Isaiah 3:23 - Hawaii Pidgin Bible

²³ Da mirrors, da linen undawears, Da fancy kine cloth on top dea head, an da shawls.

Isaiah 3:23 ပူးပေါင်းရင်းမြစ်များ

Start 24:65

She tell da luna guy, “Eh, dat guy ova dea inside da open country, da one dat stay walk dis way, who him?” Da luna tell, “Him, my boss.” Den Rebecca take one piece cloth an hide her face fo show respeck fo da guy dat goin come her husban.

Start 41:42

Den Pharaoh take da ring he use fo stamp da govmen paypas from his finga an he put um on top Joseph finga. He give um fancy linen kine clotheses fo wear, an he put one gold chain aroun Joseph neck.

1 Records 15:27

David, he get one linen kine robe wrap aroun him, an all da Levi guys dat carry da Box wear um too, an da guys dat sing, an Kenaniah, dat lead all da guys dat sing. An David wear one white linen pries kine ves too.

Outa Egypt 38:8

Bezalel dem make da watta tank an da stan. Dey use da bronze mirrors dey get from da wahines dat work jus outside da door in front da Tent Fo Come Togedda Wit God.

Love Song 5:7

Da guys dat guard da town wen find me Wen dey stay go aroun check up da town. Dey wack me. Dey bruise me. An dey grab my coat an take um away, Dass da guys dat guard da walls.

Isaiah 3:22

Da fancy kine clotheses, coats, da purses,

Isaiah 3:24

“Now dey get perfume, But den dey goin smell haunas. Now dey get one fancy kine cloth aroun da wais, But layta dey goin get ony one rope. Now dey get nice style hair, But den dey goin come bolohead. Now dey get fancy kine clotheses, But den dey get ony burmbag clotheses. Now dey nice looking, But den dey get burn scar all ova dem.

Isaiah 47:2

You Babylon guys goin be Jalike one wahine dat gotta sit down By da big heavy stone Fo grind da wheat jalike one slave Fo make flour, O one wahine dat gotta take off her head cloth An lif up her skirt so no come wet Wen she go across one stream.

Ezekiel 16:10

I put one embroida kine dress on top you, an give you ledda slippas fo yoa feets. I give you da bestes kine linen clotheses fo wear—clotheses dat cost plenny.

Zekariah 3:5

Den I tell, “Wrap one clean cloth aroun his head, aah?” So dey give um da bestes kine clotheses fo put on, an put one clean cloth wrap aroun his head. Da angel messenja guy from Da One In Charge stay stan dea.

Luke 16:19

Jesus tell, “One time had one rich guy dat wear da rich kine clotheses an he live jalike one king.

Jesus Show 19:14

All da army guys inside da sky stay go wit him. Dey stay ride on top white horses, an dey wear da fancy linen kine clotheses dat stay white an clean.

Jesus Show 19:8

God give da bride fancy linen kine clotheses fo wear, dat stay white an clean. (Da kine white an clean linen clotheses mean, all da good an right tings dat da peopo dat stay spesho fo God do.)

Ruth 3:15

He tell Ruth, “Go come! Bring yoa shawl ova hea an hold um out.” He dump wheat inside da shawl six times, an help put um on top her back fo take home. An den Boaz go back Betlehem town too.