Isaiah 30:4 - Hawaii Pidgin Bible

⁴ No matta da Pharaoh guy Get army officer guys north side inside Zoan, An no matta he sen messenja guys south side by Hanes,

Isaiah 30:4 ပူးပေါင်းရင်းမြစ်များ

2 Kings 17:4

But layta, da Assyria king find out dat Hoshea make one plan wit some odda guys fo bulai him. He know az one bulai, cuz he find out Hoshea wen sen messenja guys fo make one deal wit King So, Egypt side. Ery year befo dat, Hoshea wen pay da Assyria king. But dis year, he no pay um no moa. Cuz a dat, Shalmaneser grab Hoshea an put him in prison.

Songs 78:12

God wen do plenny tings In front dea ancesta guys, Tings dat wen make dea jaw drop, Ova dea Egypt side, aroun Zoan town.

Isaiah 19:11

Fo shua, da leada guys fo Zoan town, Egypt side, Dey stupid kine peopo wit attitude! An da mos smart guys, Dey suppose to tell da Pharaoh guy, dea king, Wat fo do, But dey ony tell um stupid kine stuff fo do. So den! How you guys goin tell da Pharaoh guy, “Oua ancesta guys, Dey was smart guys dat know wat fo do erytime, An dey was kings from befo time”?! No way you guys can tell da Pharaoh guy dat!

Isaiah 57:9

You guys, az how you stay make! Jalike dat wahine wen go By da idol kine god Molek An give him olive oil fo one present. She use all diffren kine perfume. She sen her messenja guys far away Fo find new idol kine gods— Even far, like down to da Mahke Peopo Place! An you guys do da same ting.

Jeremiah 43:7

Dey neva lissen Da One In Charge, so dey go da Egypt land, all da way down Tahpanhes town.

Jeremiah 49:14

I hear one message from Da One In Charge, Same time he sen one messenja guy Fo tell da diffren nations dis: “Bring yoa army guys togedda! Make ready fo attack da Edom peopo! Time now fo make war!”

Ezekiel 30:14

I goin wipe out da peopo from da Nile Riva valley makai from Aswan to Memphis town. I goin burn down Zoan town. I goin punish da peopo dat live Thebes town.

Ezekiel 30:18

Da day goin come dark Tahpanhes side wen I broke da powa dat da big head Egypt peopo get. Goin be cloudy all ova Tahpanhes. Da peopo inside da towns aroun dea goin come prisonas.

Hosea 7:16

Dey no turn to me, Da God Dass Mo Importan Den All Da Odda Gods. Dey jalike one bow dat you no can trus fo shoot strait, Dey good fo notting. Dea leadas goin mahke in da war. Cuz dey tell how dey stay piss off wit me. Cuz a dat, erybody inside Egypt Goin make fun a dem.”

Obadiah 1:1

Dis tell wat da Boss, Da One In Charge, show Obadiah bout da Edom peopo dat come from Esau: Us guys wen hear dis Good Kine Stuff from Da One In Charge. Get one messenja guy he wen sen to da nations fo tell dis: “Make ready! We goin fight Edom!”

Census 13:22

Dey go up thru da Negev, an come Hebron town, wea Ahiman, Sheshai, an Talmai live, dat come from Anak. (Da Anak ohana guys wen build Hebron seven year befo somebody wen build Zoan town Egypt side.)