Isaiah 26:12 - Hawaii Pidgin Bible

¹² Da One In Charge, you da One Make eryting come out good fo us guys, Cuz eryting dat us guys stay do, You da one do um fo us guys.

Isaiah 26:12 ပူးပေါင်းရင်းမြစ်များ

Songs 29:11

Da One In Charge, he make his peopo strong! Da One In Charge, he do good tings fo his peopo An make eryting come good fo dem!

Songs 57:2

I yell to God fo help me, Da God Dass Mo Importan Den All Da Odda Gods, Da God dat know wat he like me fo do, An he goin make um fo me do um.

Songs 57:3

I like fo God reach down from da sky Fo get me outa trouble. If somebody like make any kine to me, I like God make um come shame. (Time out fo da music.) I like fo God stay tight wit me Cuz I his guy An he erytime do Wat he tell he goin do.

Songs 68:28

Yoa God wen tell you guys, You gotta come strong. Eh God, show how strong you stay, Jalike you wen show us guys Befo time!

Songs 90:17

Eh God! You da Boss fo us guys! We like you make real nice To us guys! Da work us do, Make um come out good. Az right, make all dat work we do Come out good!

Isaiah 26:3

Da One In Charge, you take kea Whoevas stay shua bout wat dey tink. Az why dey no mo worries Cuz dey trus you.

Isaiah 27:5

But even da thorn an sticka kine peopo, Dey can come tight wit me An let me take kea dem too. Dass how dey no need fight wit me no moa, Cuz eryting goin come good wit me an dem.”

Isaiah 29:23

Wen da Jacob ohana peopo see dea kids aroun dem, Da kids I wen make, Dey goin know who me, An ack pono cuz dey know I stay good an spesho. Dey goin show me respeck Cuz I da Good an Spesho One Dat Jacob wen pray to befo time. Dey goin feel real sked in front me, Da God fo da Israel peopo.

Isaiah 32:18

My peopo goin stay inside places Wea eryting come good fo dem. Dey goin live inside places Wea dey can stay shua notting bad goin happen, Places wea dey goin res An no need worry bout notting.

Isaiah 57:10

You guys look all ova da place fo find new gods, An you come tired from all dat. But you no tell, “All dat, az wase time!” Cuz you no give up, You wen come strong one mo time, Dass why you no pass out.

Isaiah 57:19

I goin make da peopo talk diffren den befo time. Dey goin tell, ‘Da peopo far an nea, Dey goin come so notting bodda dem!’ ” An Da One In Charge tell, “Jalike my peopo stay sick, An I goin make dem come good.”

Isaiah 9:6

Cuz one bebe goin born fo us guys, One boy dat God give us. Da govmen goin be his kuleana. Dis da name peopo goin give him: “Da Awesome One Dat show us da bestes tings fo do. Da God dat get all da powa. Da Faddah dat stay foeva. Da Leada dat make us come so notting bodda us.”

Jeremiah 33:6

“But den, I goin make da peopo inside dis town come good an strong one mo time. I goin make shua dey see how eryting stay good fo dem, an no mo notting bodda dem.

Ezekiel 20:14

But cuz I get one good rep, az why I make shua da odda peopos aroun dem no give me one pilau name. Cuz dose odda peopos see wat I do, da time I bring da Israel peopo outa Egypt.

Ezekiel 20:22

But I neva do all dat cuz I get one good rep. Az why I make shua da odda peopos aroun dem no give me one pilau name cuz a who me. Cuz dey see wat wen happen wen I bring da peopo outa Egypt.

Ezekiel 20:9

But fo keep my good rep, I make shua da odda peopos aroun dem no give me one bad rep. Cuz dose odda peopos see wat I do, da time I let da Israel peopo see me an I bring um outa Egypt.

Ezekiel 36:25

“Jalike I goin splash clean watta on top you guys an you guys goin come real clean inside. I goin make you guys come real clean from all da pilau kine stuff you guys wen do an from yoa idol kine gods.

Census 6:26

Da One In Charge goin look at you wit aloha, An make eryting come good fo you.’

John 14:27

“Wen I go way, I goin make you guys so notting bodda you inside. Ony me can give you dat. All da stuff in da world no can make um so notting bodda you. Ony me can make um so notting bodda you! No come all bus up inside! An no come sked!

Efesus 2:10

God da One make us guys how we stay now. He make us stay tight wit Jesus Christ, az why us guys can do good kine stuff. Even befo he make us, he awready make plan fo us guys fo do good kine tings.

Rules Secon Time 30:6

Yoa God, Da One In Charge, goin make you an da peopo dat goin come from you bumbye, like come his peopo, jalike he goin put one mark inside you an yoa kids fo show dat you his peopo. Den you guys goin go all out fo show love an aloha fo him fo you live fo real kine.

Hebrews 13:20

God, he da One dat make um so notting bodda us guys. An he da One dat wen bring back from mahke Da One In Charge a us guys, Jesus. Jesus wen bleed an mahke fo us guys, an dass how God wen make one New Deal fo us dat stay foeva. Jesus, he jalike da main sheep guy dat take kea his sheeps.