Isaiah 3:13 - Hawaii Pidgin Bible

¹³ But Da One In Charge, he go in front da court fo make argue. He stan up fo judge da peopo.

Isaiah 3:13 ပူးပေါင်းရင်းမြစ်များ

Songs 12:5

But Da One In Charge, dis wat he tell: “Get peopo dat like wipe out Da peopo dat no mo notting An need plenny stuff. An get peopo dat need somebody Fo take kea dem, an dey moaning. Cuz a dat, I goin do someting! I goin do wateva I gotta do Fo get dem outa trouble, Cuz fo shua, dass wat dey like me fo do!”

Songs 74:22

Stan up an make shua erybody know How come you stay do Wat you stay doing! No foget how da stupid peopo Talk all day fo try Make you come shame.

Songs 82:1

God, he sit on top his throne An all da odda “gods” Come togedda by him Cuz he da One dat judge all dem. He tell:

Isaiah 1:18

Da One In Charge tell: “Come, we go talk togedda bout dis ting. No matta all da bad kine stuff you wen do Look jalike one big red spot now, But dey goin come white jalike da snow. No matta now jalike dey stay dark red, Dey goin come white jalike da wool.

Isaiah 51:22

Dis, one spesho message from Da One In Charge a you guys, From yoa God, da one dat stay help his peopo: “Look! Now I take away yoa trouble. Befo time, I wen make you guys suffa plenny Cuz I stay huhu wit you guys. Jalike I make you guys drink da wine From inside one bowl, An you no can walk good cuz a dat. But you guys no goin get dat kine trouble From me no moa. No way you goin drink from dat wine bowl Again, no moa.

Isaiah 66:16

Da One In Charge goin use da fire an his sword Fo punish all da peopo jalike one judge. Da One In Charge goin wipe out plenny peopo.

Joel 3:12

“Make da nations wake up. Make um go up inside da Jehoshafat Valley, Cuz me, Da One In Charge, I goin sit ova dea, Fo judge all da nations from all aroun dea.

Micah 6:1

Lissen wat Da One In Charge tell: “Stan up in front da Judge! Tell how come you do Wat you wen do! Tell um in front da mountains! Let da hills hear wat you guys tell Bout wat you wen do!

Micah 6:2

“Lissen wat me Da One In Charge tell Fo poin finga my peopo. Let da mountains hear dat. Dey da strong foundations Fo da earth dat stay foeva. Lissen cuz Da One In Charge know How come he poin finga his peopo, Da Israel peopo!