Isaiah 28:7 - Hawaii Pidgin Bible

⁷ But nowdays, even dose guys Fall down cuz dey drink too much wine An no can walk good cuz a da beer! Even da pries guys an da guys dat talk fo God, Dey fall down cuz a da beer An no can figga right cuz a da wine. Wen God like show um someting jalike one dream, Dey no undastan um an dey tell um az wrong Wen dey gotta judge wass right an wass wrong, Dey no can do um, cuz dey stay jam up.

Isaiah 28:7 ပူးပေါင်းရင်းမြစ်များ

Songs 107:27

Dey fall all ova da place An stagga jalike dey piloot. Dey donno wat fo do. No matta dey good sailas, Dat no help um.

Smart Guys 20:1

You drink too much wine, You goin come da kine guy Dat no mo respeck fo nobody Cuz you tink you so smart. You drink too much beer, You goin make plenny noise. Anybody let da booze make um go da wrong way, Dey not da kine peopo dat know wat dey stay do.

Smart Guys 23:30

Da peopo dat suck um up till late, Cuz dey go all ova fo check out Da diffren kine wine wit spice. Dey da ones get hard time.

Teacha 10:17

But you guys can stay good inside If you live inside one country dat get one king dat wen born fo come king, You guys stay good inside cuz yoa prince guys eat at da right time. Dey eat cuz dey like come strong, not piloot.

Isaiah 19:14

Da One In Charge, him da one wen make da Egypt peopo So dey no can tink strait. Cuz a Da One In Charge, da leada guys make dea peopo Go da wrong way bout eryting dey stay do. Da Egypt peopo, dey jalike one piloot guy Dat stay fall all ova, even in his puke.

Isaiah 22:13

But you know wat?! You guys no stay sad inside. You guys dance an sing, An make party, You kill cows an sheeps, Eat da meat an drink da wine. You tell, ‘Eat an drink now, Cuz tomorra, we mahke!’

Isaiah 24:2

Goin be same same fo all a dem, Da pries guys an da regula peopo, Da slave guys an da boss guys, Da worka girl an da lady she work fo, Da guy dat buy stuff an da guy dat sell stuff, Da guy dat lend stuff an da guy dat borrow, Da loan shark guys an da guys dey wen lend um.

Isaiah 24:20

Da earth move dis way an dat way Jalike one guy dat drink plenny An jalike one shack ready fo fall down. Da peopo all ova da world stay go agains God, Dass someting real bad fo dem Dat make um fall down, An dey no can get up no moa.

Isaiah 28:1

Bummahs! Samaria town, Efraim side, Look jalike get one nice haku lei On top a da Samaria hill, Ova one valley wea eryting grow good! But dat lei, jalike da good looking flowas Stay come all dry up now. Az cuz da Efraim peopo get big head An dey stay piloot all da time! Plenny rich stuff come from dat valley, But da peopo from dea ony drink up da wine, Till dey no can even stan up!

Isaiah 29:11

Fo you guys, da tings dat God show Wen come jalike one paypa dat get words on top An somebody roll um up An close um wit one wax kine seal. If you give um to somebody dat know how fo read, An tell um “Read um fo me,” He goin tell, “I no can. Get seal on top um.”

Isaiah 3:12

Da ones dat give my peopo presha, Dey stay ack jalike dey young kids. My peopo get wahines in charge a dem. Lissen, my peopo, Da ones dat tell you guys wea fo go, Dey stay take you guys da wrong way. Dey stay jam up you guys plenny, So you donno wea da right way fo go.

Isaiah 43:27

Even yoa ancesta befo time wen do bad kine stuff. Even yoa guys dat talk fo me wen go agains me.

Isaiah 5:11

“Bummahs! to da guys Dat get up early in da morning Fo go all out fo da booze, Dey stay up late nite time, Till jalike dey stay on fire from da wine.

Isaiah 5:22

“Bummahs! fo da guys dat erytime like drink wine, An da real smart guys fo mix da booze.

Isaiah 5:23

Dat kine guys, wen somebody do wrong kine stuff, Dey give da judge money Fo make um look jalike dey stay do eryting right. But fo da peopo dat stay do da right ting fo real kine, Dey take away dea rights.

Jeremiah 14:14

Den Da One In Charge tell, “Dose guys dat tell dey talk fo me, dey use my name fo bulai you guys! No matta dey tell dey talk fo me, I neva sen dem. I neva tell dem fo talk lidat. I neva even talk to dem! Dey tell dey see dreams dat come from me, but dey bulai! Dey aks da gods fo da odda peopos fo tell um wat goin happen, but all dat, ony wase time! Dey make jalike all da stuff dey tell you guys stay fo real, but dey ony bulai you guys! Dem guys, dey tell all dat stuff to you guys jalike dey stay talking fo me! But dey not.

Jeremiah 23:13

Da One In Charge tell: “Befo time, wit da guys Dat suppose to talk fo me inside Samaria, I wen see dis stupid kine ting— Dey talk fo da idol kine god Baal! Dey make my Israel peopo do wrong kine ting.

Jeremiah 23:16

Dis wat Da One In Charge, da God Ova All Da Armies, tell: “No lissen wat da guys dat suppose to talk fo me tell you guys! Dey like you tink you goin get all kine stuff Dat ony wase time. Dey talk bout dreams dat dey make up. Dey no tell wat Me, Da One In Charge tell.

Sad Song 2:4

Jalike God stay agains us guys, he make his bow ready. His right hand stay ready fo shoot da arrow. He kill erybody dat us guys love da mostes. Cuz he real huhu, jalike he dump fire On top da place wea da Jerusalem peopo live!

Ezekiel 13:7

Fo shua, you guys wen see dreams dat ony fake, an dat da ceremony fo da gods ony one show. No matta you guys tell, ‘Da One In Charge tell dis,’ me, I neva tell notting!

Ezekiel 44:21

Da pries guys betta not drink wine befo dey go inside da inside open lanai.

Hosea 7:5

“Wen oua king make one holiday party, An da prince guys come hot wit wine, Den dey make deals Wit guys dat ack jalike da prince guys junk.

Micah 2:11

If one guy come bulai you guys an tell, ‘I goin tell you guys wat God tell me— You guys goin get plenny wine an beer.’ Dat bulaia kine guy goin be da kine talka guy dat you guys like!”

Habakkuk 2:15

“Bummahs, you guys dat make Da nations aroun you drink yoa wine! You make um come piloot, Fo show um how huhu you stay. Cuz you like look dea naked bodies!

Habakkuk 2:16

You da ones goin lose face! No way wat you do Goin make you guys look awesome! Now az time fo you guys suffa! So drink, an show erybody Dat you no mo da cut skin mark Dat da peopo a Da One In Charge get! Da One In Charge goin use his powa Fo make you drink from his cup. Dat mean you goin get plenny trouble! Befo time, you guys was awesome, but now you shame ony!

Matthew 24:29

“Right afta dat time fo suffa plenny, dis wat goin happen: “ ‘Da sun goin come black. Da moon no goin shine. Da stars goin fall down from da sky. An all da spirits inside da sky dat get plenny powa, Dey goin come all hamajang.’

Luke 21:34

“Watch out! No good you guys come all jam up wit too much partying, getting piloot, an worrying bout all kine stuff. No good Da One In Charge come back, an you guys not ready.

Efesus 5:28

Dass how husbans gotta show love an aloha fo dea wife, jalike da husbans get love an aloha fo dea body. Da guy dat get love an aloha fo his wife show dat he get love an aloha fo him too.