Isaiah 30:18 - Hawaii Pidgin Bible

¹⁸ Dass how come Da One In Charge stay wait, Cuz he stay ready fo do good tings fo you guys. He goin stan up Fo show you guys pity an love. Cuz Da One In Charge, he da kine god Dat judge da right way erytime. An all da peopo dat stay wait fo him, Dey can stay good inside.

Isaiah 30:18 ပူးပေါင်းရင်းမြစ်များ

Job 35:14

“Az why, Job, even mo God no goin lissen, Wen you tell dat you no can see him! An he da judge dat goin tell if you right o wrong, An you gotta wait fo him.

Songs 2:12

Go down in front da king An show respeck. Cuz if you guys no like do dis, Watch out! Cuz if you make him come huhu Even litto bit, Right den an dea, you guys Goin come wipe out, Cuz he come huhu real quick! But all da peopo dat let God Take kea dem, Dey stay good inside.

Songs 27:14

Eh erybody! Try wait! Da One In Charge goin take kea you! No lose fight, an no come sked notting! Wait fo Da One In Charge take kea you!

Songs 34:8

Go check out Da One In Charge! You, find out fo real kine How good he stay! Anybody dat let Da One In Charge Hide dem from trouble, Dey stay good inside!

Songs 84:12

Eh! You Da One In Charge! You da Boss Ova All Da Armies! Erybody dat stay trus you, Dey stay good inside!

Songs 99:4

Eh God! You da strong king. You get love an aloha Fo whoeva do da right ting! You da One dat tell Wass da bestes way fo da Israel peopo An you set up da rules fo dem, How fo do wass right.

Outa Egypt 34:6

Den Da One In Charge pass by in front Moses. He talk strong an tell: “Da One In Charge! Dass me! I one God dat get pity fo peopo, An I like do good tings fo peopo! I slow fo get mad. I stay tight wit my peopo plenny, An I do wat I tell I goin do erytime.

Smart Guys 16:20

Anybody lissen real good To da guys dat know wat fo do erytime, Dey goin come out okay. Anybody stay trus Da One In Charge, Dey can stay good inside.

Isaiah 18:4

Dis da ting Da One In Charge tell me: “I goin look down from wea I stay, But I goin stay quiet, Jalike da hot air look jalike stay move wit da light, But no mo noise notting, An jalike da watta dat stay on top da grass make one cloud Wen come real hot wen dey cut da plants, But stay quiet.

Isaiah 2:11

Anybody dat get real high nose, Dey goin come shame. Anybody ack real high makamaka, Dey goin come notting. Dat time, Da One In Charge da ony One Da peopo goin talk good bout.

Isaiah 2:17

Anybody stay get real high nose, Dey goin come notting. Anybody ack real high makamaka, Dey goin come shame. Dat time, Da One In Charge da ony One Da peopo goin talk good bout.

Isaiah 25:9

Dat time, peopo goin tell, “Eh! Dis, oua God, fo shua! We wen trus him, An he wen get us outa trouble! Dis Da One In Charge, da One we trus. Now, us guys can dance an sing, An stay feel real good inside Cuz he wen do dat.

Isaiah 28:17

Fo tes you Jerusalem peopo, I goin look fo see if you stay judge da right way An if you do wass pono erytime, Jalike da builda guys use one strong string Fo measure tings, An dey pull anodda string Fo check out if da building stay strait. You guys tink you can bulai da Assyria army guys Fo dem no hurt you. You tink you get one place fo hide Wen da army guys come Jalike da big watta. But no way you can bulai dem! No mo no place you can hide!

Isaiah 33:2

Eh! You Da One In Charge! We like you do good tings fo us guys. We stay wait fo you help us. Ery morning, you da One make us strong, Da One get us outa trouble, Erytime we get hard time.

Isaiah 33:5

Da One In Charge, he da greates! He live high on top da mos importan place! All ova Jerusalem town He goin make shua da judge guys judge da right way An da peopo do right kine tings.

Isaiah 40:31

But da peopo dat wait fo Da One In Charge help dem, Dey goin change fo dem come mo strong still yet. Dey goin fly up jalike da eagle Wit dea wide wing. Dey goin run an no come tired. Dey goin walk an no come wore out.”

Isaiah 42:14

Da One In Charge tell, “From long time I no say notting. I stay quiet an no talk. But now, time fo me talk strong, Jalike one wahine wen she born one bebe, An she make plenny noise, An breave hard, jalike no can get enuff air.

Isaiah 42:16

I goin take da guys dat no can see On top one road dey neva know befoa. I goin show um wea fo go No matta dey donno da way. No matta stay dark all aroun dem, I goin shine light come in front dem. I goin make da rough kine place come smooth. All dese tings, I goin do um. I no goin leave dem.

Isaiah 48:9

Cuz I like peopo know wat kine god me, An I like dem tell good tings bout me, I goin wait an no come huhu yet. I goin hold back An no cut you guys off from me.

Isaiah 5:16

But Da One In Charge, Da God Ova All Da Armies, Cuz he stay judge da right way, Peopo goin know how big him! Him, da God dat stay good an spesho! Peopo goin know how spesho he stay Cuz he do da right ting erytime!

Isaiah 55:8

Da One In Charge tell dis: “Da way I tink, az not da way you guys tink. Da way I do stuff, az not da way you guys do stuff.

Isaiah 57:16

Cuz no goin be foeva, Dat I poin finga peopo an stay huhu. Az cuz if I wen stay lidat, Den peopo spirits wen come weak wen dey see me— No matta me da One wen make dem breave.

Isaiah 61:8

Cuz me, Da One In Charge, Wen peopo judge da right way Dat make me feel good inside! Wen peopo steal stuff cuz dey bad, I no like dat. Dey can trus me fo do wat I tell I goin do. I goin give dem wat dey wen work fo, An make one deal wit dem dat stay foeva.

Isaiah 64:4

From da time eryting start, Nobody eva hear o see Some odda god dat do awesome stuff Fo da peopo dat stay wait fo him. You da ony God can make lidat.

Isaiah 8:17

Az why I goin wait, cuz I stay shua Da One In Charge goin come. Right now, he stay cova his face so da Jacob ohana peopo no can see him. But me, I goin stay wait fo him.

Jeremiah 17:7

“But fo da guys dat trus me, Da One In Charge, An stay shua I goin do wat I tell um I goin do, I goin do good kine stuff fo dem.

Jeremiah 42:7

Ten days afta dat, one message come fo Jeremiah from Da One In Charge.

Daniel 12:12

But da peopo dat can wait, an hang in dea till da end a da 1,335 days, dey goin stay good inside!

Hosea 1:7

Mo betta, I goin show pity fo da Judah ohana, an I goin get dem outa trouble. But I no goin do dat wit bows an arrows, o swords, o war, o wit da guys dat ride da horses. I dea God, Da One In Charge, so I no goin need all dat fo me get um outa trouble.”

Hosea 2:14

“Az why bumbye I goin make her like fo go wit me. I goin lead her back inside da boonies, An talk nice to her.

Hosea 5:15

Den I goin go back my place, Till dey know dat dey da ones get da blame. Den dey goin turn to me. Cuz dey get trouble, dey goin try real hard fo come tight wit me.”

Malakai 2:17

You guys, you talk too much, you make Da One In Charge real tired! An you tell, “How us guys make God tired?” Az cuz you tell, weneva you do bad kine stuff, Da One In Charge tink you good, an he stay good inside cuz a wat you do. Az why you guys tell, “You tink God goin judge us? No way!”

Luke 15:20

Den he hele from dat place an go back by his faddah. “He still far from da house wen his faddah spock him. His faddah heart stay fill wit pity an he run to his boy. He hug his boy an kiss him.

Luke 2:25

Dat time get one guy Simeon inside Jerusalem. He one guy dat erytime do da right ting an pray. He stay wait fo da One dat goin kokua da Israel peopo. An da Good An Spesho Spirit stay in charge a him.

Jesus Guys 5:31

God take Jesus by him, an make Jesus sit by da importan place by his right side, cuz he da Main Leada, an he da One dat take us outa da bad kine stuff we do. He da One goin help da Israel peopo come sorry fo all da bad kine stuff dey do. He goin let um go an hemo dea shame.

Rome 5:20

God give us his Rules so erybody know how real bad da bad kine stuff stay. But wen you get peopo do bad kine stuff mo an moa, God do mo an mo plenny good kine stuff.

Rome 9:22

Same ting wit God. He like show erybody dat he had it wit da stuff da peopo like do. He like make shua erybody know he get plenny powa. Fo show dat, fo one long time he take any kine stuff da peopo do—da kine stuff he no like take. But dose peopo dat make lidat, fo shua dey goin get wipe out bumbye.

Efesus 1:6

God like his kids fo tell how awesome all da good kine tings he stay do fo us. God do good tings fo us cuz we stay tight wit Christ, an God get plenny love an aloha fo Christ.

Efesus 1:8

God erytime go all out fo us guys. He know how eryting stay, an he know da right tings fo do.

Rules Secon Time 32:4

God, he jalike one big stone. Wateva he do erytime stay perfeck. Eryting he do stay right. He da God dat do wat he tell he goin do. He no do notting wrong. He ony do tings dass good an right.

James 5:11

You know wat? Wen we tink bout da peopo dat suffa an no give up, we tell, dey can stay good inside. You no foget da guy Job dat da Bible tell bout? He wen suffa plenny, but he neva give up. An bumbye Da One In Charge wen make eryting good. Cuz Da One In Charge feel pity fo us guys, an give us chance.

2 Peter 3:15

Da One In Charge a us guys, he stay hang in dea fo give you guys chance fo come outa da bad kine stuff you stay in. Oua good fren, braddah Paul, he wen write you guys da same ting, aah? God wen make him know wat fo do erytime. Az why he write lidat.

2 Peter 3:9

Da One In Charge, garans he goin do wat he wen promise fo do. Get peopo, dey tink he real slow, but he not! Hang in dea an wait fo peopo, dat no bodda him. He like erybody fo come sorry an no do all da bad kine stuff no moa. He no like nobody get cut off from him!

1 Samuel 2:3

“Eh you guys! Shut yoa mout! No talk like you get big head awready! Cut da pilau attitude, aah?! Cuz Da One In Charge, he da God dat know eryting. An he da One dat figga out awready If da work somebody do, stay good o no good!