Isaiah 30:30 - Hawaii Pidgin Bible

³⁰ Da One In Charge Goin make peopo hear his awesome voice, An show his strong arm come down Wit plenny powa. Cuz he stay huhu, Jalike da fire dat stay burn up eryting, An da strong wind, rain, An hail dat fall down From da sky jalike rocks.

Isaiah 30:30 ပူးပေါင်းရင်းမြစ်များ

Job 38:22

“You wen go inside da places wea I stash da snow? You wen see da places wea da hail stay?

Job 38:23

I hold um back dea fo wen da trouble come. Fo da time fo war an fo fight.

Job 40:9

You tink you strong jalike me, God, o wat? You tink you can talk strong jalike me an make thunda?

Songs 2:5

But den, he talk to dem, Cuz he huhu. He goin get real mad, An make dem real sked. Dis wat he goin tell:

Songs 46:6

Wen God tell someting, Soun jalike thunda. Da diffren peopos, Dey make plenny noise, cuz dey sked! Dea govmen guys, Dey no can stan up strait! Jalike da groun stay melt unda dem!

Songs 98:1

Sing one new song fo Da One In Charge, Cuz he wen do awesome tings! He da winna, Cuz he get plenny powa, An he no need nobody fo help him, Cuz he spesho!

Outa Egypt 15:16

Dey so much sked an shaking, dey donno wat fo do. Cuz a you, you strong. Dass why dey no move notting. Dey jus stan dea jalike one stone an no talk notting, Till yoa peopo go all da way da odda side, Da One In Charge, Till da peopo go da odda side, Dey da ones you wen free up!

Outa Egypt 9:23

Wen Moses put up his stick fo walk to da sky, Da One In Charge sen thunda an big kine hail. Had fire dat come down on top da groun too, dat time Da One In Charge wen make da big hail come down jalike rain on top da Egypt land.

Outa Egypt 9:24

Da hail real heavy, an get fire dat stay flash one side an da odda side inside da middo a da hail. From da time da Egypt land come one nation, neva get dat kine hail fall down on top dea land.

Isaiah 10:16

Cuz a dat, Da One In Charge, da Boss, da God Ova All Da Armies, He goin make da big Assyria army guys Come sick an skinny, An come mo an mo weak jalike get feva. Fo shua, God goin light one fire Dat goin burn up all da awesome stuff Dat da Assyria king wen get.

Isaiah 10:26

Dat time, Da One In Charge, Da God Ova All Da Armies, Goin bring somebody fo wack da Assyria guys wit one whip, Jalike befo time, wen he let Gideon win Ova da Midian guys at da Oreb Rock. Jalike da time da peopo come outa Egypt, An Moses hold out da stick fo walk Ova da Red Sea.

Isaiah 10:5

God tell: “Bummahs fo you guys! I goin use da Assyria peopo jalike one club fo punish you, Cuz I stay huhu wit you Israel peopo, An I goin make da Assyria guys wack you!

Isaiah 28:2

But you know wat?! My boss get da Assyria army, Dat stay real strong wit plenny powa. Dey stay jalike one rain storm dat fall down wit ice, One real strong wind dat wipe out all da plants, One storm dat make da watta come up all ova da place, Wit plenny powa fo throw down da big town.

Isaiah 29:6

From me, Da One In Charge, Da God Ova All Da Armies, Goin come time fo make eryting come good. Goin get thunda, An da groun goin shake, an get big noise. Goin get strong wind, an storm, An fire dat goin wipe out eryting.

Isaiah 30:29

But you Judah guys goin sing, Jalike you sing Da nite you make spesho fo God Befo one spesho religious kine ceremony. You goin feel real good inside Jalike wen peopo play da flute An go up da hill wea Da One In Charge stay. He jalike one solid Rock fo da Israel peopo.

Isaiah 30:31

Wen Da One In Charge start fo yell, He goin make da Assyria army guys lose fight. Jalike he use his big stick fo wack um.

Isaiah 31:4

Dis da ting Da One In Charge tell me: “Jalike how da lion make noise Wen he catch one sheep, An jalike peopo call plenny sheep guys Fo come help dem catch da lion, But da lion, he no sked dem. He no kea dat dey stay yell, No bodda him dey make big noise. Same ting, wen Da One In Charge, Da God Ova All Da Armies, come, He goin come down an fight, An no sked, jalike da lion, On top da hill wea da Temple stay.

Isaiah 32:19

No matta get hail Dat make all da trees fall down, An all da buildings inside da big town fall down,

Isaiah 33:14

Inside Jerusalem town, Da peopo dat stay do bad kine stuff, Dey stay sked! Da ones dat tink God notting, Dey no can stop shake no moa! Dey talk: ‘No mo nobody from us guys Can live wit da fire dat goin burn us up! No mo nobody from us guys Can live wea da fire goin burn all da time!’

Isaiah 4:6

Dass goin be jalike one place fo shade Wen da sun stay hot, day time, Goin be one place dey can go Fo hide an no get hurt From da storms an da rain.

Isaiah 51:9

Isaiah tell, “Wake up! Wake up, Da One In Charge! Make ready fo use yoa powa! Wake up, jalike you wen do long time befo time, Da time oua ancesta guys wen live. Dat time, you wen kill da Egypt army guys Wen dey come afta oua ancesta guys, Jalike you wen stab Rahab da dragon, An chop um up!

Isaiah 52:10

Da One In Charge goin show how strong him Cuz he good an spesho! An all da peopo inside all da countries, Even da ones inside da mos far places on top da earth, Dey goin see How oua God get his peopo outa trouble!

Isaiah 62:8

Da One In Charge make dis promise Cuz he get da powa fo make um happen: “No mo I goin eva let Da peopo dat stay agains you Take away yoa wheat an barley. I no goin eva let Da peopo from anodda place Drink da new wine You guys wen bus ass fo make.

Isaiah 66:15

Cuz you know wat?! Wen Da One In Charge come, he goin come wit fire! His war wagons goin come Jalike one strong wind storm! He goin come fo pay back Da peopo he stay real huhu wit. He goin bring da big fire Fo tell um no do bad kine tings.

Isaiah 66:16

Da One In Charge goin use da fire an his sword Fo punish all da peopo jalike one judge. Da One In Charge goin wipe out plenny peopo.

Jeremiah 25:32

Dis wat Da One In Charge, da God Ova All Da Armies, tell: “Dis wat I goin do. Bad kine stuff goin happen to one peopo An go from dem to anodda peopo. Jalike one strong storm stay coming From da mos far side a da earth.

Ezekiel 10:5

Can hear da noise from da spesho angel watcha tings wings all da way from da outside open lanai. Soun jalike wen da God Dass Mo Importan Den All Da Odda Gods talk.

Ezekiel 13:13

“Cuz a all dat, Da One In Charge, da Boss, tell dis: Cuz I stay real huhu an tell ‘Laytas’ to wat you guys do, I goin make storm winds, an hail, an da rain dat make flood, come down an wipe you guys out.

Joel 2:5

Dey make noise jalike war wagons Wen dey jump ova da top a da mountains. Dey make noise jalike wen get fire stay burn da dry grass. Dey jalike one strong army line up ready fo fight.

Amos 1:14

Dass why I goin make da Rabbah town wall burn An da fire goin eat up all da palaces dat get strong wall. Goin get war an peopo yelling An fighting jalike one hurricane kine wind storm.

Micah 1:4

Jalike da mountain melt unda him, Jalike da wax melt in front da fire. An jalike da valley bus open, Wen da watta come down da mountain real fas.

Matthew 24:7

Goin get fighting. One country goin start fo fight anodda country. One king goin fight anodda king. Plenny peopo no goin get notting fo eat. Plenny diffren places, da groun goin shake hard plenny.

Luke 1:51

He stay show his powa An stay make da peopo wit big head So dey no can do All da stuff dey like do.

2 Tessalonika 1:8

Goin get one big fire dat time. God goin punish da peopo dat donno him, an no like lissen da Good Stuff Bout Da One In Charge a us guys, dass Jesus.

Joshua 10:10

Da One In Charge make da Amor guys come all jam up wen dey see da Israel guys. Az how Da One In Charge wack da Amor guys real hard Gibeon side. Den he chase um up da road dat go Bet-Horon Pass, an wipe um out all da way to Azekah an Makkedah.

Joshua 10:11

Wen dey stay running away from da Israel guys on top da road dat go down from Bet-Horon to Azekah, Da One In Charge make big kine hail stone come down on top dem from da sky. Mo plenny Amor guys wen mahke from da hail den from da Israel guys swords.

Jesus Show 1:15

His feets look jalike brass metal dat shine wen dey put um inside da real hot fire, an his voice soun like da waves dat poun an make big noise.

Jesus Show 11:19

Den God temple inside da sky come open fo see da Box Fo No Foget Da Deal dat get da Ten Main Rules inside. Den had lightning, an noise, an loud thunda. Da earth shake, an get big hail come down.

1 Samuel 7:10

Same time Samuel stay make da burn up kine sacrifice, da Filisha guys stay come nea fo fight da Israel guys. But right den an dea, Da One In Charge make one loud, big, strong kine thunda fo go agains da Filisha guys, an make dem come real mix up fo dem run away.