Isaiah 30:7 - Hawaii Pidgin Bible

⁷ Da Egypt peopo, even if dey try fo kokua da Judah peopo No goin help da Judah peopo notting. Az why I call da Egypt peopo, ‘Da proud fake crocodile Dat ony make plenny noise!’ ”

Isaiah 30:7 ပူးပေါင်းရင်းမြစ်များ

Job 9:13

God no hold back fo come huhu. Even da sea monsta an his helpa guys stay sked An lay down in front God cuz he win ova dem.

Songs 87:4

God tell, “I goin tell Dat even da Egypt peopo An da Babylon peopo Goin know me bumbye. Same ting fo da Filisha An da Tyre peopo, An da Sudan peopo too. I goin tell, ‘Dese peopo, dey get da same rights Jalike da ones dat born Jerusalem.’ ”

Songs 89:10

You da one wen smash Da sea monsta Rahab fo him mahke. You get plenny powa, Fo make da peopo dat stay agains you Run away all ova da place.

Outa Egypt 14:13

Moses tell da peopo, “No sked! Stan right dea an watch. You guys goin see Da One In Charge get you guys outa trouble, an he goin do dat today. You see dose Egypt guys ova dea? From today, you no goin see dem no moa, eva!

Smart Guys 25:19

Wen you get plenny trouble, An you trus one guy Dat like jam you up, Az jalike you gotta eat wit rotten teet O walk wit one broke leg.

Isaiah 10:3

But wat you guys goin do Wen da time come fo God punish you guys? Wen da army guys from far away Wipe you guys out jalike one storm? Wat peopo you guys goin run to Fo dem help you guys? Wea you guys goin leave all yoa rich stuffs Wen you run away?

Isaiah 2:22

No trus da peopo! Da ones dat stay breave da air an stay alive, But wat you can trus dem fo do fo you, aah?! Notting!

Isaiah 20:6

Dat time, da peopo dat stay live hea nea da Judah coast, dey goin tell, ‘Eh, us guys wen trus dose Egypt an Sudan peopo! Us wen run away an go by dem fo dem help us fo get outa da trouble da Assyria king like make fo us. If dat wen come to dem, den how us guys goin get outa dis bad kine stuff?! No way!’ ”

Isaiah 28:12

Jalike he wen tell um befo time, “Dis da place fo res. Da guys dat tired can res ova hea. Dis wea you guys can sleep.” But dey no like lissen.

Isaiah 30:15

But dis message come from Da One In Charge a me, Da One dat stay good an spesho fo da Israel peopo: “Fo you guys get outa trouble, You gotta come back my side, Fo come so notting bodda you. Fo you guys come strong inside, You gotta stay quiet an trus me.” But you guys still no like lissen!

Isaiah 30:5

Erybody dat tell da Pharaoh guy fo help dem Goin come shame. Cuz da Egypt peopo no can do notting good fo dem. Dey no goin help dem, Dey no goin do notting good fo dem. Dey ony goin make da Judah peopo come shame, An make fun a dem!”

Isaiah 36:9

How you guys tink you goin make even one small kine officer from my boss army guys turn aroun an go home, no matta you guys trus da Egypt guys fo give you war wagons an guys fo ride on top da horses?!

Isaiah 51:9

Isaiah tell, “Wake up! Wake up, Da One In Charge! Make ready fo use yoa powa! Wake up, jalike you wen do long time befo time, Da time oua ancesta guys wen live. Dat time, you wen kill da Egypt army guys Wen dey come afta oua ancesta guys, Jalike you wen stab Rahab da dragon, An chop um up!

Isaiah 7:4

Tell Ahaz, ‘Watch out, but stay cool. No sked. Inside yoa heart, no lose fight! Fo shua, dose two kings, Rezin fo da Aram peopo, an Remaliah boy, dey stay all hot an huhu. But dey jalike two small stick inside da fire dat litto mo all burn out, but still yet dey get plenny smoke.

Jeremiah 37:7

“Dis wat Da One In Charge, da God fo da Israel peopo, tell: Da Judah king wen sen you guys by me fo me find out wass goin happen. Tell um dis: ‘You know wat?! Pharaoh army guys, dat wen come outa Egypt fo help you guys, dey goin go back dea land, Egypt side!

Sad Song 3:26

Az good fo wait an stay quiet, Till Da One In Charge get us outa trouble.

Hosea 5:13

“Wen da Efraim peopo an da Judah peopo Wen see dey sick, Den da Efraim peopo wen go Assyria side Fo tell da strong Assyria king help dem. But he no can help you guys. He no can make yoa sores come pau.