Isaiah 31:2 - Hawaii Pidgin Bible

² But no matta wat dose guys tink, Da One In Charge know wat fo do erytime, An he can make bad tings happen too. Wen Da One In Charge tell someting, He no need change his mind bumbye. He goin go agains da ohanas dat do bad kine stuff. An agains da peopo dat help dem.

Isaiah 31:2 ပူးပေါင်းရင်းမြစ်များ

Job 12:13

“Da One In Charge, he da One know wat fo do erytime. He get plenny powa. He da One tell peopo wass da bestes ting fo dem do. He undastan plenny stuff.

Job 12:16

He strong an he know how fo come da winna! He get powa ova da guys dat odda peopo bulai. An he get powa ova da bulaia guys too!

Job 5:13

He use da plan dat da akamai guys make, Fo trap dem. Wen da smart guys tink dey goin do someting, God make um happen too fas fo come out good.

Isaiah 1:4

Ho! Erybody from inside dea Stay do plenny bad kine stuff, Gotta punish um fo teach um. Dem an dea braddahs, dey no do right kine stuff, Dey da kine peopo dat like bus up eryting! Dey go way from Da One In Charge. Dey hate da God fo da Israel peopo dat stay good an spesho. Jalike dey no like lissen an stay turn dea back on him.

Isaiah 14:20

Dey no goin bury you guys, Jalike dey bury all da odda king guys, Cuz you wen jam up yoa land, An kill yoa peopo. Bumbye, nobody goin talk bout yoa blood line, Cuz all you Babylon king guys Stay do ony wass bad!

Isaiah 21:17

Ony goin get litto bit mo guys from da Kedar army dat know how fo fight good wit bow an arrow, dat still stay alive.” Dass wat Da One In Charge tell, da God fo da Israel peopo.

Isaiah 22:14

I hear Da One In Charge, Da God Ova All Da Armies, Tell dis bad kine ting you guys stay do, I no goin hemo yoa shame fo dat Fo all da days you stay live.” Dass wat my Boss tell, Da One In Charge, Da God Ova All Da Armies.

Isaiah 28:21

Da One In Charge goin start fo do tings fo you guys, Jalike da time da Israel peopo wen fight da Filisha guys, Mount Perazim side. Da One In Charge Goin come real huhu an bus up peopo, Jalike da time dey wen fight da Amor peopo, Gibeon Valley. He goin do watevas he like do, No matta wat he stay do Goin make da peopo drop dea jaws, No matta nobody wen see him make lidat befo time.

Isaiah 28:29

So all dis stuff dat da farma guys know, Dass one mo ting dat come from Da One In Charge, Da God Ova All Da Armies. Wen he teach peopo how fo do someting new, Dea jaw drop! Fo shua he know how fo do Importan kine stuff erytime!

Isaiah 30:3

“You tink Pharaoh da one goin help you guys? He no can! You tink da Egypt peopo Goin let you guys stay wit dem Fo notting hurt you? Dey still no can, An you goin come shame too!

Isaiah 30:7

Da Egypt peopo, even if dey try fo kokua da Judah peopo No goin help da Judah peopo notting. Az why I call da Egypt peopo, ‘Da proud fake crocodile Dat ony make plenny noise!’ ”

Isaiah 31:3

Still yet, da Egypt guys, dey ony peopo. Dey not God. Dea horses, dey ony animals, Dey not spirits. Wen Da One In Charge put up his hand fo bus um up, Da guys dat help dem, Jalike dey goin trip. An da guys dey help, Jalike dey goin fall down. All a dem goin come wipe out togedda.

Isaiah 32:6

Cuz da stupid kine guys Dat ack jalike God no matta, Dey talk stupid kine stuff. Dey tink plenny bout how fo make trouble. Az why, wateva God like, dey no like um. Az why dey teach Da wrong kine stuff bout Da One In Charge. Az why dey make shua Da hungry guy no get notting fo eat, An dey no let da guy dat stay thirsty Get notting fo drink.

Isaiah 45:7

I make da light an da dark. I make good kine stuff happen, An I make bad kine stuff happen. Me, Da One In Charge, da One dat stay do all dis kine stuff.

Isaiah 9:17

Dass why my Boss No goin feel good bout da young guys, He no goin show pity notting Fo dea widows o dea kids dat no mo faddah o muddah. Cuz all dem peopo ack jalike God no matta to dem, An still stay do bad kine stuff. All dem get pilau mout. An Da One In Charge stay huhu wit da Israel peopo still yet, An he stay ready fo bus um up.

Jeremiah 10:12

Da One wen make da earth, was Da One In Charge, Cuz he get powa. He da One make da world stay how stay Cuz he know wat fo do erytime. Jalike he spread out da sky Cuz he know da bestes way fo make um lidat.

Jeremiah 10:7

Erybody gotta get choke respeck fo you! Cuz you da king fo all da peopos. Az who you! Da diffren peopos get dea guys dat know wat fo do erytime, An dey get dea kings, But still yet no mo nobody stay jalike you!

Jeremiah 36:32

So Jeremiah take anodda roll up kine book, an give um to da writa guy Baruk, Neriah boy. Jeremiah tell him wat fo write. Baruk write inside um, eryting da firs book wen tell, da one dat Jehoiakim da king fo Judah wen burn inside da fire. An he write plenny mo odda stuff too.

Ezekiel 29:6

“Den erybody dat live inside Egypt goin know az was me Da One In Charge wen do all dat! You Egypt guys, you all jalike one suga cane stalk fo hold up da Israel ohana peopo wen dey need help. But you not strong enuff fo hold um up!

Amos 3:6

If somebody blow da war trumpet inside one town, Da peopo dea goin tell, “Wassup?! Watch out!” Weneva bad tings happen inside one town, Az Da One In Charge da One make um happen!

Zefaniah 3:8

Da One In Charge tell: “Az why wait fo me, Fo da day I goin stan up fo poin finga da Jerusalem peopo. Cuz I make up my mind awready Fo bring togedda all da peopos an dea kings. An I goin make dem know dat I stay real huhu wit dem. I goin burn up all da peopo inside da world, Cuz I go all out fo no let um go down in front odda gods!

Zekariah 1:6

“But long ago, get plenny stuff I wen tell da guys dat wen talk fo me. Get plenny rules dat I wen give dose guys dat work fo me an talk fo me. I tell um all dat, fo dem pass um on to yoa ancesta guys fo dem know wat dey gotta do. An da tings I tell um, dey not jus fo yoa ancestas! My rules wen stay fo dem, an dey still stay true!” Den da peopo wen come sorry. Dey change how dey tink. Dey tell, “Da One In Charge, Da God Ova All Da Armies, he punish us guys fo tings we wen do, an befo time he wen make up his mind he goin do dat.”

Census 10:35

Weneva da pries guys pick up da Box fo carry um, Moses tell, “Go fo broke, Da One In Charge! I like fo da peopo dat stay agains you, run away all ova da place. I like fo da ones dat hate you, run away from in front you!”

Census 23:19

God, he not one guy. No way he tell he goin do someting, An den he no do um. He not da kine god goin tell someting, An den tink az mo betta he neva tell dat. Him, he talk, an den he do um. He make one promise, An he do wat he tell he goin do.

Matthew 24:35

Da world an da sky goin go way, but da tings I tell no goin go way foeva.

Rome 16:27

He da ony God dat stay, an he know eryting. I like erybody tell how awesome he stay foeva cuz a wat Jesus Christ wen do! Dass it!

Joshua 23:15

But jalike all dat good stuff wen happen, yoa God, Da One In Charge, can make all kine bad stuff happen to you guys too. He can even wipe you guys out from dis good land dat yoa God wen give you!

Jude 1:25

He da ony God! He da One take us outa da bad kine stuff. We gotta tell how awesome he stay. He da Big King, An he get all kine powa fo do watevas. Da One In Charge, az Jesus Christ, Make eryting come pono Befo time, An now, An foeva. Dass right!

1 Samuel 2:3

“Eh you guys! Shut yoa mout! No talk like you get big head awready! Cut da pilau attitude, aah?! Cuz Da One In Charge, he da God dat know eryting. An he da One dat figga out awready If da work somebody do, stay good o no good!