Isaiah 30:2 - Hawaii Pidgin Bible

² Befo dey go Egypt side, Dey neva aks me firs bout dat. Dey aks da Pharaoh guy fo help dem An let dem stay wit him So notting goin hurt dem.

Isaiah 30:2 ပူးပေါင်းရင်းမြစ်များ

1 Kings 22:7

But Jehoshafat tell, “Ova hea, no mo one talka fo Da One In Charge, fo us find out wat Da One In Charge tink, o wat?”

2 Kings 17:4

But layta, da Assyria king find out dat Hoshea make one plan wit some odda guys fo bulai him. He know az one bulai, cuz he find out Hoshea wen sen messenja guys fo make one deal wit King So, Egypt side. Ery year befo dat, Hoshea wen pay da Assyria king. But dis year, he no pay um no moa. Cuz a dat, Shalmaneser grab Hoshea an put him in prison.

2 Kings 18:21

Wise up! You stay trus da Egypt king, but no can trus him. Da Egypt guys, jalike one small splinta from one bamboo dat get smash, dat poke yoa hand an make you sore if you lean on top um! Az how plenny Pharaoh, da Egypt king, goin help all you guys dat trus him!

Isaiah 16:3

Dey like tell da Judah leada guys: “Make jalike one judge An tell us guys wat fo do! Noon time, wen da sun stay high, Make yoa shadow dark jalike nite time, Fo hide us guys dat stay run away, An no let nobody know wea we stay!

Isaiah 18:1

Bummahs! fo da peopo inside da land Wea da bugs stay dat make noise wit dea wings all da time, Dat land mo far from hea den Sudan, Wea da big rivas come togedda.

Isaiah 36:6

Fo shua, I goin tell you who you stay trus! You trus da Egypt army fo help you. But Pharaoh, dea king, he no goin help you. He jalike one smash up bamboo dat make splintas inside yoa hand wen you lean on top um. Dass how plenny da Pharaoh guy help erybody dat trus him!

Isaiah 36:9

How you guys tink you goin make even one small kine officer from my boss army guys turn aroun an go home, no matta you guys trus da Egypt guys fo give you war wagons an guys fo ride on top da horses?!

Isaiah 8:19

Peopo goin tell you, “Go by da wahines dat talk to da mahke peopo, an da guys dat know da kine spirit dat wispa an make small kine noise you no can undastan. Aks dem fo tell you wat goin happen bumbye.” But, eh! Mo betta da peopo go aks dea God wat goin happen, aah?! No make sense talk to da mahke peopo, an tink dat goin help da guys dat stay alive!

Jeremiah 2:18

So now, how come you guys like get yoa powa from Egypt? You guys like drink watta from da Nile Riva, o wat?! An now, how come you guys like get yoa powa from Assyria? You like drink watta from da Eufrates Riva, o wat?!

Jeremiah 21:2

Dey tell um, “Try find out fo us guys from Da One In Charge, wass goin happen now. Cuz Nebukadnezzar, da king fo Babylon, stay make war wit us guys. Maybe Da One In Charge goin do someting fo help us guys, jalike da awesome kine stuff he wen do befo time. We like see Nebukadnezzar go home an no make trouble fo us guys!”

Jeremiah 37:5

Da army fo da Egypt king, da Pharaoh guy, wen come outa Egypt. Wen da Babylon army guys dat stay all aroun Jerusalem town hear bout da Egypt guys, dey leave Jerusalem.

Jeremiah 42:14

den maybe you guys tink: ‘Mo betta we go live inside Egypt! Cuz ova dea no mo war! No goin hear da war trumpets, an no goin stay wit no mo food.’

Jeremiah 42:2

dey go by Jeremiah, da guy dat talk fo God. Dey tell um, “Us guys get one real importan ting we like aks you fo do! We like you fo pray to yoa God, Da One In Charge, fo us guys, fo help all us an oua peopo dat stay still yet inside da land. Cuz how stay fo us, we ony litto bit peopo now. Befo time, we wen come plenny peopo, but dass not how stay now.

Jeremiah 42:20

Cuz you guys wen make how you tink come all hamajang, da time you guys come by me an tell me fo go by yoa God, Da One In Charge, an tell, ‘Pray fo us guys to oua God, dass Da One In Charge a us. Tell us eryting he tell you, an we goin do um!’

Jeremiah 43:7

Dey neva lissen Da One In Charge, so dey go da Egypt land, all da way down Tahpanhes town.

Sad Song 4:20

Da leada guy dat Da One In Charge wen pick, dat make us guys stay alive, Dey wen catch him inside dea traps. Us wen tink us goin be one nation Wit him fo da main guy.

Hosea 7:13

“Bummahs fo dose guys Dat wen bag from me! Dey goin get wipe out, Cuz dey wen go fight agains me. I stay ready fo buy dem back, But dey bulai bout me.

Hosea 8:10

No matta dey sell dea body to odda peopos, Now I goin bring dem back togedda Fo punish dem. Dey goin start fo come weak Cuz one strong king an his leada guys Goin put presha on dem.

Hosea 8:9

Cuz da Israel peopo ack jalike one wild donkey dat go look fo one wahine donkey. Az how dey wen go Assyria side. Jalike da Israel peopo sell dea body To da guys dat pay fo fool aroun dem.

Census 27:21

Joshua goin stan in front Eleazar da pries guy. Eleazar goin use da Urim in front me, Da One In Charge, fo aks me wat I tell Joshua gotta do. Wen Joshua tell dem, him an all da Israel peopo goin go outside togedda, an wen Joshua tell dem, dey all goin come back inside togedda.”

Rules Secon Time 28:68

Da One In Charge goin sen you guys back Egypt side inside boats wit sail, no matta I wen tell you guys dat you no goin go dat way one mo time, eva. Ova dea you guys an wahines goin try fo make da peopo dat stay agains you guys buy you fo come dea slaves. But nobody goin like buy you guys.”

Joshua 9:14

So da Israel guys eat litto bit a dea food. But dey no aks Da One In Charge fo tell um wat fo do.

Local Leadas 9:15

“Da thorn plant tell da trees, ‘If az true, dat you guys like pick me fo come da king fo you guys, come unda my shade fo me proteck you. But if you no like, den I like da fire come outa dis thorn plant, an burn up da big cedar trees inside Lebanon!’ ”