Isaiah 26:8 - Hawaii Pidgin Bible

⁸ Da One In Charge, fo shua us guys like live Da way you show us fo us stay wait Fo find out how you goin judge peopo. Da ting us fo real kine like fo erybody know, Is wat kine god you, an no foget you.

Isaiah 26:8 ပူးပေါင်းရင်းမြစ်များ

2 Samuel 23:5

“Fo shua, my ohana goin stay lidat wit God. He wen make one promise fo me dat stay foeva. He make shua ery part okay, an no ways goin change. He goin make me da winna! He goin make eryting happen Dat I like fo happen.

Songs 106:3

Da peopo dat make fair fair to erybody An do da right ting erytime, Dey can stay good inside!

Songs 130:5

I stay wait, cuz I know Da One In Charge goin do someting. I know wat he tell, an dass why I stay wait fo him help me. An dass why I can hang in dea An trus him.

Songs 18:23

In front God, no mo nobody can poin finga me, I make shua I no do notting bad fo him punish me.

Songs 42:2

Inside, I tink lidis: “I like see da God dat stay alive, Jalike I stay thirsty fo see him! I like know wen I can go by him Fo stan in front him!”

Songs 65:6

You da one make da mountains Stay wea dey stay, cuz you strong. Wen you make ready fo fight, You get plenny powa.

Songs 73:25

Eh God! You da ony one fo me, Up dea inside da sky! An I no need notting inside dis world, Cuz I get you!

Songs 84:2

Me, I excited fo go inside da open lanai Aroun da Temple Fo Da One In Charge! I like go dea, mo den I can handle. I goin sing fo da God Dat Stay Alive Cuz I stay real good inside! I goin all out fo yell fo him!

Outa Egypt 3:15

God tell Moses fo tell da Israel peopo: “Da One In Charge, he da same God dat yoa ancesta guys wen pray to. He da God fo Abraham, fo Isaac, an fo Jacob. Was him wen sen me by you guys. “An no foget, Da One In Charge, Dass my name foeva! Dass how you goin teach yoa kids Fo no foget who me, An same ting fo dea kids, foeva!

Love Song 5:8

Eh you wahines from Jerusalem, I tell you guys fo make one promise, If you guys find da one dat love me, Wat you goin tell him? Tell him dat I love him so plenny Dat stay make me come weak!

Isaiah 12:4

Dat time, you guys goin tell, “Tell Da One In Charge ‘Mahalo!’ Tell him fo help you cuz you know wat kine god him! Go by all da diffren peopos Fo make shua dey know wat kine tings he can do! Help erybody fo no foget Dat wen you know wat kine god him, You know he da greates!

Isaiah 24:15

Dass why you peopo dat live east side Wea da sun come up, Make shua da peopo dea show respeck fo Da One In Charge! An you guys dat live dea on top da islans, Make shua da peopo dea know wat kine god Da One In Charge, Da God fo us Israel peopo!

Isaiah 25:1

Da One In Charge, you my God! I goin tell dat you da greates, I goin tell peopo I know wat good kine god you! Cuz you wen do awesome kine tings Wen you make one plan from long time befo, An us guys can trus you fo dat, An we know you tell da trut.

Isaiah 25:9

Dat time, peopo goin tell, “Eh! Dis, oua God, fo shua! We wen trus him, An he wen get us outa trouble! Dis Da One In Charge, da One we trus. Now, us guys can dance an sing, An stay feel real good inside Cuz he wen do dat.

Isaiah 26:13

Da One In Charge, you da God fo us guys! Befo time, get odda bosses stay in charge a us, not you. So us guys goin make shua Dat you, da ony one us goin tink bout An use yoa name.

Isaiah 30:18

Dass how come Da One In Charge stay wait, Cuz he stay ready fo do good tings fo you guys. He goin stan up Fo show you guys pity an love. Cuz Da One In Charge, he da kine god Dat judge da right way erytime. An all da peopo dat stay wait fo him, Dey can stay good inside.

Isaiah 33:2

Eh! You Da One In Charge! We like you do good tings fo us guys. We stay wait fo you help us. Ery morning, you da One make us strong, Da One get us outa trouble, Erytime we get hard time.

Isaiah 49:23

You Jerusalem guys, You goin get king guys fo take kea yoa kids An be jalike dea hanai faddahs, An da alii wahines goin be Jalike da muddahs fo breas feed yoa kids. Dey all goin go down Wit dea face on top da groun Fo show respeck fo you Jerusalem guys, Jalike dey stay eating da dirt on top yoa feet. Den, you guys goin know dass me, Da One In Charge. Da peopo dat wait fo me, fo see wat I goin do, No way dey goin come shame!”

Isaiah 51:4

“Da One In Charge tell, ‘Lissen to me, all my peopo! Cuz I goin give my Rules to all da peopos, An wat I tell cuz I da Judge, Goin show all da nations wass right, Az goin be jalike one light fo show dem da way.

Isaiah 56:1

Dis wat Da One In Charge tell: “Make shua da judges fo you guys Stay judge da peopo da right way. All you guys, do da right ting erytime. Cuz litto bit mo time now, I goin get you guys outa trouble, Fo show erybody dat I do da right ting erytime.

Micah 4:5

No matta all da odda peopos know wat kine gods dey live wit, Us guys, we goin stay tight Wit oua God, dass Da One In Charge a us, Cuz we know wat kine god him, foeva an eva.

Micah 7:7

“But me, I watch fo Da One In Charge. I wait fo God cuz he goin get me outa all dis trouble. My God goin lissen me.

Malakai 4:4

“No foget da Rules from my worka guy Moses. I wen teach him wat he gotta do, Mount Sinai side, Fo him teach all da Israel peopo da Rules Fo know wass right an wass wrong.

Census 36:13

Dese da rules Da One In Charge give Moses fo give to da Israel peopo, da time dey stay on top da flat part a Moab by da Jordan Riva, da odda side from Jericho.

Luke 1:6

Zekariah an his wife do da right tings da way God see um. Eryting Da One In Charge tell um fo do, an all da Rules From God, dey do um. An no mo nobody poin finga dem.

Jesus Guys 1:4

One time wen Jesus stay wit his guys, he tell um, “No go way from Jerusalem, but wait ova hea till you guys get da Spirit my Faddah promise fo sen. You guys wen hear me tell bout dat Spirit.

Rome 8:25

But wen we wait fo someting we neva see happen yet, den we goin hang in dea real good an wait fo see dat happen.

2 Tessalonika 3:5

I like Da One In Charge show you guys how fo get plenny love an aloha inside, jalike God get plenny love an aloha. Plus, I like he help you guys fo hang in dea jalike God Spesho Guy Christ stay hang in dea.