Isaiah 3:3 - Hawaii Pidgin Bible

³ All da army captains, All da odda kine importan peopo, All da akamai guys dat tell da peopo wat fo do, All da guys dat get da smarts fo make real nice tings wit dea hands, An all da guys dat undastan how fo make magic.

Isaiah 3:3 ပူးပေါင်းရင်းမြစ်များ

Job 22:8

Jalike peopo tell: ‘Anybody get powa, dey own da land, Dass wea da importan peopo live.’

Outa Egypt 18:21

Same time, from all da peopo, go find an pick guys dat can handle dis job. Pick da kine dat stay sked weneva dey stay in front God cuz dey get awesome respeck fo him. Dey gotta be da kine guys you can trus, an dat no goin make any kine jus fo get plenny money. Make some a dem da main leada guys fo tousan peopo, an odda ones da main leada guys fo hundred peopo, fifty peopo, an ten peopo.

Outa Egypt 4:10

Moses tell Da One In Charge, “Eh! Da One In Charge, try help me! I not da kine guy fo know how fo talk real good. From small kid time till now, you stay tell stuff to me, yoa worka guy. But still yet, fo me, az hard fo talk, an I no can talk real good. You know wat I mean?”

Isaiah 3:2

He goin wipe out all da real spesho army guys an da regula army guys, All da judges an da guys dat talk fo God, All da guys dat can tell wass goin happen bumbye, All da older leadas,

Isaiah 3:4

He goin take young guys an make dem dea leadas. Guys dat stay make any kine, dey goin take charge a da peopo.

Isaiah 5:13

Dass why my peopo goin come prisonas An go anodda land, Cuz dey donno notting. Dea importan peopo goin mahke Cuz dey no mo food fo eat, Da odda peopo goin mahke Cuz dey no mo notting fo drink.

Isaiah 9:15

(You know, dea older leadas an da ones dey get respeck fo, Dey jalike da head. Da guys dat tell dey talk fo God, but dey bulai peopo wen dey teach, Dey jalike da tail.)

Rules Secon Time 1:15

“Den I take da leada guys from yoa ohanas, guys dat know wat fo do erytime an you guys get respeck fo dem. I make dem stay in charge a you guys. Some a dem stay in charge a one tousan peopo, some in charge a one hundred peopo, some in charge a fifty, an some in charge a ten. Dey da main guys fo all da twelve ohanas.

Local Leadas 8:18

Den he aks Zebah an Zalmunna, “Wat kine guys you wen kill Mount Tabor side?” Dey tell um, “Guys jalike you, dat look jalike dey one king kids.”

1 Samuel 8:12

He goin pick some a yoa boys an make dem his officer guys in charge a tousan army guys, an some in charge a fifty army guys. He goin tell some a yoa odda boys fo plow his fields fo him an harves his wheat an barley. An, he goin tell yoa odda boys fo make da tings da army guys use fo fight, an make stuff fo his war wagons.