Isaiah 26:16 - Hawaii Pidgin Bible

¹⁶ Da One In Charge, befo time oua peopo look fo you Wen dey get hard time. Wen you scold dem fo teach dem, Dey ony can wispa wen dey pray to you.

Isaiah 26:16 ပူးပေါင်းရင်းမြစ်များ

Songs 142:2

I tell him bout my problem, Jalike I pour eryting in front him. I make shua he know Wat stay bodda me.

Songs 27:8

Fo real kine, I like come close to you. Eh! You Da One In Charge! Dass wat I like fo do, Go in front you.

Songs 42:4

I spill my guts, Cuz I no foget how was befo time. Dat time, I wen go In front plenny peopo Fo bring dem by da Temple fo God, Wit erybody amping out Cuz dey stay real good inside. Had choke plenny peopo stay tell God “Mahalo plenny!” An all dem go togedda fo pray to him!

Songs 50:15

Erytime you get hard time, You gotta aks me fo help you. Den I goin get you outa trouble. An you goin tell peopo How awesome I stay.”

Songs 77:3

I tink bout God, an I moan. I tink plenny bout stuff, An jalike I pass out inside. (Time out fo da music.)

Songs 78:34

But afta God kill some a dea peopo, Da ones dat still stay alive Change dea mind. Dey like know God Jalike dey wen know um befo time.

Songs 91:15

Any time he get trouble, He can yell to me Da One In Charge fo help him. I goin lissen him, I goin be dea Fo make shua notting hurt him, An I goin make shua erybody know he importan.

Isaiah 37:3

Dey tell Isaiah, “Dis wat King Hezekiah tell: ‘Dis one day all us feel all bum out. God stay show dat us guys wen do wrong, an cuz a dat us come shame. Us stay jalike wen one bebe goin born, but da muddah not strong enuff fo born um.

Jeremiah 2:27

Dey tell one wood idol, ‘You my faddah!’ Dey tell one stone idol, ‘You wen born me!’ Dey make deaf ear to me, An no lissen. But wen dey get trouble, Dey tell me, ‘Help us get outa trouble!’

Jeremiah 22:23

You da king dat live inside Lebanon kine palaces, Dat get cedar wood fo make high makamaka. You goin moan plenny wen you start fo hurt, Jalike one wahine wen she born one bebe.”

Jeremiah 29:12

“Wen you guys call out to me fo me come help you, an pray to me, den I goin lissen you guys.

Sad Song 2:19

Wake up! Yell loud nite time, Wen da watcha guys start fo call. Pour out eryting inside you, jalike watta in front da Boss. Lif up yoa hands an pray to him, fo yoa kids no mahke! Dey stay hungry, so dey pass out at ery street corna.

Hosea 5:15

Den I goin go back my place, Till dey know dat dey da ones get da blame. Den dey goin turn to me. Cuz dey get trouble, dey goin try real hard fo come tight wit me.”

Hosea 7:14

Dey no call me wit one good heart. Dey ony lay on top dea beds an cry loud. Dey cut dea body Fo odda gods give um wheat an barley an new wine, But dey tell ‘Laytas’ to me!

Census 21:7

Da peopo come by Moses, an tell, “Us wen do bad kine stuff wen we grumble bout Da One In Charge an about you. Try aks Da One In Charge fo make da snakes go way from us guys.” So Moses pray fo da peopo.

Jesus Show 3:19

Erybody I get love an aloha fo, I show um wea dey no do da right ting, an I help um fo do da right ting. Az why you guys gotta wise up an come sorry fo all da bad kine stuff you do, an no do da bad kine stuff no moa.

Local Leadas 10:15

But da Israel peopo tell Da One In Charge, “Us guys wen do bad kine stuff! Do wateva you figga fo punish us guys. But try help us! Get us outa trouble now!”

1 Samuel 1:15

Hannah tell um, “Oh, mista, sorry, aah? Az not how stay! I not piloot! I neva drink notting! Me, I jus one wahine dat donno wat fo do! So I stay pray real hard hea in front Da One In Charge. I tell him all my pilikia.