Isaiah 31:7 - Hawaii Pidgin Bible

⁷ Cuz wen you go back, all you guys goin go agains da idol kine gods dat you guys wen make outa silva an gold. Az was bad, you wen do dat!

Isaiah 31:7 ပူးပေါင်းရင်းမြစ်များ

Isaiah 17:8

Dey no goin even tink Bout da altars dey wen build wit dea hands fo da odda gods An da small kine tings dey make wit dea fingas. Dey no even goin look at Dea spesho tiki pos fo da wahine god Asherah An da places fo burn incense fo da odda gods.

Isaiah 2:20

Dat time, da idol kine gods Dat da peopo wen make from silva an gold Fo go down an show um respeck, Dey goin throw um all away To da bats an da rats.

Isaiah 30:22

Den you guys goin make pilau yoa idol kine gods, Even da kine dat get silva an gold all ova. You goin throw um away Jalike one pilau kine rag. You goin tell da idol kine gods, “Get away from hea!”

Ezekiel 36:25

“Jalike I goin splash clean watta on top you guys an you guys goin come real clean inside. I goin make you guys come real clean from all da pilau kine stuff you guys wen do an from yoa idol kine gods.

Hosea 14:8

“Eh! You Israel peopo! Tell ‘Laytas’ to da idol kine gods! I da One goin lissen wen you guys pray, An take kea you guys. I jalike one green pine tree dat make shade fo you guys. An all da good tings dat happen to you guys, stay come from me!”

Hosea 8:11

“No matta da Efraim peopo build plenny altars Fo make sacrifice wen peopo do bad kine stuff, Now dey use da altars fo do bad kine stuff dea.

Rules Secon Time 7:25

You guys goin burn up dea idol kine gods inside da fire. No make jalike you like take da silva o gold on top da idols, an no take dat fo you. Cuz all dat kine stuff no good, an can catch you guys jalike az one trap. Fo yoa God, Da One In Charge, all dat kine stuff pilau.