Isaiah 3:16 - Hawaii Pidgin Bible

¹⁶ Anodda time, Da One In Charge tell dis: “Cuz da wahines inside Jerusalem, Dey ack high makamaka, Dey walk an hold up dea neck sexy kine. Dey check out guys wit dea eye. Dey walk jalike dey fashion models. Dey wear jangly kine jewel on top dea feets an ankles.

Isaiah 3:16 ပူးပေါင်းရင်းမြစ်များ

Smart Guys 16:18

You ack big head, Den, you goin come wipe out. You tink high makamaka kine, Den, you goin fall down.

Smart Guys 21:4

Watevas da bad kine peopo do, Az bad. Dey ack high makamaka, An tink dey can do wateva dey like do.

Smart Guys 30:13

Dey da kine peopo Dat ack jalike dey mo betta den erybody. Az why wen dey look at you, dey ack jalike you notting.

Love Song 3:11

Come out, all you Jerusalem wahines! Come look King Solomon wit da crown on top his head! Az da crown his muddah wen put on top his head, Da day he marry his wife, An he stay real good inside.

Isaiah 1:8

My big town dea Jalike one shack in da middo a one grape field, An jalike fo guard one cucumba field, Jalike one big town wit army guys all aroun, Get ready fo bus up da town.

Isaiah 24:4

Da world, jalike stay sad inside, an all dry up. Ery place peopo live, jalike dey stay tired, an all dry up. Da big name peopo, jalike dey all tired too.

Isaiah 3:1

Den Isaiah tell, “Look! Da Boss, Da One In Charge, Da God Ova All Da Armies, He goin take away all da stuff From da peopo inside Jerusalem an Judah, All da stuff dey need fo take kea dem, All da food fo eat an da watta fo drink.

Isaiah 3:17

I goin put sore all ova dea head. I goin make all da Jerusalem wahines come bolohead.”

Isaiah 3:18

Den Isaiah tell, “Dat time, my Boss goin grab All da fancy kine stuff dey get An throw um away, All da jangly kine jewel on top dea feets an ankles An da bands fo put aroun dea heads, An dea moon kine necklaces,

Isaiah 3:4

He goin take young guys an make dem dea leadas. Guys dat stay make any kine, dey goin take charge a da peopo.

Isaiah 4:4

My boss goin clean up All da pilau kine stuff da Jerusalem wahines wen do. Jalike he goin wash clean da Jerusalem peopo Cuz dey wen make plenny oddas bleed an mahke. His Spirit goin be dea judge An jalike wit one fire, he goin clean out all da bad kine stuff.

Zefaniah 3:11

Dat time, you guys no goin get shame, Fo all da wrong kine stuff you guys wen do agains me! Cuz den, I goin take away from Jerusalem town All da peopo dat feel good cuz dey get big head. You guys no goin ack high makamaka no moa, On top da hill dat stay spesho fo me.

Matthew 21:5

“Go tell Zion town, Eh, look! Yoa King stay come by you, He make nice kine to erybody, He stay ride on top one donkey, Even one real young donkey.”

Luke 23:28

Jesus turn an tell um, “Sistahs from Jerusalem, no cry fo me. Cry fo you an fo yoa kids.