Isaiah 28:3 - Hawaii Pidgin Bible

³ Dat town look jalike get one nice haku lei on top um. Proud, da piloot guys from Efraim tink bout um. Da ones dat stay agains Samaria goin bus up da town Jalike dey step an smash da nice haku lei.

Isaiah 28:3 ပူးပေါင်းရင်းမြစ်များ

2 Kings 9:33

Jehu tell dem, “Throw her down hea.” So dey throw her down, an some a her blood go all ova da wall an da horses. Den Jehu make da horses walk all ova her mahke body.

Isaiah 25:10

An on top dis same mountain, Jerusalem side, Da One In Charge goin use his powa dea. “But da Moab peopo, Odda peopo goin walk all ova dem, Jalike wen dey make someting fo burn fire, Firs dey throw da doodoo from da animals An straw from da wheat, an watta inside one hole, Den dey step um down good fo mix da mud.

Isaiah 26:6

Da peopo dat get hard time An da peopo dat no mo notting Dey goin jump all ova da place Wea da big town wen stay befo Cuz dey feel good inside.

Isaiah 28:1

Bummahs! Samaria town, Efraim side, Look jalike get one nice haku lei On top a da Samaria hill, Ova one valley wea eryting grow good! But dat lei, jalike da good looking flowas Stay come all dry up now. Az cuz da Efraim peopo get big head An dey stay piloot all da time! Plenny rich stuff come from dat valley, But da peopo from dea ony drink up da wine, Till dey no can even stan up!

Isaiah 28:18

Da deal you guys wen make fo no mahke, No goin be awready! Da promise somebody wen make to you guys Fo no go da Mahke Peopo Place, No goin work! Wen da army guys come thru dis place, No ways you guys even can stan up, Jalike wen da big watta come!

Isaiah 5:11

“Bummahs! to da guys Dat get up early in da morning Fo go all out fo da booze, Dey stay up late nite time, Till jalike dey stay on fire from da wine.

Isaiah 63:3

“He tell: ‘I no smash grapes. I smash da diffren peopos! No mo nobody from dose peopos help me. Ony me! I smash dem cuz I stay huhu wit dem. I real plenny huhu Dat I walk all ova dea bodies. Dea blood shoot out all ova on top my clotheses Jalike juice from da grape, an stain eryting.

Isaiah 9:9

All da peopo dea goin know wat God tell, Da Israel peopo, an da peopo inside Samaria town. But dey come high nose, an get big head. Az why dey talk lidis:

Sad Song 1:15

“Da Boss laugh at all da strong leadas aroun me. He call one army fo fight me, Fo smash my young guys. Da Boss walk all ova da Judah peopo, Jalike he step da grapes fo make wine.

Daniel 8:13

Den I hear two angel guys stay talking dat stay spesho fo God. One a dem tell, “How long gotta wait fo all da stuff in da dream happen? How long gotta wait fo da bad guys stop—da ones dat go agains God an make da Temple come pilau—fo da prieses make da sacrifice da prieses suppose to make ery day? How long da army dat stay agains God goin poun dea feet all ova da Temple an da sky army?”

Hebrews 10:29

Kay den. Get peopo dat make to God Boy jalike he notting, jalike dey spit all ova him. Dey make jalike no mean notting dat Christ wen bleed an mahke cuz he da sacrifice fo dem. Dey even make jalike no matta dass da blood dat God use fo make da New Deal solid, an make dem spesho fo God. Dey talk any kine to da Good An Spesho Spirit dat do plenny good tings fo dem. Cuz a dat, God goin make way mo worse to dem guys den he wen make to da odda peopo dat neva like lissen his Rules befo time.

Jesus Show 11:2

But no go measure da open lanai outside da temple, cuz God let da ones dat not his peopo take ova. Dey goin walk all ova Jerusalem, da town dat stay spesho fo God, fo three an a half year. (Dass 42 month, o 1,260 days, you know.)