Isaiah 3:12 - Hawaii Pidgin Bible

¹² Da ones dat give my peopo presha, Dey stay ack jalike dey young kids. My peopo get wahines in charge a dem. Lissen, my peopo, Da ones dat tell you guys wea fo go, Dey stay take you guys da wrong way. Dey stay jam up you guys plenny, So you donno wea da right way fo go.

Isaiah 3:12 ပူးပေါင်းရင်းမြစ်များ

2 Kings 11:1

Wen Ataliah, Ahaziah muddah, see dat her boy Ahaziah mahke, she start fo wipe out all da Judah king ohana.

Job 30:13

Dey broke up da trail I use. Dass how dey wen wipe me out. Dey tell, ‘No mo nobody fo help him!’

Smart Guys 28:16

Wen get one leada guy dat no can tink, He ony like put presha Fo peopo give him stuff. But da leada guys dat no take Unda da table kine money, Dey goin live long time.

Teacha 10:16

Bummahs fo you guys inside one country Dat get one guy dass too young fo be yoa king! An yoa prince guys pig out all day from morning time.

Isaiah 19:14

Da One In Charge, him da one wen make da Egypt peopo So dey no can tink strait. Cuz a Da One In Charge, da leada guys make dea peopo Go da wrong way bout eryting dey stay do. Da Egypt peopo, dey jalike one piloot guy Dat stay fall all ova, even in his puke.

Isaiah 3:4

He goin take young guys an make dem dea leadas. Guys dat stay make any kine, dey goin take charge a da peopo.

Isaiah 51:22

Dis, one spesho message from Da One In Charge a you guys, From yoa God, da one dat stay help his peopo: “Look! Now I take away yoa trouble. Befo time, I wen make you guys suffa plenny Cuz I stay huhu wit you guys. Jalike I make you guys drink da wine From inside one bowl, An you no can walk good cuz a dat. But you guys no goin get dat kine trouble From me no moa. No way you goin drink from dat wine bowl Again, no moa.

Jeremiah 5:31

Da guys dat tell dey talk fo God, Wateva dey tell, dey bulai. Da pries guys make da kine rules dey like. An my peopo like fo eryting stay lidat. But how you guys goin handle Wat goin happen cuz a dat, aah?”

Micah 3:5

Dis wat Da One In Charge tell Da bulaia guys dat tell dey talk fo him: “You guys stay lead my peopo wrong way! Wen somebody give dem someting fo eat, Dey tell, ‘Eryting okay!’ But wit whoeva no give dem notting Dey start one war!

Nahum 3:13

Look yoa army guys! Dey weak, jalike da wahines! Da gates inside yoa land, Dey stay wide open fo da guys dat stay agains you come inside! Da fire goin burn up da bars fo lock da gates.

Matthew 15:14

Laytas wit dem awready! Dey jalike one blind guy stay go aroun, an show anodda blind guy wea fo go. Bumbye da two blind guys goin fall down inside one puka.”

Matthew 23:13

Den Jesus tell, “Wassamatta you guys?! You teacha guys dat teach da Rules From God an you Pharisee guys, you guys goin get it! You guys tell one ting an do anodda. You guys shut da door so da peopo no can get God in da sky fo dea King. But you guys no like get him fo yoa King too. An you guys no let da peopo dat like get God fo dea king, get um.