Isaiah 31:1 - Hawaii Pidgin Bible

¹ Bummahs! fo da peopo dat tink Da Egypt peopo goin help um erytime! Dey stay shua dey goin come okay If dey buy plenny horse dea. Dey trus da Egypt war wagons cuz dey get plenny, An plenny guys fo ride horse. But dey no go by Da One In Charge, Da Good an Spesho One fo da Israel peopo. Dey no aks him wat fo do!

Isaiah 31:1 ပူးပေါင်းရင်းမြစ်များ

Start 47:17

So da peopo bring dea animals by Joseph, an he give um food an dey give him dea horses, sheeps, cows, an donkeys. Dat year, he take all dea animals an he help um out wit food.

2 Records 16:7

Dat time, get one guy Hanani dat can see wass goin happen bumbye. He go by Asa da Judah king, an tell him, “Cuz you wen trus da Aram king, an no trus yoa God, Da One In Charge, da army fo da Aram king wen get away from you.

2 Records 16:9

Cuz Da One In Charge look all aroun all ova da world, fo find da peopo dat make up dea mind fo go all out fo him, fo him make dem come strong fo him. But you, you wen do one stupid ting! So den, from now you goin get war all da time!”

Job 39:11

You goin trus dem cuz dey real strong? You goin leave yoa heavy work fo da wild cows do um fo you?

Songs 20:7

Some peopos trus da real plenny war wagons dey get, Odda guys, dey trus all da horse dey get fo win da war. But fo us guys, da One us call fo help us, az Da One In Charge, Cuz we know wat kine god him.

Isaiah 10:17

Da God dat give da Israel peopo light, Fo da Assyria peopo, he goin come jalike one fire. Da One dat stay good an spesho fo da Israel peopo Goin burn up da Assyria peopo. In one day, dat fire goin burn up All da Assyria peopo, jalike dey thorns an weeds.

Isaiah 2:7

All ova da Israel peopo land, Get plenny silva an gold An mo plenny rich kine stuffs den can count. All ova da land, get plenny horse An mo plenny war wagons den can count.

Isaiah 20:5

Da Judah peopo dat wen trus da Sudan peopo an talk big bout da Egypt peopo, dey goin lose fight an come shame too.

Isaiah 22:11

You guys goin build one new watta place Inside da town walls Fo nobody take da watta From da ol watta place. “But you guys neva even tink bout Da One In Charge, Da One dat wen make all dis happen, Cuz he wen plan um from long time befo time.

Isaiah 30:16

Dass how come you guys wen tell, “No way! We goin ride horse an run away!” So den, you guys goin run away! You guys wen tell, “We goin ride horse dat run real fas!” But da guys dat come chase you guys, Dey get fas horse too.

Isaiah 36:6

Fo shua, I goin tell you who you stay trus! You trus da Egypt army fo help you. But Pharaoh, dea king, he no goin help you. He jalike one smash up bamboo dat make splintas inside yoa hand wen you lean on top um. Dass how plenny da Pharaoh guy help erybody dat trus him!

Isaiah 36:9

How you guys tink you goin make even one small kine officer from my boss army guys turn aroun an go home, no matta you guys trus da Egypt guys fo give you war wagons an guys fo ride on top da horses?!

Isaiah 43:15

Me, Da One In Charge, I da Good an Spesho God fo you Israel peopo. I wen make you Israel peopo. I yoa King!”

Isaiah 5:12

Dey make big party, Dey get plenny small harp an bass harp, Tammorine, flute, an wine dea. But dey no tink notting bout Da One In Charge, An da tings he do. Wen he show da tings he make wit his hands, Dey no see notting.

Isaiah 57:9

You guys, az how you stay make! Jalike dat wahine wen go By da idol kine god Molek An give him olive oil fo one present. She use all diffren kine perfume. She sen her messenja guys far away Fo find new idol kine gods— Even far, like down to da Mahke Peopo Place! An you guys do da same ting.

Isaiah 64:7

No mo nobody know wat kine god you, So nobody call you fo help um. No mo nobody try fo hang in dea wit you, Cuz you no like even look at us guys. You make us lose fight, So da bad kine stuff we do, take ova us.

Isaiah 9:12

Da Aram peopo from da east side, An da Filisha peopo from da west side, Dey go agains da Israel peopo An dey win ova um. An Da One In Charge stay huhu wit da Israel peopo still yet, An he stay ready fo bus um up.

Isaiah 9:13

Cuz da Israel peopo still yet no lissen An no come sorry fo da bad stuff dey do An no come back to da One dat stay bus um up, An still yet dey no like even find out Wat Da One In Charge, Da God Ova All Da Armies, tell dem fo do.

Jeremiah 17:5

Dis da message from Da One In Charge: “Da guys dat stay strong ony trus peopo, not me. I goin put kahuna on top dem. Dey tink, cuz dea body strong, dey strong enuff. But da way dey tink, dey stay bag from me, Da One In Charge.

Jeremiah 2:13

“My peopo wen do two real bad tings: Numba one, dey wen bag from me, No matta I jalike one watta spring Wea da watta come out all da time An make peopo come alive. Numba two, dey go wit odda gods, dass good fo notting. Jalike dey dig big holes fo hold watta, But no can hold da watta!

Jeremiah 37:7

“Dis wat Da One In Charge, da God fo da Israel peopo, tell: Da Judah king wen sen you guys by me fo me find out wass goin happen. Tell um dis: ‘You know wat?! Pharaoh army guys, dat wen come outa Egypt fo help you guys, dey goin go back dea land, Egypt side!

Jeremiah 42:14

den maybe you guys tink: ‘Mo betta we go live inside Egypt! Cuz ova dea no mo war! No goin hear da war trumpets, an no goin stay wit no mo food.’

Ezekiel 17:15

But da Judah king wen go agains da Babylon king. He sen messenja guys Egypt side fo get horses an plenny army guys fo fight. You guys tink da Judah king goin win, o wat?! You guys tink he goin get outa dea, o wat?! Da one dat do dis kine stuff, you tink he can broke da deal an still yet get outa dea, o wat?!

Ezekiel 29:16

Da Israel peopo no goin trus da Egypt peopo no moa. Da Israel peopo no goin foget dat was one bad ting fo dem tell ‘Laytas’ to me an follow da Egypt peopo befo time. Den dey goin know dat was me Da One In Charge, da Boss, wen make all dis happen.”

Daniel 9:13

Jalike Moses wen write inside da Rules, all dis bad kine stuff wen happen to us guys. But still yet we no come back to you, oua God, Da One In Charge a us. Us guys still yet stay do da bad kine stuff. An we no tink bout how eryting you tell stay true.

Hosea 11:5

“But my peopo tell ‘Laytas!’ fo come back to me Cuz dey like, dey goin go back Egypt side! Oddas goin let da Assyria king come dea leada! Az cuz dey no change dea mind.

Hosea 11:9

I no goin punish you guys jus cuz I stay huhu wit you. I no goin turn aroun an jam up you Efraim peopo. Cuz I God! I not one guy! I da One dat stay good an spesho, an I live wit you guys. I stay huhu, but I no goin come bus up you guys!

Hosea 14:3

Da Assyria peopo no can get us guys outa trouble. We no goin ride war horses fo fight. We no goin tell no mo Dat da tings us guys wen make, dey oua gods. Cuz you da ony One dat show love an pity Fo da kids dat no mo faddah o muddah!’ ”

Hosea 7:7

Dey all stay huhu jalike one oven dat still stay real hot. Dey wipe out dea leada guys. Dey kill all dea kings cuz a dat. But not even one a da king guys call to me, Da One In Charge, fo help um.

Habakkuk 1:12

You, Da One In Charge! You my God! You stay alive from befo time An you no goin mahke! You my God dat stay good an spesho. You Da One In Charge! You wen pick da Babylon guys fo pay us back. You strong, jalike one cliff. You wen pick dem fo punish us guys!

Habakkuk 3:3

God come from Teman, south side. Da God Dat Stay Good An Spesho, Come from Mount Paran. (Time out fo da music.) He real awesome, jalike he shine all ova da sky. Da peopo all ova da world talk good bout him.

Zekariah 10:5

Togedda dey goin be strong jalike army guys Dat step all ova da ones dey fight in da mud. Cuz Da One In Charge stay wit dem, Dey goin fight an win even ova da guys on top da horses.

Rules Secon Time 17:16

No foget: da king no can get plenny horses ony fo him, o make da peopo go back Egypt side fo get mo horses. Cuz Da One In Charge, he wen tell you guys, “No go back Egypt side no moa!”

Rules Secon Time 20:1

Wen you guys go fight one war wit da peopo dat stay agains you, an you see dey get horses an war wagons, an one army wit mo plenny guys den you get, no sked dem. Cuz yoa God, Da One In Charge, he goin stay wit you guys. He da One wen bring you guys hea from Egypt.