Isaiah 27:7 - Hawaii Pidgin Bible

⁷ Da time Da One In Charge wen bus up da Israel peopo, You tink he wack um mo hard, Den wen he bus up da odda peopo Dat wen bus up da Israel peopo? No way! Da time he wen wipe out da Israel peopo, You tink he wipe um out mo plenny, Den wen he wipe out da odda peopo Dat wen wipe out dem? Not even!

Isaiah 27:7 ပူးပေါင်းရင်းမြစ်များ

Isaiah 10:12

Wen God my Boss pau all he goin do on top Mount Zion inside Jerusalem town wea da Temple stay, den God goin tell, “Now I goin punish da king fo Assyria, cuz he get big head an high nose.

Isaiah 10:17

Da God dat give da Israel peopo light, Fo da Assyria peopo, he goin come jalike one fire. Da One dat stay good an spesho fo da Israel peopo Goin burn up da Assyria peopo. In one day, dat fire goin burn up All da Assyria peopo, jalike dey thorns an weeds.

Isaiah 17:14

Bummahs! Sun down time we all sked. But befo da morning time, Dis wat happen: Da guys dat like steal oua stuffs An take eryting, Dey no stay no moa.

Isaiah 17:3

Inside da Efraim land, No goin get towns dat get strong wall no moa. Inside da Damascus land, No goin get kings no moa. Da Aram kings from Damascus, An da Israel kings from Efraim, Dey was awesome befo time. But bumbye, da ones dat still stay alive From da Aram peopo an da Israel peopo, Dey no goin be awesome no moa. Az how goin be, Da One In Charge, Da God Ova All Da Armies tell.

Isaiah 30:31

Wen Da One In Charge start fo yell, He goin make da Assyria army guys lose fight. Jalike he use his big stick fo wack um.

Isaiah 31:8

“God goin use one sword dat peopo neva make Fo kill plenny Assyria guys. He goin use one sword dat neva come from dis world An dat goin wipe um out. Da Assyria army guys goin run away from dat sword. Odda peopo goin take da young guys from Assyria away An make um work fo dem.

Isaiah 31:9

Da big rock wea da Assyria guys like hide, Dey goin run pass um Cuz dey plenny sked. Wen dea officer guys see Da One In Charge flag fo war, Dey goin come sked an lose fight.” Dis word come strait from Da One In Charge: Wea can see da light from his fire Inside da Temple on top Mount Zion. Can see wea he burn up his rubbish Inside Jerusalem town.

Jeremiah 50:40

Jalike da time wen God wen wipe out Da Sodom an Gomorrah peopo, An da peopo from da odda towns aroun dea, Az how goin come fo Babylon. No mo nobody goin live ova dea Not even fo short time.” Az wat Da One In Charge tell.

Jeremiah 51:24

Da One In Charge tell: “You goin see wat goin happen wen I pay back da Babylon peopo an erybody dat live ova dea fo all da bad kine stuff dey wen do inside Jerusalem town. An I goin do dat in front you Judah guys.”

Nahum 1:14

Da One In Charge tell wat fo do bout you Nineveh peopo: “You guys no goin get kids fo carry yoa name! I goin wipe out da idol kine god statues Dat you guys cut from wood an stone, An da kine gods you guys melt from metal, Dat stay inside da temples fo yoa gods. I goin make yoa graves ready, Cuz you guys stay do stuff dass good fo notting!”

Nahum 3:19

No mo notting can make yoa sword cut come good. You stay hurt, an you goin mahke. Erybody stay suffa Cuz you wen ack real mean erytime! Az why erybody dat hear bout you Clap dea hands fo show dey feel good Cuz you wen come wipe out!