Isaiah 27:1 - Hawaii Pidgin Bible

¹ Dat time, Da One In Charge goin go afta Da peopos dat donno him fo punish dem. He goin ack mean to dem, Cuz he get mo powa den dem, An can wipe um out, Jalike fo go afta da sea monsta Leviatan, Dat move an turn jalike one snake fo run away, Da One In Charge, He goin kill da sea monsta. He goin wack um wit his sword, Da real big an strong sword.

Isaiah 27:1 ပူးပေါင်းရင်းမြစ်များ

Job 26:13

He blow an da sky come clear. Wit his powa he stab da Rahab ocean snake dat wen run away.

Job 3:8

I like da peopo dat know how fo put kahuna on top one day, Put kahuna on top da day I wen born. Dose guys know how fo wake up da Leviatan sea monsta.

Job 40:19

Da Behemot monsta, he da numba one animal From all da odda tings me, God, wen make. But me, da One wen make him, I can use my sword agains him.

Job 41:1

“You tink you can pull in one big Leviatan kine sea monsta wit one fish hook, o wat? No ways! You tink you can tie down his mout wit one rope?

Songs 104:26

Dass wea da big boats stay go, An da Leviatan sea monsta Dat you wen make Fo him play inside dea.

Songs 45:3

Tie yoa sword aroun yoa wais! You one real strong guy! You look jalike one king, An you awesome!

Isaiah 26:21

Cuz you know wat?! Da One In Charge stay come out from his place Fo punish da peopo on top da earth Fo all bad kine stuff dey do. Den da earth goin show All da peopo dat wen bleed an mahke dea, Da ones dat wen murda dem No can hide um no moa.

Isaiah 51:9

Isaiah tell, “Wake up! Wake up, Da One In Charge! Make ready fo use yoa powa! Wake up, jalike you wen do long time befo time, Da time oua ancesta guys wen live. Dat time, you wen kill da Egypt army guys Wen dey come afta oua ancesta guys, Jalike you wen stab Rahab da dragon, An chop um up!

Isaiah 65:12

I tell you guys wass goin happen bumbye! All you guys goin go down on yoa knees, An da army guys dat kill da prisonas wit dea swords Goin kill you guys da same way! Cuz I wen yell to you guys, but you neva ansa. I wen talk, but you guys neva lissen. You guys wen do wass bad, Da way I see um. An you guys wen pick da kine stuff Dat I no like fo you do, an you still do um.”

Isaiah 65:25

Da wolf an da bebe sheep goin eat togedda. Da lion goin eat grass jalike da cow. But dirt still goin be da snake food. Dey no goin hurt o wipe out each odda On all da mountain dat stay spesho fo me.” Dass wat Da One In Charge tell.

Isaiah 66:16

Da One In Charge goin use da fire an his sword Fo punish all da peopo jalike one judge. Da One In Charge goin wipe out plenny peopo.

Jeremiah 47:6

Da Filisha guys tell, “Ho! Da armies dat stay come, Dey jalike one sword Da One In Charge use. How long da sword goin kill peopo? Da sword no goin go back inside da sword bag. No go kill nobody no moa! You no like res, o wat?!”

Jeremiah 51:13

You guys dat live by da big rivas an watta ditches, You guys dat get plenny rich kine stuffs, Pau awready fo you guys! Time fo you guys get wipe out!

Jeremiah 51:34

Dis how da Jerusalem peopo goin talk: “Nebukadnezzar, da Babylon king, He eat up us Jerusalem guys. He make us come hamajang. He show erybody, dat us guys no mo notting, Jalike us one empty pot. He swallow us guys, Jalike he one big monsta from inside da ocean. He fill up his opu wit ery part a us dat taste good to him, An den, he spit out da res.

Ezekiel 29:3

Give dem dis message: Dis wat Da One In Charge, da Boss, tell: Eh Pharaoh! King a Egypt! Me, I stay agains you! You jalike one riva monsta dat live inside yoa Nile Riva channels. Cuz you tell, ‘Da Nile Riva mines! I wen make um fo me!’

Amos 9:3

No matta dey go all da way on top Mount Carmel An hide ova dea fo nobody see um, I goin find um an drag um back. No matta dey stay hide from me on da bottom a da ocean, I goin tell da big sea monsta wat fo do An he goin go afta um an bite um.

Jesus Show 12:3

Den I see anodda awesome kine ting inside da sky. Get one big, red dragon. He get seven head an ten horn, wit seven small crown on top da seven head.

Jesus Show 13:11

Den I see anodda Wild Animal coming outa da groun. He get two horn jalike one bebe sheep, but he talk jalike one dragon.

Jesus Show 13:4

All da peopo go down an pray to da Dragon, cuz he give da Wild Animal da right fo take charge a da peopo wit him. An dey go down an pray to da Wild Animal too. Den dey tell, “No mo nobody ova hea get mo powa den da Wild Animal! No mo nobody can go fight one war agains him an win!”

Jesus Show 16:13

Den jalike one dream, I see three bad kine spirits. Dey look jalike frogs. One come outa da dragon mout, one outa da Wild Animal mout, an one outa da mout a da guy dat tell he talk fo God, but he bulai.

Jesus Show 17:1

Den, jalike one dream, one a da seven angel messenja guys dat get da seven bowl wen come tell me, “Go come fo me show you how God goin punish da big hoa dat get her throne nea da big ocean.

Jesus Show 17:15

Den da angel messenja guy tell me, “Da big ocean you wen see, wea da hoa get her throne, dass peopos, nations, countries, an languages.

Jesus Show 19:21

Da Guy dat ride da horse kill all da oddas wit da sword dat come out from his mout. An all da scavenja birds eat um all up!

Jesus Show 2:16

So den, you guys gotta come sorry, an no do all da bad kine tings you stay do no moa. Cuz if you guys do dat, den I goin come by you guys pretty soon, an wat I tell goin show dat dey stay wrong. Dass jalike I use one sword fo fight an win ova da guys dat stay agains me!’

Jesus Show 20:2

He grab da Dragon, da snake dat wen stay from befo time. Dass da Devil, an dey call him Satan, Da One Dat Stay Agains God too. An da angel lock up da Devil wit one chain, an he stay dea fo one tousan year.