isaiah 27:10

Da big town dat get strong wall Wea nobody can come inside, Nobody stay dea. Jalike da boonies, ony da cows stay dea. Da peopo, all gone awready. Get small cows stay eat grass dea. Dey eat all da stuff from da tree branches. Den dey lay down ova dea.

Isaiah 34:13

Dea palaces goin get thorn bush grow all ova da place. An dea towns dat get strong wall goin get stickas an kukus all ova. Da wild jackal dogs goin stay an eat dea, An goin be da place fo da owl birds.

Isaiah 5:10

Ten acre grape field Goin give ony six gallon wine. An ten bag seed Goin give ony one bag food.’

Isaiah 5:6

I goin make um jalike da boonies wea no mo notting. Nobody goin trim um, o hoe hana da weeds. Plenny stickas an thorn bushes goin grow dea. I goin tell da clouds Fo no let um rain on top um.

Isaiah 55:13

Goin get pine tree Wea befo time get ony thorn bush, An flowa bush, Wea befo time get ony thistle. Dass how all dis goin happen, Fo erybody know wat kine god Da One In Charge. Goin stay lidat foeva, Jalike one sign dat nobody goin bus up eva.

Isaiah 6:11

Den I aks him, “Boss, how long I gotta do dat?” An he tell, “Till all da towns stay all bus up An no mo peopo live dea, An all da house no mo peopo inside, An all da land stay dry an all wipe out.

Isaiah 7:23

But afta da army guys go way, all da place wea had tousan grape plants worth tousan piece silva, now eryting dat goin grow afta, ony goin be thorn kine plants.

Jeremiah 33:4

An dis wat Da One In Charge, da God fo da Israel peopo, tell bout da houses inside dis town an da palaces fo da Judah kings. Da peopo wen bus up dea houses awready an pile up da junks agains da wall, fo make ready fo fight da Babylon army guys wen dey try fo come ova da wall wit swords.

Jeremiah 39:8

Jerusalem side, da Babylon guys burn down da king palace, an da peopo houses, an broke down da town wall.

Jeremiah 52:27

Ova dea, Riblah town Hamat side, da Babylon king tell his guys fo kill all dem. Az how da Judah peopo wen come prisonas an go way from dea land.

Hosea 10:8

Da sacrifice places on top da hills nea Bet-Aven— Dat mean “house wea peopo do wass wrong”— Dey goin come wipe out. Az wea da Israel peopo stay do da real bad kine stuff. Thorns an da kine weed dat make yoa skin itchy Goin grow ova dea an cova dea altars. Den da peopo goin tell da mountains, “Proteck us!” An tell da hills, “Fall down on top us!”

Hosea 2:3

If she no pau make lidat, Den I goin make her come naked Jalike da day she wen born. I goin make her come jalike da boonies An jalike da dry land. An den she goin come thirsty an mahke.

Hosea 9:6

Even if da Israel peopo no come wipe out, You know wat goin happen?! Da Egypt peopo goin make um prisonas, An da Memphis peopo goin bury dem. Da thorn bushes goin take ova da silva dey like plenny, An take ova dea tents.