Isaiah 30:3 - Hawaii Pidgin Bible

³ “You tink Pharaoh da one goin help you guys? He no can! You tink da Egypt peopo Goin let you guys stay wit dem Fo notting hurt you? Dey still no can, An you goin come shame too!

Isaiah 30:3 ပူးပေါင်းရင်းမြစ်များ

2 Kings 18:21

Wise up! You stay trus da Egypt king, but no can trus him. Da Egypt guys, jalike one small splinta from one bamboo dat get smash, dat poke yoa hand an make you sore if you lean on top um! Az how plenny Pharaoh, da Egypt king, goin help all you guys dat trus him!

Songs 108:12

Go help us guys out, Fo win ova da ones dat stay agains us! Wase time, fo tink Dat odda peopo can get us outa trouble. Ony you can!

Smart Guys 25:19

Wen you get plenny trouble, An you trus one guy Dat like jam you up, Az jalike you gotta eat wit rotten teet O walk wit one broke leg.

Isaiah 20:5

Da Judah peopo dat wen trus da Sudan peopo an talk big bout da Egypt peopo, dey goin lose fight an come shame too.

Isaiah 20:6

Dat time, da peopo dat stay live hea nea da Judah coast, dey goin tell, ‘Eh, us guys wen trus dose Egypt an Sudan peopo! Us wen run away an go by dem fo dem help us fo get outa da trouble da Assyria king like make fo us. If dat wen come to dem, den how us guys goin get outa dis bad kine stuff?! No way!’ ”

Isaiah 36:6

Fo shua, I goin tell you who you stay trus! You trus da Egypt army fo help you. But Pharaoh, dea king, he no goin help you. He jalike one smash up bamboo dat make splintas inside yoa hand wen you lean on top um. Dass how plenny da Pharaoh guy help erybody dat trus him!

Jeremiah 2:36

How come you guys go dis place an dat place all da time, An no make up yoa mind who you like stay tight wit? Da Egypt peopo goin bum you out, Jalike da Assyria guys wen bum you out befo time too.

Jeremiah 42:18

“Cuz dis wat Da One In Charge, da God Ova All Da Armies, da God fo da Israel peopo, tell: ‘Jalike I come huhu an tell “Laytas” to wat da peopo dat wen stay inside Jerusalem do, same ting az how I tell “Laytas” to wat you guys goin do wen you go Egypt side. Peopo goin sing sad songs an cry loud kine bout you guys. Dey goin tink az skery wat happen to you. Dey goin like put kahuna on top you guys, an poin finga you guys an laugh at you. An you guys no goin see dis land no moa.’

Jeremiah 42:22

So now, dis fo shua: You guys goin mahke from da war, from no mo food, an from da real bad kine sick inside Egypt, da place wea you guys figga az one nice place fo go stay!”

Jeremiah 46:25

Da One In Charge, da God Ova All Da Armies, da God fo da Israel peopo, tell: “I stay ready fo punish Amon, da god fo da Thebes peopo, Pharaoh, da Egypt peopo, an dea gods an dea kings. I goin punish da Pharaoh king guy an da peopo dat trus him.

Ezekiel 29:7

Wen da Israel guys lean on you, da suga cane stalk, you broke into plenny splintas an rip open dea armpits cuz dey like use um fo one crutch. Wen da Israel peopo lean on top you guys, you broke, an dey get real bad back pain.

Hosea 10:6

Dey goin take da idol Assyria side Fo make one present fo da importan king ova dea. Da Efraim peopo goin lose face. An all da odda Israel peopo goin come shame too Cuz dey wen trus da idol dey wen make from wood.

Rome 10:11

Jalike da Bible tell, “Whoeva trus God, no way dey come shame, cuz God goin do eryting wat he tell.”

Rome 5:5

Wen us guys stay shua dat God goin do all dis fo us, we no need worry notting. Cuz us guys get da Good An Spesho Spirit God wen give us, dat make us feel inside how plenny love an aloha he get fo us guys.