Isaiah 3:24 - Hawaii Pidgin Bible

²⁴ “Now dey get perfume, But den dey goin smell haunas. Now dey get one fancy kine cloth aroun da wais, But layta dey goin get ony one rope. Now dey get nice style hair, But den dey goin come bolohead. Now dey get fancy kine clotheses, But den dey get ony burmbag clotheses. Now dey nice looking, But den dey get burn scar all ova dem.

Isaiah 3:24 ပူးပေါင်းရင်းမြစ်များ

Esther 2:12

Befo one wahine turn come fo go inside sleep wit King Xerxes, dey gotta stay twelve month wit da palace wahines dat make da young wahines come mo good looking. Dass six month wit myrrh oil, an six month wit odda perfume an fo put makeup on dea face.

Job 16:15

“I wen sew burmbag cloth ova my scabby skin Fo make um stay dea long time. I bury my face inside da dirt, Fo show I stay all wipe out.

Smart Guys 31:24

She make da fancy kine linen cloth fo sell An belts fo da store guys fo sell.

Smart Guys 7:17

I wen make my couch smell nice. I wen use myrrh, aloe, an cinnamon kine perfume.

Isaiah 15:2

Da Moab peopo go up to dea temple, An da Dibon peopo go up da sacrifice place on top da hill Fo cry. Cuz Nebo an Medeba stay bus up, Da Moab peopo yell plenny. Dey cut off dea hair an all dea beard Fo show dey stay sad inside.

Isaiah 15:3

Inside da street, da peopo tie burmbag cloth aroun dea wais Fo show dey stay sad inside. On top da flat roof, an inside da street, Erybody stay cry an yell plenny.

Isaiah 22:12

My boss, Da One In Charge, Da God Ova All Da Armies, He goin call you dat time Fo cry an stay sad inside, Fo pull out yoa hair, An put on burmbag kine clotheses, Fo show you stay sad inside.

Isaiah 3:23

Da mirrors, da linen undawears, Da fancy kine cloth on top dea head, an da shawls.

Isaiah 4:4

My boss goin clean up All da pilau kine stuff da Jerusalem wahines wen do. Jalike he goin wash clean da Jerusalem peopo Cuz dey wen make plenny oddas bleed an mahke. His Spirit goin be dea judge An jalike wit one fire, he goin clean out all da bad kine stuff.

Isaiah 57:9

You guys, az how you stay make! Jalike dat wahine wen go By da idol kine god Molek An give him olive oil fo one present. She use all diffren kine perfume. She sen her messenja guys far away Fo find new idol kine gods— Even far, like down to da Mahke Peopo Place! An you guys do da same ting.

Jeremiah 4:8

So, you guys betta put on burmbag kine clotheses, Fo show you guys stay sad inside an crying, Cuz Da One In Charge stay real huhu wit us guys. An he still yet stay huhu!”

Jeremiah 48:37

Fo show dey stay sad inside, Erybody shave dea head fo make bolohead, An cut off dea beard too. Dey all cut dea hands fo make um bleed. An tie burmbag cloth aroun dea wais.

Jeremiah 49:3

“You Heshbon peopo, yell real loud Cuz you stay real sore inside Cuz Ai town stay all bus up! Yell, you small towns aroun Rabbah! Put on burmbag kine clotheses An cry jalike fo one funeral Fo show you stay all bum out! Cut yoa body fo make um bleed An run all ova da place Inside yoa town wall, Jalike you donno wea fo go! Az cuz da army guys dat goin come Goin make yoa god Molek dea prisona, An take away his pries guys an leada guys anodda land.

Jeremiah 6:26

My peopo, you betta put on burmbag kine clotheses An lay down on top da ashes fo show you stay sad inside! Stay sore inside an cry plenny, Jalike yoa ony boy wen mahke! Cuz wen you tink dey no stay come, Da army guys dat goin wipe us out goin come!”

Sad Song 2:10

Da older leadas fo Jerusalem sit on top da groun, an no talk. Dey sprinkle dirt on top dea heads. An dey wear burmbag clotheses fo show dey stay sad. Da young wahines from Jerusalem lay on da groun an put dea face in da dirt, Fo show dey stay sad inside.

Ezekiel 27:31

Dey goin pull out dea hair from all ova dea head Fo show dey stay sad inside cuz a you Tyre guys. Dey goin wear burmbag kine clotheses. Dey goin cry an stay sad An come real sore inside.

Ezekiel 7:18

Dey goin put on burmbag kine clotheses an dey goin shake all ova. You look dea face, can tell dey all shame. Dey goin shave bolohead fo show dey sore inside.

Joel 1:8

Cry cuz you stay sad inside, Jalike one bride, Dat gotta put on burmbag clotheses Fo show she stay sad inside, Cuz da guy she goin marry, he mahke.

Prieses 26:16

If you guys make lidat, den fo shua I goin do dis to you guys: Right den an dea I goin make you guys come real sked. I goin give you guys da kine sick dat you no goin come good, an wit fever dat goin make you guys eyes come so you no can see, an make you guys weak, an den you goin mahke. You guys goin plant seed fo notting, cuz da peopo dat stay agains you guys goin eat da food dat grow dea.

Amos 8:10

Wen you guys make one religious kine ceremony dat make you feel good, I goin change um an make you guys come sad. Wen you guys sing, I goin make you guys sing one sad kine song. I goin make erybody stay sad inside An wear burmbag kine cloth An shave bolohead fo show dey stay sad inside. Goin be jalike wen da faddah-muddah guys come sad Cuz dea one an ony boy mahke. Dat time, goin be jalike eryting taste real bad, till da end.”

Micah 1:16

Shave off yoa hair an come bolohead Fo show you guys stay sad inside. Cuz da kids dat you guys get plenny love an aloha fo, Da army guys goin make dem prisonas An take dem away. So come bolohead jalike one scavenja bird!”

Rules Secon Time 28:22

He goin give you guys one real bad kine sick. You guys goin get high fever an swell up. He goin make da land real hot, an no mo rain. He goin make da plants dry up from da sick an from mildew. Da sick goin stay till you guys mahke.

Rules Secon Time 32:24

I goin make dem come skinny Cuz dey no goin get food. Dey goin get one real bad kine sick Dat make dem feel jalike da sick stay eat um up. I goin make um feel real bad Befo I wipe um out! I goin tell da wild animals fo bite dem, An sen da poison kine snake Dat crawl aroun on top da dirt.

1 Peter 3:3

Da good looks you get not suppose to come from wat you look jalike outside, wen you make da fancy kine hairdo, an put on da gold kine jewelry o da fancy kine clotheses.

Jesus Show 11:3

“Goin get two guys. I goin give dem da powa fo talk fo me fo all dat time. Dey goin put on burmbag kine clotheses fo show dat dey stay cry inside.”

Jesus Show 16:9

Dey get burn plenny cuz da sun real hot. Dey talk bad bout God, cuz he get da powa fo make dem suffa plenny. But still yet, dey no like change an come sorry fo da bad kine stuff dey do, an dey no like talk good bout God.

Jesus Show 18:9

Az why da kings from all ova da world dat wen fool aroun wit da Babylon peopo, an dat wen do any kine bad kine stuff wit dem, dey goin see da smoke from da fire dat stay burn dat town. Dey goin cry an come sad inside.