Isaiah 28:4 - Hawaii Pidgin Bible

⁴ Dat town, da army guys goin take um ova An rip off eryting, No matta da place stay look Jalike one nice looking flowa, On top a da Samaria hill, An stay jalike one real nice haku lei Dat stay come all dry up, Ova one valley wea eryting grow good! Dat town, goin be jalike one fruit dat come ripe early An somebody see um, An right den an dea, Dey grab um an eat um.

Isaiah 28:4 ပူးပေါင်းရင်းမြစ်များ

Isaiah 28:1

Bummahs! Samaria town, Efraim side, Look jalike get one nice haku lei On top a da Samaria hill, Ova one valley wea eryting grow good! But dat lei, jalike da good looking flowas Stay come all dry up now. Az cuz da Efraim peopo get big head An dey stay piloot all da time! Plenny rich stuff come from dat valley, But da peopo from dea ony drink up da wine, Till dey no can even stan up!

Isaiah 8:4

Az cuz befo dis small boy learn how fo tell ‘Daddy’ o ‘Mama,’ da Assyria army guys goin steal all da rich kine stuffs inside Damascus town an Samaria town. Dey goin bring um to da king fo Assyria.”

Hosea 13:1

Befo time wen da Efraim ohana leadas talk, Da odda peopo stay sked an shaking. Had importan peopo inside da Efraim ohana. But laytas, da Efraim guys wen go do someting bad, Cuz dey go down in front da Baal gods, Az why dey goin mahke.

Hosea 13:15

No matta da Efraim peopo stay good mo den da odda nations, One wind from me Da One In Charge Goin come from da east side boonies. Goin blow ova hea from da boonies. Ery puka dat get watta goin come dry. Odda peopos goin rip off all dea rich kine stuff.

Hosea 6:4

But Da One In Charge tell, “Wat I goin do wit you Efraim peopo? Wat I goin do wit you Judah peopo? Wen you guys tink you stay tight wit me, Az jalike da mist dat disappea morning time. Jalike da dew dat come early an den go way.

Hosea 9:16

Da Efraim peopo, jalike one grape plant dat no can grow. Dea root come all dry, An no mo fruit. Even if dey born mo kids, I goin kill da kids dey love.”

Micah 7:1

Den Micah tell: “Bummahs! I feel jalike one guy dat like go pick up fruits summa time, Afta da harves guys harves um awready. An I no find grapes fo eat, An no mo early figs dat I plenny ono fo eat.

Nahum 3:12

All yoa strong wall jalike fig trees Dat get dea firs ripe fruit. Wen somebody shake um, Da figs fall down an peopo eat um. Dass how yoa strong wall goin fall down.

Jesus Show 6:13

An da stars fall down from da sky to da earth, jalike da fig kine fruit dat not ripe yet fall down from da tree wen one strong wind shake um real hard.