Isaiah 30:9 - Hawaii Pidgin Bible

⁹ Go do dat cuz dis peopo Dey hard head. Dey ony like go agains Da One In Charge. Dey jalike kids dat stay bulai erybody. Da One In Charge stay teach dem plenny, But dey no like lissen.

Isaiah 30:9 ပူးပေါင်းရင်းမြစ်များ

2 Records 33:10

Da One In Charge talk to Manasseh an his peopo, but dey neva lissen.

Songs 78:8

God no like fo dem ack Jalike dea ancesta guys, Cuz da peopo from dat time, Dey get hard head, An neva like do wat God tell um fo do. Dose peopo, dey neva make shua Dey stay solid inside, Cuz da way dey stay inside, God no trus um.

Songs 81:12

Me, I let dem do wat dey goin do Cuz dey hard head An dey ony like do Wateva dey tink good fo dem.

Smart Guys 28:9

Wen somebody make deaf ear An no lissen da Rules from God, Wen da guy pray to God, God goin tell, “Bummahs! No good, wat you tell me!”

Isaiah 1:10

So, lissen wat Da One In Charge tell you guys, You leada guys dat ack jalike you from Sodom! Lissen wat oua God stay teach, You peopo dat ack jalike you from Gomorrah!

Isaiah 1:2

Lissen, erybody in da world an inside da sky, Cuz me, Da One In Charge, da Good Boss, stay tell you dis: “I wen take kea da Israel peopo Jalike dey my kids, an help um grow up. But still yet, dey go agains me.

Isaiah 1:4

Ho! Erybody from inside dea Stay do plenny bad kine stuff, Gotta punish um fo teach um. Dem an dea braddahs, dey no do right kine stuff, Dey da kine peopo dat like bus up eryting! Dey go way from Da One In Charge. Dey hate da God fo da Israel peopo dat stay good an spesho. Jalike dey no like lissen an stay turn dea back on him.

Isaiah 10:5

God tell: “Bummahs fo you guys! I goin use da Assyria peopo jalike one club fo punish you, Cuz I stay huhu wit you Israel peopo, An I goin make da Assyria guys wack you!

Isaiah 10:6

I goin sen da Assyria army guys agains my peopo Dat ack jalike I no matta. I no can take awready Da bad kine stuff da Israel peopo stay do. Dass why I tell da Assyria peopo Fo come take da Israel peopo rich stuff An take um all away. Jalike dey goin walk on top da Israel peopo An push um down jalike dey mud on top da streets.

Isaiah 24:5

Da whole world, Jalike stay pilau awready Cuz a da peopo dat live dea. Az cuz dey no do da stuff God wen teach um, An broke da Rules— Da deal God wen make wit dem foeva.

Isaiah 28:15

You Jerusalem guys talk big! You guys tell, “Us guys wen make one deal fo us no mahke. We get promise fo no go da Mahke Peopo Place! Wen da army guys come hea, No matta dey go all ova jalike da big watta, Dey no goin come wea us guys stay. Cuz us guys know how fo bulai dem So dey no goin hurt us. We no goin tell um da trut, An dass how we goin stay outa trouble.”

Isaiah 30:1

Dis, one message from Da One In Charge: “Bummahs! to da hard head peopo Dat stay go agains me! Dey make one plan an do um, But da plan, not from me. Dey make one deal wit peopo from anodda country, But my Spirit neva tell dem fo do dat. Dey do one bad ting, Den anodda mo worse ting.

Isaiah 48:4

Cuz I know you guys get hard head. Yoa neck jalike iron An yoa forehead jalike bronze metal.

Isaiah 5:24

“Az why, wen dose peopo make lidat, Dey goin come poho, Jalike one plant wit da root all rotten, An da wind blow away all da flowas jalike dus, Jalike da fire burn up da junks from da wheat, An da dry grass no mo wen stay burn. Az cuz dey no take da Rules Dat Da One In Charge, Da God Ova All Da Armies, teach um, An dey ack jalike wateva Da One In Charge tell dem, Stay no good! No matta he da Good An Spesho God fo da Israel peopo,

Isaiah 63:8

He tell, ‘Fo shua, da Israel ohana, Dey my peopo. Dey my kids, An dey no goin go agains me.’ Az why Da One In Charge, he da One Dat get his peopo outa trouble.

Isaiah 65:2

“All day, I put out my hand To da peopo dat stay go agains me. Dey do stuff dass no good. Dey like do ony wat dey like do, An dass wat dey goin do.

Jeremiah 35:14

Long time befo time, Jonadab, Rekab boy, wen tell his boys fo no drink wine. Dey no drink even today, cuz dey wen lissen wat dea ancesta guy tell dem fo do. But me, I tell you guys ova an ova, an still yet you guys no lissen.

Jeremiah 7:13

Still yet, you guys stay do all da bad kine stuff I stay talk bout. Me, I Da One In Charge, fo talk to you guys ova an ova, but you guys no lissen. I wen call you guys, but you guys no ansa.

Jeremiah 7:28

Az why you gotta tell um, ‘You Judah guys, da peopo dat no lissen yoa God, Da One In Charge. You guys no like learn notting wen he punish you fo make you go da right way. Fo you guys, no mo nobody tell da trut. You no even talk bout wass true!

Jeremiah 9:3

Dis da message from Da One In Charge: “Dey get dea mout ready fo bulai, Jalike how you make one bow ready fo shoot arrows. An cuz dey bulai an you no can trus um, Az how dey win inside da land. Dey do one bad kine ting, an den anodda bad kine ting. But me, Da One In Charge, dey donno who me!”

Ezekiel 24:3

Go talk to dis ohana dat go agains me, an give um one picha bout wat stay happen, from Da One In Charge, da Boss: Put one cooking pot on top da fire an pour watta inside um.

Hosea 4:2

Dose guys put kahuna on top each odda. Dey bulai each odda an murda each odda. An dey rip off peopo. Dey fool aroun behind dea wife o husban back. Dey bus up peopo an kill um one afta anodda.

Zefaniah 3:2

Dey no lissen nobody. Dey tell “Laytas” wen somebody teach um how fo do da right ting. Dey no trus Da One In Charge. Dey no come nea dea God.

Jesus Guys 7:51

Den Stephen tell, “You guys real hard head! You no like go all out fo God! You no like lissen him! You make jalike yoa ancesta guys! You erytime like beef da Good An Spesho Spirit!

Rules Secon Time 32:20

Da One In Charge tell, “I goin hide my face from dem, An see wat goin happen to dem. Cuz dey one crooked kine peopo. Dey kids dat I no can trus.

Jesus Show 21:8

But da peopo dat no do notting cuz dey sked, da peopo dat no trus God, dat ack pilau kine, dat murda oddas, dat fool aroun somebody, dat do bad kahuna kine stuff, dat go down an pray to da idol kine gods, an erybody dat bulai somebody, dey goin go inside da lava lake dat stay burn wit sulfur. Dass wen dey mahke da secon time.

Jesus Show 22:15

Outside da town get da peopo dat dey jalike dogs, da peopo dat put kahuna on top watevas, da peopo dat fool aroun somebody, da peopo dat like murda oddas, da peopo dat go down an pray to da idol kine gods, an erybody dat like fo bulai peopo.