Isaiah 30:8 - Hawaii Pidgin Bible

⁸ “Now go. Write um fo dem, wat I jus wen tell you On top one flat board, So goin stay. Den da peopo goin know bumbye an foeva Wat I stay tell you now.

Isaiah 30:8 ပူးပေါင်းရင်းမြစ်များ

Isaiah 2:2

Bumbye, wen da world almos pau, God goin make da hill wea da Temple Fo Da One In Charge stay, Come da mos importan place in da whole world, Mo importan den da odda hills. Den all da peopo from odda countries Goin come dea.

Isaiah 34:16

Go find out wat Da One In Charge wen tell his guys fo write. Read um from dat book. Da One In Charge tell dat all dese birds an animals goin show up dea. Boy kine goin come wit his wahine kine, all a dem. Me, Isaiah, I da one wen tell wat Da One In Charge tell dey gotta do, An goin be his Spirit bring dem togedda.

Isaiah 8:1

One time, Da One In Charge tell me, “Go get someting big fo write on top um. Den write wit regula kine alphabets, ‘Dis Fo Maher-Shalal-Hash-Baz.’ (Dat mean, ‘Rip um off an run away fas!’)

Jeremiah 23:20

Wen Da One In Charge come huhu, He goin stay huhu Till he pau do eryting he plan fo do from befo time. You guys goin undastan all dis, Bumbye wen da right time come.”

Jeremiah 30:2

“Dis wat Da One In Charge, da God fo da Israel peopo, tell: Write eryting I wen tell you inside one roll up kine book.

Jeremiah 36:2

“Go get papyrus kine paypa fo make one roll up kine book. Write on top um all da messages I wen give you bout wat goin happen to Israel, Judah, an da odda peopos. Start from da time wen Josiah stay king an wen me start fo talk to you da firs time, till now.

Jeremiah 36:4

So Jeremiah tell Neriah boy Baruk fo come by him. Jeremiah tell Baruk eryting Da One In Charge wen tell him. Baruk write um all on top da papyrus kine paypa.

Jeremiah 48:47

“But bumbye, I goin bring back da Moab peopo So dey no goin be prisonas no moa.” Dass wat Da One In Charge tell. Dass it, fo wat Da One In Charge tell, how he goin punish da Moab peopo.

Jeremiah 51:60

Jeremiah wen write um inside one roll up kine book, bout all da bad kine stuff dat goin happen to da Babylon peopo—he write down eryting, wat goin happen.

Ezekiel 38:16

You goin attack my Israel peopo jalike one cloud dat cova da land. All dis goin happen bumbye, long time from now. Dat time, I goin make you Gog come agains my land, an I goin use you fo make da odda peopos know who me! Cuz dass wen I goin show dem dat I stay good an spesho, da way dey goin see me!

Hosea 3:5

An bumbye da Israel peopo goin come back an try fo know dea God, Da One In Charge, an dea king dat come from King David blood line. Dey goin shake cuz dey sked, an get choke plenny respeck fo me, Da One In Charge. An dat time I goin do plenny good kine stuff fo dem.

Habakkuk 2:2

Den Da One In Charge tell me: “Write down wat I goin show you. Write big alphabets on top flat boards, Fo one messenja guy carry da message An run fo read um to da peopo.

Census 24:14

Kay den, now I goin go back by my peopo. But let me tell you wass good fo you know—I tell wat da Israel peopo goin do to yoa peopo bumbye.”

Rules Secon Time 31:19

“Now you an Joshua, write down dis song fo jus you guys. Den you, Moses, you teach um to da Israel peopo fo dem sing um. Cuz dis song goin tell wat I wen see um do fo judge dem.

Rules Secon Time 31:22

So Moses write dis song dat same day, an teach um to da Israel peopo.

Rules Secon Time 31:29

Cuz fo shua afta I mahke, you guys goin jam up eryting real bad, an make eryting come pilau. You guys goin tell ‘Laytas’ to me an no do wat I tell you guys fo do. An layta, plenny bad kine stuff goin come on top you guys, cuz you guys goin do da kine stuff dass bad, da way Da One In Charge see you guys stay do. You guys goin make him come huhu cuz a da tings you guys make wit yoa hands.”

Rules Secon Time 4:30

Wen all dis kine trouble happen to you guys, an you guys come bum out, bumbye you guys goin come back by yoa God, Da One In Charge, an lissen wat he tell you fo do.

1 Timoty 4:1

God Spirit tell fo real kine dat bumbye befo da world pau some peopo no goin trus da tings we trus. Dey goin stay tight wit odda spirits dat bulai, an trus da stuff da bad kine spirits teach.

2 Peter 3:3

Da firs ting, you gotta undastan dis: befo da world pau, goin get guys dat ony goin make any kine how dey like. An dey goin make fun a da Good Kine Stuff from God.

Jude 1:18

Dey wen tell you guys, “Befo da world goin come pau, goin get guys come fo make fun a da Good Kine Stuff From God. Dey goin do any kine how dey like.”