Isaiah 26:18 - Hawaii Pidgin Bible

¹⁸ Us guys, same ting. Jalike us stay born one bebe, Us move aroun plenny, but da ting we born, Az notting, jalike we born ony wind. We neva do notting Fo get nobody on top da earth outa trouble, We neva born plenny peopo fo fill up da land.

Isaiah 26:18 ပူးပေါင်းရင်းမြစ်များ

2 Kings 19:3

Dey tell Isaiah, “Dis wat Hezekiah tell: Us stay supa presha out today an hard time us get! Da One In Charge stay punish us guys. Us come shame in front da odda peopos! Az jalike one bebe goin born, but da muddah not strong enuff fo born um.

Songs 17:14

Eh! Da One In Charge, you real strong! So get me outa trouble from dat kine peopo! Da ones dat ony like get plenny stuffs From inside dis world! But da ones you get love an aloha fo, You give dem all da good tings dey like get. Dea kids an dea grankids, Goin get mo plenny still yet!

Isaiah 33:11

You Assyria guys, you get big kine plan, But az ony junk kine. You tink fo do plenny, But da wind blow um away. Wen you guys stay breave, Goin come jalike one fire, An da fire goin burn up you guys.

Isaiah 37:3

Dey tell Isaiah, “Dis wat King Hezekiah tell: ‘Dis one day all us feel all bum out. God stay show dat us guys wen do wrong, an cuz a dat us come shame. Us stay jalike wen one bebe goin born, but da muddah not strong enuff fo born um.

Isaiah 59:4

No mo nobody fo tell peopo Dey betta do da right ting. Wen peopo talk in front da judge, Nobody tell um da trut. Dey tink az good, Fo tell stuff dat no mean notting, An talk bout wase time kine stuff, An make trouble, An cuz a dat, bad kine stuff happen. Jalike one wahine come hapai, An cuz a dat, she born one bebe.

Hosea 13:13

Da Efraim peopo hurt jalike one wahine born one bebe. But da bebe no like come outa da muddah!

John 7:7

Da peopo inside da world, dey no goin hate you guys. But dey hate me, cuz I tell um dat da kine stuff dey stay do, az real bad kine stuff!

1 John 5:19

Us guys know dat we come from God, but da Bad Guy stay in charge a all da odda peopo inside da whole world.

1 Samuel 11:13

But Saul tell, “You guys not goin kill nobody today! Cuz today, Da One In Charge, az da One get us Israel peopo outa trouble!”

1 Samuel 14:45

But da army guys tell Saul, “Wat you mean, Jonathan gotta mahke?! No way! He da one wen get us Israel guys outa trouble from da Filisha guys, big time! Jalike fo shua Da One In Charge stay alive, us guys stay shua too, dat not even one hair from Jonathan head goin fall on top da groun. Cuz God wen help Jonathan get all us guys outa trouble today!” So dass how da army guys get Jonathan outa trouble fo him no mahke.