Isaiah 28:2 - Hawaii Pidgin Bible

² But you know wat?! My boss get da Assyria army, Dat stay real strong wit plenny powa. Dey stay jalike one rain storm dat fall down wit ice, One real strong wind dat wipe out all da plants, One storm dat make da watta come up all ova da place, Wit plenny powa fo throw down da big town.

Isaiah 28:2 ပူးပေါင်းရင်းမြစ်များ

Job 22:16

You know da big flood grab dem befo da time dey suppose to mahke, Jalike wen da big watta wash away da foundation fo one house.

Isaiah 25:4

I goin tell dat you da greates, Da One In Charge, Cuz you give place Fo da peopo dat no mo notting, fo hide. You, one place fo da peopo Dat need res an help wen dey get trouble. One place fo go inside From da big rain an da hot sun, Cuz wen da mean guys go afta peopo, Feel jalike wen da hard, cold rain Hit agains one wall,

Isaiah 27:1

Dat time, Da One In Charge goin go afta Da peopos dat donno him fo punish dem. He goin ack mean to dem, Cuz he get mo powa den dem, An can wipe um out, Jalike fo go afta da sea monsta Leviatan, Dat move an turn jalike one snake fo run away, Da One In Charge, He goin kill da sea monsta. He goin wack um wit his sword, Da real big an strong sword.

Isaiah 29:6

From me, Da One In Charge, Da God Ova All Da Armies, Goin come time fo make eryting come good. Goin get thunda, An da groun goin shake, an get big noise. Goin get strong wind, an storm, An fire dat goin wipe out eryting.

Isaiah 30:28

Wen he breave, jalike one riva Dat run fas, Dat no can stay inside da stream, But reach up to da peopo neck. He shake da peopo inside diffren countries Jalike dey stay inside one straina, An dey no can do notting. Jalike he put one horse bridle inside dea mout Dat make da diffren peopos go da wrong way.

Isaiah 30:30

Da One In Charge Goin make peopo hear his awesome voice, An show his strong arm come down Wit plenny powa. Cuz he stay huhu, Jalike da fire dat stay burn up eryting, An da strong wind, rain, An hail dat fall down From da sky jalike rocks.

Isaiah 32:19

No matta get hail Dat make all da trees fall down, An all da buildings inside da big town fall down,

Isaiah 40:10

Az cuz Da One In Charge, da Boss, stay come wit powa. He stay in charge cuz he strong. He stay ready fo pay good Da ones dat help him an work fo him.

Isaiah 8:6

“Dis Judah peopo tink Dat wat I stay do fo dem, az no good. No matta I do good tings fo dem, Jalike I give um da watta Dat run slow inside da Siloam watta place. But dey ony feel good cuz dey hear Bout wat goin happen To Rezin da king fo Aram, An to Remaliah boy da king fo Israel.

Ezekiel 13:11

Cuz a all dat, you gotta tell da guys dat put da white paint on top um dat da wall goin fall down real fas. Da strong rain goin come, an I goin sen da hail on top um, an da real strong wind goin come too.

Ezekiel 38:9

You an all yoa army guys an da diffren peopos wit you goin go up fo attack jalike one big storm. You goin come jalike one cloud dat cova da land.

Daniel 9:26

“Afta da sixty-two times seven year, somebody goin kill da one dat God wen pick. He no goin get nobody his side. Goin get one leada dat goin come wit his army. Dey goin wipe out Jerusalem town an da Temple dat stay spesho fo God. Den da end goin come quick, jalike wen one flood come. Goin get war till da end, an erybody goin bag an eryting goin come wipe out.

Nahum 1:8

But he goin wipe out da Nineveh peopo, Jalike wen one big flood come. He goin chase da peopo dat stay agains him, An make dem run inside one dark place.

Joshua 10:11

Wen dey stay running away from da Israel guys on top da road dat go down from Bet-Horon to Azekah, Da One In Charge make big kine hail stone come down on top dem from da sky. Mo plenny Amor guys wen mahke from da hail den from da Israel guys swords.

Jesus Show 18:8

“Dass why in one day all da big kine troubles Goin come on top Babylon, jalike da wahine. All kine sick goin come. Da Babylon peopo goin come all kine sore inside. No mo notting fo eat. Fire goin come an burn um up. Cuz God, Da One In Charge, get all kine powa, An he goin come fo judge Babylon!”

Jesus Show 8:7

Da firs angel guy blow his trumpet. An get hail an fire dat stay mix wit blood, come down real hard on top da earth. An thirty percent a da earth an da trees, an all da grass burn up!