Isaiah 26:11 - Hawaii Pidgin Bible11 Da One In Charge, dat kine peopo no can see notting! Dey donno dat you stay put up yoa hand awready Fo use yoa powa fo punish dem! I like dey come shame wen dey look An see dat you stay go all out fo yoa peopo, An jalike you make da fire burn up an kill Da peopo dat stay agains you. အခန်းကိုကြည့်ပါ။ |
Isaiah 26:11
42 ပူးပေါင်းရင်းမြစ်များ
“Az why, wen dose peopo make lidat, Dey goin come poho, Jalike one plant wit da root all rotten, An da wind blow away all da flowas jalike dus, Jalike da fire burn up da junks from da wheat, An da dry grass no mo wen stay burn. Az cuz dey no take da Rules Dat Da One In Charge, Da God Ova All Da Armies, teach um, An dey ack jalike wateva Da One In Charge tell dem, Stay no good! No matta he da Good An Spesho God fo da Israel peopo,
Fo make ready fo fight, Da One In Charge put on his body armor. Az how come nobody can hurt him. Dat mean, he stay do da right ting erytime. He put on his helmet. Dat mean, he know how Fo get his peopo outa trouble. Da shirt he put ova da body armor, Az jalike fo show da bad guys How he goin pay um back Fo eryting dey wen do. Da fancy kine robe he wear, Az jalike fo show Dat he goin go all out fo do all dis.
Get peopo befo time Dat wen make any kine to you guys, Dea kids goin come by you guys An go down in front you guys. Erybody dat wen ack jalike dey tink you no good, Dey goin go down on top da groun by yoa feets. Dey goin call yoa town, ‘Da One In Charge Town, Zion Town, Da Town Fo Da One Dat Stay Good An Spesho fo da Israel peopo.’
Da One In Charge! Look down from da sky From da place you live up dea, Yoa Good An Spesho Place, Dat show how awesome you stay! Look down fo see wat stay happen! Befo time you wen go all out fo us guys. But now, you no give a rip! Befo time, you wen use yoa powa fo help us guys. But now, you no do notting. You wen feel plenny love an pity fo me befo time, But now, you stay hold back from me!
You guys dat stay sked an shaking wen Da One In Charge talk, Lissen wat he tell: “Da odda Israel guys dat hate you guys, Dey no let you guys stay wit dem Cuz you know wat kine god me. Dey make fun a you guys, an tell, ‘Good, you show respeck fo Da One In Charge! We like see you guys stay good inside!’ But dey da ones goin come shame!
He goin come da leada Fo da govmen, An he goin make eryting come So notting bodda nobody, An fo shua he goin do dat. He goin be da king on top da throne Jalike King David, his ancesta guy. He goin judge erybody da right way, An he goin do da right ting erytime. From da time he come da king, He goin make shua he stay king foeva. All dis goin happen Cuz Da One In Charge, Da Boss Ova All Da Armies, Goin make shua dis goin happen.
Jeremiah tell, “Eh! Da One In Charge, fo shua you look Fo peopo you can trus, aah?! But dese Jerusalem guys, even wen you wack um, Still yet, dey neva feel bad cuz a dat. You wen smash um, But no way dey goin learn fo do wass right. Dey hard head, jalike one rock. Az why dey no like change dea mind An come sorry fo da bad kine stuff dey wen do.
Den da peopo from odda lands dat stay agains me goin see dat, An dey goin come plenny shame in front erybody. Cuz dey wen make fun a me an tell, ‘Eh! Yoa God, Da One In Charge, wea he stay?!’ But I goin see dem lose face! Dey goin come jalike da mud dat get on top da streets, Wen peopo walk all ova um.
Dis wat Da One In Charge, Da God Ova All Da Armies tell: “You know wat I goin do? Fo all da peopo dat ack jalike dey mo betta den erybody, An fo all da peopo dat stay do bad kine stuff— Da time goin come, wen dose peopo goin come Jalike da lef ova junk kine stuff from da wheat Dat peopo burn up inside one hot burning oven! No goin get notting lef, Not even da roots, not even da branches!
But da Guy on top da horse win agains da Wild Animal, an agains da guy dat tell he talk fo God but he bulai. Da Bulaia Guy do all kine awesome stuff fo show dat da Wild Animal get powa. Az how he bulai all da peopo dat get da Wild Animal mark on top dea forehead, an dat go down an pray to his statue. Den da Guy dat stay ride da horse throw da Wild Animal an da Bulaia Guy inside da lava lake dat stay burn wit sulfur.
But betta watch um good! Cuz maybe da cows goin take da Box up dea by da land wea da Box wen stay befo time, by Bet-Shemesh. Den dat goin mean, dat was da real Israel god dat give us guys one real hard time. But if da cows no take da Box up dea, den us guys goin know dat dea god neva do notting, but eryting dat wen happen, jus wen happen.”
ကြော်ငြာတွေ