Isaiah 28:9 - Hawaii Pidgin Bible

⁹ Dey stay talk lidis: “Eh! Dis Isaiah guy, who he tink him?! He try fo teach us stuff, An make us guys undastan! How come he stay make to us Jalike us bebes dat jus pau drink milk From dea muddah breas?!

Isaiah 28:9 ပူးပေါင်းရင်းမြစ်များ

Songs 131:2

I make shua notting bodda me Fo me res inside, Jalike one small kid stay quiet Wen he stay wit his muddah. Inside, I feel jalike dat small kid.

Songs 50:17

Cuz weneva I tell you wat you gotta do, You come all piss off. You throw out eryting I tell.

Smart Guys 1:29

Cuz dey piss off dat get stuff dey gotta learn, Dey not sked Da One In Charge, dey make up dea mind awready.

Isaiah 2:3

Den plenny peopos goin go dea an tell, “Come on. We go up da hill wea da Temple stay, Da Temple Fo Da One In Charge, da God Jacob pray to. He goin teach us guys wat he like us fo do, An we goin do um.” Wat Da One In Charge teach goin come from him, From Zion Hill inside Jerusalem town.

Isaiah 28:26

Cuz da God da farma guys pray to Make shua dey know how fo do um, He show um da right way.

Isaiah 30:20

My Boss goin give you guys hard time, Jalike he give you guys Ony bread fo eat an watta fo drink. But den, da guys dat stay teach you, Dey no goin hide from you guys no moa. You goin see dem.

Isaiah 48:17

Dis one spesho message from Da One In Charge. Him, da One dat pay da price Fo get you guys outa trouble. He God, da Spesho One fo da Israel peopo. Dis wat Da One In Charge tell: “Me, Da One In Charge, yoa God. I da One stay teach you guys Wass da bestes kine stuff fo you. I stay show you guys da way fo go.

Isaiah 50:4

Da One In Charge a me, He make me know how fo talk fo him. He make me know wat fo tell da tired guys Fo dem come strong. He wake me up ery day morning time An make me lissen him real good, Jalike da peopo dat study plenny.

Isaiah 53:1

You tink get peopo dat trus Wat dey wen hear from us guys?! No way! You tink Da One In Charge wen show one a dem How strong him?! Not even!

Isaiah 54:13

“Me, Da One In Charge, I da One Goin teach all yoa peopo. I goin make eryting come plenny good fo dem.

Jeremiah 35:13

“Dis wat Da One In Charge, da God Ova All Da Armies, da God fo da Israel peopo, tell: Go tell da Judah guys an da peopo dat live inside Jerusalem, ‘Eh! You guys like learn someting, o wat?! You can learn how fo lissen wat I tell you fo do!

Jeremiah 5:31

Da guys dat tell dey talk fo God, Wateva dey tell, dey bulai. Da pries guys make da kine rules dey like. An my peopo like fo eryting stay lidat. But how you guys goin handle Wat goin happen cuz a dat, aah?”

Jeremiah 6:10

But I tell Da One In Charge: “No mo nobody hea dat I can tell Fo watch out bout dat kine trouble! Nobody goin lissen me! Dea ear no stay open. Az why dey no can hear. Dey ony make deaf ear. Dey tink Da One In Charge stay talk harsh kine to dem, An cuz a dat dey no like hear wat he tell um.

Matthew 11:25

Dat time Jesus tell, “God, you my Faddah. You Da One In Charge all ova da sky an da world. Mahalo plenny, eh, cuz you show dis kine stuff to da kids, but hide um from da smart guys dat know plenny.

Mark 10:15

Dass right! An I like tell you dis too: Da guy dat not jalike one small kid inside, God no goin be his King.”

John 12:38

Jalike da guy Isaiah wen tell, dat talk fo God long time befo time, “Eh Boss! No mo nobody trus wat us guys tell! Wen you show yoa powa, nobody see notting!”

John 3:19

“God wen sen da light inside da world. Da light show erybody how dey stay inside. But da peopo like stick wit da dark an dey hate da light, cuz dey stay do bad kine stuff. Dass why God goin punish da peopo.

1 Peter 2:2

Jalike da bebes dat jus wen born an try fo get da milk, you guys go get da kine stuff dat stay good fo yoa spirit. Dass fo make you guys come mo an mo strong inside erytime, an God still goin take you guys outa da bad kine stuff.