Isaiah 27:6 - Hawaii Pidgin Bible

⁶ Bumbye, da Jacob ohana (Dass da Israel peopo), Dey goin come importan. Dey goin come plenny peopo, Jalike one plant dat get one root fo grow, Den get bud an flowa, An fill up da whole world Wit plenny fruit.

Isaiah 27:6 ပူးပေါင်းရင်းမြစ်များ

Job 37:12

He tell da clouds fo huli all ova da world. Dey do wateva God tell um fo do Ery place he tell um fo go.

Isaiah 35:1

Da peopo dat goin live inside da boonies An da place wea no mo watta, Dey goin feel good inside. Da place wea no mo nobody, Goin get plenny flowas jalike da narcissus flowa.

Isaiah 35:2

Goin get flowas all ova da place dea. Da peopo inside da boonies goin dance an sing, An yell cuz dey feel good inside. Goin come awesome dea inside da boonies, Jalike da Lebanon mountain, An jalike Mount Carmel an da Sharon plain. Da peopo dea goin see dat Da One In Charge stay real awesome Dey goin see dat he da king.

Isaiah 37:31

One mo time, goin get some a da Judah peopo Dat da Assyria guys wen leave dea. Dey goin be jalike one plant Dat da root go down an da fruit come up.

Isaiah 4:2

Dat time, goin get one guy, Da One In Charge goin give him da right fo be king, Cuz he jalike one new branch Dat Da One In Charge make come out from da king ohana. Dat guy goin be real good looking an stay awesome. Erybody goin know bout da stuff dat grow on top da land, Dat goin come real awesome too, An da Israel peopo dat still yet stay alive dat time Goin feel real good inside bout all dat, An all da odda peopo goin get respeck fo dem.

Isaiah 6:13

But even if still yet get ten percent a da peopo dat stay on top da land, Da army guys goin come back one mo time An burn eryting. But, jalike da terebint tree an da oak tree still ony get stump Wen somebody cut um down, Da peopo dat still stay dea, Goin come jalike one spesho seed fo God, Jalike da stump dat goin grow one mo time.”

Isaiah 60:22

Da mos litto bit peopo goin come tousan peopo. Da mos small ohana goin come one strong country. Me, Da One In Charge! Wen da right time come, I goin make um happen, right den an dea!”

Jeremiah 30:19

From dea, goin get plenny songs dat tell dat I good. An goin get music fo dance an sing cuz peopo stay good inside. I goin make dem come mo plenny peopo. Dey no goin come litto bit peopo. I goin make peopo show respeck fo dem An no make any kine to dem.

Ezekiel 36:10

I goin make all da Israel peopo stay inside you mountains an live in da towns. You goin build da bus up towns one mo time.

Ezekiel 36:8

But you Israel mountains, you goin grow branches an fruits fo my Israel peopo cuz dey goin come back pretty soon.

Hosea 2:23

I goin plant da Israel peopo inside da land fo be my peopo. I goin show love an pity fo da ones I wen call um Lo-Ruhamah, dat mean ‘nobody pity dem.’ An fo da ones dat I wen call um Lo-Ammi, dat mean ‘dey not my peopo,’ But I goin tell um, ‘Now you my peopo!’ An dey goin tell, ‘You oua God.’ ”

Zekariah 2:11

“Dat time, plenny nations goin come tight wit me, Da One In Charge. Dey goin come my peopo. I goin live wit you guys.” An you guys goin know dat Da One In Charge, Da God Ova All Da Armies, he da One wen sen me, Zekariah, by you guys.

Galatia 3:29

You guys Christ guys, so den you guys Abraham kids. An you guys goin get yoa share, jalike God wen promise all his kids.

Philippi 3:3

Dey tell, “Fo be God guy fo real kine, gotta cut skin.” But you know, us guys, us da guys dat get God Spirit. Dass da mark fo show dat us God guys, not dem. Cuz wen us do stuff fo God, dass da Spirit dat help us fo do um. Us guys can feel real proud cuz we stay tight wit God Spesho Guy, Jesus Christ. We no tink we okay jus cuz somebody wen do someting to oua body.

Jesus Show 11:15

Den da numba seven angel guy blow his trumpet. Had real loud voices come from da sky. Dey tell, “Now da time! God an his Spesho Guy Christ get da powa Fo take ova an be King ova all da peopos inside da world. Dey goin lead da peopo foeva an eva!”