Isaiah 32:1 - Hawaii Pidgin Bible

¹ Look! Fo make shua eryting stay right, Goin get one king stay in charge. He goin get odda leada guys Dat goin judge da right way too.

Isaiah 32:1 ပူးပေါင်းရင်းမြစ်များ

2 Samuel 23:3

Da God fo da Israel peopo, he talk. Him, jalike one big cliff wea da Israel peopo can hide. “He tell me: ‘Anybody dat lead da peopo an do wass right, An lead um cuz he get choke respeck fo God,

Songs 45:1

Inside me, jalike I come excited Fo tell bout one real good ting. I stay make dis song fo da king, Jalike I one writa guy Dat know how fo tell one story Fo real kine.

Songs 99:4

Eh God! You da strong king. You get love an aloha Fo whoeva do da right ting! You da One dat tell Wass da bestes way fo da Israel peopo An you set up da rules fo dem, How fo do wass right.

Isaiah 11:4

Dass why he make one good judge Fo da peopo dat no mo notting. Wen dis judge make up his mind, He goin do da right ting fo da peopo all ova da world Dat no tink dey numba one. Da stuff he tell cuz he da judge, Dat goin bus up peopo all ova da world, An wipe out da ones dat do bad kine stuff.

Isaiah 11:5

He goin stay ready fo make war agains da bad kine stuff peopo do. He goin be strong, cuz he do da right tings erytime, An you can trus him erytime.

Isaiah 16:5

Dat time, goin get one new king Dat goin stay tight wit his peopo. Dat king, goin come from King David ohana, An da peopo goin trus him. He goin be da judge, An he goin work hard fo judge erybody da right way. He no goin wase time notting Fo make shua eryting dat happen stay pono.

Isaiah 28:6

Da guys dat get da job fo judge, He goin make dem come So dey fo real kine like judge da right way. Da army guys dat get da job Fo make whoeva like fight dem Go back da town dey come from, He goin make dem fight good.

Isaiah 33:5

Da One In Charge, he da greates! He live high on top da mos importan place! All ova Jerusalem town He goin make shua da judge guys judge da right way An da peopo do right kine tings.

Isaiah 4:6

Dass goin be jalike one place fo shade Wen da sun stay hot, day time, Goin be one place dey can go Fo hide an no get hurt From da storms an da rain.

Jeremiah 33:14

Da One In Charge tell: “You know wat?! Da time goin come wen I goin do all da good kine tings I wen promise fo do fo da Israel ohana an da Judah ohana.

Jeremiah 33:15

“Dat time, I goin make one guy from da King David blood line come up, One guy dat stay do wass right erytime, Jalike one new branch come out from one tree. He goin make shua get good judge guys Dat stay do wass right inside da land.

Ezekiel 37:24

“My worka guy David goin be da king ova dem. Dat mean ony goin get da one sheep guy fo take kea all dem. Dey goin live da way I tell um wass right an wass wrong, an make shua dey do wat I tell um dey gotta do.

Hosea 3:5

An bumbye da Israel peopo goin come back an try fo know dea God, Da One In Charge, an dea king dat come from King David blood line. Dey goin shake cuz dey sked, an get choke plenny respeck fo me, Da One In Charge. An dat time I goin do plenny good kine stuff fo dem.

Zekariah 9:9

Stay good inside, my Zion peopo! Yell, my Jerusalem peopo! Look! Yoa king stay come by you! He erytime do da right ting. He get you guys outa trouble! He make nice kine to erybody, An stay ride on top one donkey, even one young donkey.

Rome 5:21

Befo time, da bad kine stuff dat peopo do take ova dem an make um mahke. But now, cuz a wat Da One In Charge, Jesus Christ, wen do, God do someting real good fo us. He take ova us guys, fo us get um right wit him an fo come alive fo real kine foeva.

Jesus Show 17:14

Dey goin make war an fight God Bebe Sheep Guy. But he goin win ova dem, cuz he Da One In Charge Ova All Da Bosses an da King ova all da kings! All da peopo dat God Bebe Sheep Guy wen pick an tell dem fo come be his guys, dey do wat dey tell dey goin do, an dey goin stay tight wit him.”

Jesus Show 19:11

Den, jalike one dream, I see da sky open up, an dea in front me get one white horse wit one guy on top him. Dey call dat guy Da One Dat Do Wat He Tell He Goin Do an Da One Dat Tell Da Trut. He erytime do wass right, wen he make jalike one Judge, an wen he lead one army fo fight one war.